7M01703 Шетел тілі: екі шетел тілі в Қызылорда "Болашақ" университеті

Пәндер

• Жалпы тіл білімі және лингвистикалық зерттеулердің тарихы

  Мақсаты: Лингвистиканың өзекті мәселелерімен, басты бағыттарымен, тіл білімінің зерттеу әдіс-тәсілдерімен таныстыру. Магистрант тіл білімінің тарихы, теориялық мәселелері, тілді зерттеу әдістері, жалпы тіл білімінің проблемалары және лингвистика ғылымының кезеңдерімен танысады, тіл біліміндегі әртүрлі ғылыми мектептер мен бағыттардың пайда болу себептерін түсіндіреді, жалпы тіл білімінің басқа ғылымдармен байланыстарын сипаттайды.

  Оқу жылы - 1
  Семестр - 1
  Несиелер - 5
  

• Педагогикалық-психологиялық пәндерді оқыту әдістемесі

  Педагогикалық және психологиялық пәндерді оқытудың ғылыми негіздерін, әдіс-тәсілдерін, принциптерін және ұйымдастыру формаларын, педагогика мен психологияның теориялық және практикалық аспектілерін бірлікте қарастырып, оқу процесінің тиімділігін арттыруға бағытталған әдістемелік құралдарды ұсынады. Мақсаты — педагогикалық және психологиялық пәндерді оқыту үдерісінің ғылыми негіздерін, әдіс-тәсілдерін, құралдарын және ұйымдастыру формаларын зерттеу арқылы болашақ педагогтардың кәсіби дайындық деңгейін көтеру.

  Оқу жылы - 1
  Семестр - 1
  Несиелер - 4
  

• Шетел тілі /кәсіби/

  Мақсаты: Қажетті коммуникативтік дағдыларды қалыптастыру және дамыту, дайындық бағыты бойынша шет тіліндегі ғылыми әдебиеттермен жұмыс жасауды үйрену, лингвистикалық төзімділік қалыптастыру. Курс шет тілінде жазбаша және ауызша сөйлеу заңдылықтарын, құжаттама жүргізу және іскерлік хат алмасу негіздерін, есту арқылы түсініп, мәтіндік материалды оқи білуін, монологтық және диалогтік сөйлеу дағдыларын игеруді көздейді.

  Оқу жылы - 1
  Семестр - 1
  Несиелер - 4
  

• Ағылшын тілінің функционалдық грамматикасы

  Мақсаты: Ауызша және жазбаша қарым-қатынаста ағылшын тілінің грамматикалық формаларын сауатты қолдану дағдыларын дамыту. Магистрант ағылшын тілінің грамматикалық құрылымының негіздері, функционалдық грамматиканың ғылым ретінде даму тарихы, жалпы тіл теориясындағы орны, морфология мен синтаксистің негізгі ұғымдары, ағылшын тілінің грамматикалық құбылыстары туралы ғылыми білім алады.

  Оқу жылы - 1
  Семестр - 1
  Несиелер - 5
  

• Ғылым тарихы мен философиясы

  Мақсаты: Мәдениет тарихындағы ғылым мен ғылыми білімнің эволюциясы мен даму заңдылықтары туралы тұтас түсінікті қалыптастыру. Курста жалпыадамзаттық мәдениеттің бір бөлігі ретінде ғылыми ойлау тарихы мен философиясын терең ұғынуға негізделген пәнаралық дүниетанымның қалыптасуы, ғылым тарихындағы философиялық мәселелер қарастырылады.

  Оқу жылы - 1
  Семестр - 1
  Несиелер - 4
  

• Салыстырмалы-тарихи және салғастырмалы тіл білімі негіздері

  Мақсаты: Салыстырмалы-тарихи және контрастивті лингвистиканың теориялық мәселелерін, мәдениетаралық байланыстарды анықтап, ғылыми теориялық білім қалыптастыру. Магистрант салыстырмалы-тарихи және салғастырмалы тіл білімінің негізгі мәселелерімен танысады. Салғастырмалы лингвистика методологиясымен контрастивтік грамматика, морфология, лексикология, фонетика мен фонология, мәдениетаралық коммуникацияның салғастырмалы зерттеу мәселелерін зерделейді. Салыстырмалы-тарихи тіл білімінің негізгі терминдері, әдістері мен тәсілдерін меңгереді.

  Оқу жылы - 1
  Семестр - 1
  Несиелер - 5
  

• Білім берудегі оқыту технологиялары

  Бұл пән болашақ педагогтарды білім беру технологияларын тиімді қолдануға, білім беру үдерісін тиімді ұйымдастыру және оның сапасын арттыру мақсатында қолданылатын түрлі педагогикалық технологияларды тиімді жоспарлау, ұйымдастыру және жүзеге асыруды қарастырады. Магистранттардың ойлау қабілеттерін, шығармашылық және аналитикалық дағдыларын дамытуға ықпал етеді, білім беру процесін инновациялық тұрғыдан қайта құруға мүмкіндік береді.

  Оқу жылы - 1
  Семестр - 1
  Несиелер - 5
  

• Ағылшын тілінің коммуникативті грамматикасы

  Мақсаты: Магистранттың коммуникативтік құзіреттіліктерін дамытуға қажетті барлық алғышарттарды орындай отырып, грамматикалық тұрғыда дұрыс қарым қатынас жасауға үйрету. Магистрант ауызекі сөйлеудің грамматикалық формалары мен конструкцияларына басты назар аудара отырып, ағылшын тілінің коммуникативті грамматикасы құрылымының заңдылықтарымен, ерекшеліктерімен таныс болады.

  Оқу жылы - 1
  Семестр - 1
  Несиелер - 5
  

• Психолингвистика

  Мақсаты: Қазіргі психолингвистиканың проблемалары мен перспективаларын көрсету; магистранттарды психолингвистикалық зерттеулердің терминологиялық аппаратымен, оқытылатын пәннің метатілімен таныстыру. Психолингвистиканың ғылым ретінде қалыптасу тарихын, өзекті мәселелерін, тіл, ойлау және сана арасындағы байланыс, сөйлеу әрекетінің прагматикасы, сөйлеу мен психиканың арақатынасы, сөйлеудің автор мен адресаттың психикасына әсері мәселелерін қарастырады

  Оқу жылы - 1
  Семестр - 2
  Несиелер - 5
  

• Когнитивті лингвистика

  Мақсаты: Когнитивтік лингвистиканың тарихы мен қазіргі жағдайын, отандық және шетелдік когнитивтік мектептердің әдіснамалық тәсілдеріндегі айырмашылықтарды зерттеу. Магистрант когнитивті лингвистиканың зерттеу нысаны, міндеттері, когнитивтік лингвистикаға тән категориялар жөнінде түсінік қалыптастырады. Магистрантты тілдің танымдық рөлін тануға, көркем шығарма тіліне концептуалдық талдау жасауға дағдыландырады.

  Оқу жылы - 1
  Семестр - 2
  Несиелер - 5
  

• Шет тілінің фразеологиясы

  Мақсаты: Ағылшын тілінің фразеологиялық жүйесінің іргелі және қолданбалы негіздері туралы білімдерін тереңдету. Магистрант шет тілі фразеологизмдерінің зерттеу тарихы, қалыптасуы, фразеологиялық бірліктер, олардың пайда болуы, жіктелуі, стильдік қызметі, тіл құбылыстарының ұлттық-мәдени ерекшелігі сынды теориялық мәселелермен танысады.

  Оқу жылы - 1
  Семестр - 2
  Несиелер - 5
  

• Екінші шет тілі теориясы

  Мақсаты: Ғылыми терминологияны, теориялық зерттеулерді, екінші шет тілінің даму кезеңдерін, фонетикалық, морфологиялық, лексикалық, синтаксистік деңгейлердің негізгі бөліктерін, олардың қызметін қарастыру. Ауызша және жазбаша түрде қарым-қатынас жасау дағдыларын қалыптастыру. Магистрант екінші шет тілінің фонетикалық, лексикалық, морфологиялық, синтаксистік құрылымының негізгі мәселелері, олардың қызметі, тілдік бірліктердің табиғаты мен қызметі, парадигма мен синтагматика құбылыстары, тіл элементтері, олардың өзара байланысы жөнінде білім қалыптастырады.

  Оқу жылы - 1
  Семестр - 2
  Несиелер - 5
  

• Екінші шет тілі: даму тарихы

  Мақсаты: Қоғамның даму тарихымен байланысты тілде болатын тарихи үрдістерді нақты көрсету, екінші шет тілінің нормаларын және оның тарихи даму заңдары тұрғысынан ерекшеліктерін түсіндіру. Магистрант екінші шет тілінің негізгі даму кезеңдері, тарихи даму үрдісі, әріпті өзгертудің ерекшеліктері, тілдің дыбыстық құрылымдарын зерттеу әдістері, зерттелетін тілдің фонетикалық, морфологиялық, синтаксистік, лексикалық өзгеру заңдылықтары туралы білім алады.

  Оқу жылы - 1
  Семестр - 2
  Несиелер - 5
  

• Қазіргі мәдениет контекстіндегі шет тілдер

  Мақсаты: Магистранттың ұлттық-таңбаланған тілдік бірліктер туралы терең білімдерін дамыту. Магистрант ауызша және жазбаша іскерлік қарым-қатынастың мәдени аспектілерін, коммуникативтік тұлға, тілдік тұлға, дискурстың лингвистикалық және экстралингвистикалық факторларының мәселелерін, дискурс теориясын, тіл мен мәтіндегі аксиологиялық модельдерін меңгереді.

  Оқу жылы - 1
  Семестр - 2
  Несиелер - 5
  

• Әлеуметтік лингвистика

  Мақсаты: Тілдің қоғамдық табиғаты, әлеуметтік қызметі, тіл болмысының қатынастық түрлері (әдеби тіл, ауызекі сөйлеу тілі, жергілікті диалектілер, койне, пиджиндер), тілдің әлеуметтік сипаттағы түрлері (жаргон, арго, кәсіби тіл), билингвизм, диглоссия, пиджинделу, креолдану процестері туралы білім қалыптастыру. Магистрант тілдің қоғамдағы қызметі, типологиясы, тілдің қосымша жүйелерінің түрлі әлеуметтік орталарда, өмір салаларында қолданылуы, тілдің дамуы мен қызмет етуіне әсер ететін обьективті және субьективті факторлар, этнолингвистикалық, тілдік жағдаят, олардың типтік түрлері, тілдердің бір-біріне әсер етуі, диглоссия, билингвизм теориясы жөнінде білімдерін жүйелейді.

  Оқу жылы - 1
  Семестр - 2
  Несиелер - 5
  

• Гендерлік лингвистика

  Мақсаты: Тілдің әлеуметтік қызметтерін зерттеу, гендерлік көзқарас мәселелері туралы идеяларды қалыптастыру, оны қазіргі заманғы социологиялық тәжірибеде қолдану негізінде кәсіби және әлеуметтік құзыреттілікті дамыту, гендерлік-рөлдік мәселелер саласындағы білімдерді жүйелеу. Магистрант ұлт пен этнос мәдениетіндегі ерлер мен әйелдер тілін¬дегі ерекшеліктер, оның мәні, түрлі құрылымдық типтегі мәтіндерде сақталған ерлер мен әйелдер тіліне тән ұлттық және мәдени құнды¬лықтар, гендерлік этикет нормалары, ерлер мен әйелдер тілінде¬гі сөз қолданыстарының стильдік ерекшеліктері, тілді меңгерудегі гендерлік ерекшеліктердің ықпалы және әлемнің тілдік бейнесін жасаудағы гендерлік оппозиция мәселелері туралы білім қалыптастырады.

  Оқу жылы - 1
  Семестр - 2
  Несиелер - 5
  

• Ғылыми зерттеуді ұйымдастыру және жоспарлау

  Мақсаты: Ғылыми зерттеулерді ұйымдастыру және жоспарлау саласындағы шетелдік және отандық тәжірибені зерттеу. Білім беру саласындағы озық зерттеу әдістерін зерделеу. Магистрантты зерттеу жобасын әзірлеуге және жобалауға бағыттау. Ғылыми зерттеулерді ұйымдастыру мен жоспарлауда практикалық дағдыларды қолдану, ғылыми-зерттеу бағыттары туралы білімдерін жүйелеу. Магистрант ғылыми әзірлемелер мен зерттеулерді ұйымдастыра алады. Жоспарлаудың қазіргі заманғы әдістерін зерттеп, авторлық құқық және патент, жоба мен зерттеудің негізгі компоненттерін, ақпарат көздерін өңдеудің нақты әдістерін талдай алады. Ғылыми-зерттеу жұмыстарын рәсімдеу ережелерін меңгереді.

  Оқу жылы - 2
  Семестр - 1
  Несиелер - 6
  

• Дискурс және стиль

  Мақсаты: Дискурстың табиғаты мен ғылыми мәтіннің стилистикасы, оның түрлері, құрылымы мен түсіндіру ережелері туралы қажетті білімді жүйелі түрде меңгерту. Магистрант дискурстың теориясы, дискурстық талдау және стилистика саласындағы лингвистиканың жаңа жетістіктері, дискурстық және стилистикалық талдауды зерттеудің тәсілдері жөнінде білім қалыптастырады.

  Оқу жылы - 2
  Семестр - 1
  Несиелер - 5
  

• Шетел тілінің оқыту әдістемесіндегі заманауи білім беру технологиялары

  Мақсаты: Шет тілін оқыту әдістемесінде заманауи білім беру технологияларын қолдану дағдыларын меңгерту. Магистрант қазіргі инновациялық білім беру кеңістігінде шет тілдерін оқыту мәселелері, оқытудың әртүрлі сатылары бойынша шет тілдерін оқыту әдістемесі, қазіргі заманғы білім беру технологияларын іске асыру ерекшеліктері жөнінде білім қалыптастырады.

  Оқу жылы - 2
  Семестр - 1
  Несиелер - 5
  

• Шетел тілін оқытудағы SMART-технологиялар

  Мақсаты: Магистранттарды шет тілін оқыту контекстінде SMART-технологияларды (Smart, Motivating, Adaptive, Reflective, and Teaching technologies) пайдалана отырып, олармен таныстыру, шет тілін оқытудың тиімділігін арттыру үшін осы технологияларды оқу процесіне қалай біріктіру керектігі туралы терең түсінік беру. Курс SMART-технологияларға кіріспе, білім берудегі SMART технологияларының тұжырымдамасына шолу, оның негізгі принциптері мен мақсаттары, шет тілдік білім беру контексттерінде қолданылатын SMART-технологиялар, магистранттың жеке қажеттіліктері мен құзыреттілік деңгейіне бейімдеуге мүмкіндік беретін SMART-технологиялар сынды өзекті мәселелерді қарастырады.

  Оқу жылы - 2
  Семестр - 1
  Несиелер - 5
  

• Шетел тілін оқытуда цифрлық білім беру технологияларын қолдану

  Мақсаты: Магистранттарға шет тілін үйренуді оңтайландыру үшін заманауи цифрлық технологияларды білім беру процесінде қалай тиімді пайдалану жөнінде түсінік қалыптастыру, негізгі деңгейге ие тілдік дағдыларды тиімді оқыту үшін соңғы технологияларды қалай қолдану керектігі туралы түсініктерін тереңдету. Курс шетел тілін оқытуда цифрлық білім беру технологияларының негізгі принциптері мен тұжырымдамалары, оның қазіргі білім берудегі рөлі мен маңызы, шет тілін оқытуға арналған цифрлық құралдар: мобильді құрылғыларға арналған қосымшалар, онлайн курстар, бейне сабақтар, аудио сабақтар, вебинарлар сияқты шет тілін үйренуге болатын әртүрлі сандық құралдарды, платформаларды қарастыру, шет тілін оқытуда цифрлық білім беру технологияларын қолдану саласында өз зерттеулерін жүргізу, алған білімдері мен дағдыларын нақты оқу жағдайларында практикалық қолдануды жүзеге асыру сынды өзекті мәселелерді қарастырады.

  Оқу жылы - 2
  Семестр - 1
  Несиелер - 5
  

• Шетел тілін оқытудағы заманауи тәсілдер (CLIL, Blended Learning)

  Мақсаты: Магистранттарды тиімді және табысты оқыту үшін шетел тілін оқытудағы заманауи тәсілдермен, инновациялық технологиялармен, оқыту дағдыларымен таныстыру. Курс шетел тілін оқытудың заманауи әдіс-тәсілдерінің теориялық, әдістемелік негіздері, ғылыми-зерттеу әдістемесінің ерекшелігі, әдістемелік категориялар, олардың мақсаты, мазмұны, ұстанымдары, әдістері, құралдары, ағылшын тілін оқытуды ұйымдастырудағы заманауи тәсілдер, CLIL - пәндік-тілді кіріктірілген оқыту жөнінде меңгертуді көздейді.

  Оқу жылы - 2
  Семестр - 1
  Несиелер - 5
  

• Ғылыми дискурстың лексика грамматикалық және стилистикалық ерекшеліктері

  Мақсаты: Ғылыми мәтінді құру, оның практикалық дағдылары, ғылыми коммуникацияның теориялық және практикалық негіздері жөнінде теориялық білім меңгерту. Магистрант ғылыми стильдің ерекшеліктерімен, сондай-ақ ағылшын тілінде ғылыми стильдегі мәтінді (ғылыми мәтіндердің түрлері) ұсыну тәсілдерімен танысады, ғылыми коммуникацияның теориялық және практикалық негіздерін жүйелей алады, ғылыми дискурстың түрлерін, тілдің барлық деңгейлеріндегі ғылыми сөйлеу стилінің лексикалық-грамматикалық және стилистикалық ерекшеліктерін зерттейді.

  Оқу жылы - 2
  Семестр - 1
  Несиелер - 5
  

• Ғылыми зерттеудің әдістемесі және академиялық жазу сауаттылығы

  Мақсаты: Ғылыми зерттеулерді ұйымдастыру мен жоспарлауда практикалық дағдыларды қолдану, ғылыми-зерттеу бағыттары туралы білімдерін жүйелеу және қолдану дағдыларын қалыптастыру. Курс ғылыми білім теориясы (ғылыми қызметтің негізгі принциптері мен әдістерін зерттеу), ғылыми зерттеулердің түрлерін (эксперименттік, бақылау, зерттеу) талдау, зерттеуді жобалауды (жоспарлар, процедуралар мен әдістер) үйрету, зерттеулерді жүзеге асыру (зерттеу жүргізу үшін әдістер мен әдістерді практикалық қолдану), аналитикалық әдістер, нәтижелер мен интерпретация, алынған нәтижелерді талдау және оларды ғылыми теория мен практика контекстінде түсіндіру, нәтижелерді жариялау және таныстыру (мақалалар, баяндамалар және презентациялар сияқты әртүрлі нысандарда), академиялық мәтіннің құрылымы, мақалалар, диссертациялар және есептер сияқты академиялық мәтіндердің құрылымы мен ұйымдастырылуын зерттеу, стилистика және тіл, академиялық стиль мен тілді, сондай-ақ дұрыс грамматика мен тыныс белгілерін қолдануға үйрету, сілтеме жасау және қолдану принциптері, авторлық құқықты құрметтеу және плагиаттың алдын алу үшін дереккөздерді, сілтемелерді дұрыс пайдалануды үйрету, редакциялау және корректура, ғылыми журналдарда, конференцияларда және басқа да нысандарда жариялау үшін мәтіндерді дайындау мен рәсімдеуге үйрету сынды өзекті мәселелерді қарастырады.

  Оқу жылы - 2
  Семестр - 1
  Несиелер - 6
  

Профессии

Оқыту нәтижелері

• Оқытудың психологиялық табиғаты, ғылым тарихы, философиясы туралы игерген терең білім негізінде оқу процесін жобалау және шығармашылық дамушы орта құру дағдыларын қалыптастырады. Кәсіби шет тілін мәдениетаралық, ғылыми және кәсіби қарым-қатынас құралы ретінде қолдана отырып, мәдениетаралық-коммуникативтік құзыреттілік дағдыларын меңгереді. Психологиялық-педагогикалық ғылым саласындағы мәселелерді шешуге және дәлелдерді құрастыруға инновациялар мен ғылыми әзірлемелерге негізделетін дамудың интенсивті әдіс-тәсілдерін тұжырымдайды. Жоғары мектеп оқытушыларының білімі мен түсінігін кәсіби деңгейде қолданып, білім берудегі жаңа парадигмалар танып-білудің ғылыми және философиялық әдістерін жіктейді.
• Қазіргі инновациялық білім беру кеңістігінде шетел тілін оқытудың цифрлық білім беру технологиялары, қолдану әдістері мен құралдары, сондай-ақ SMART-технологиялар, заманауи тәсілдер, CLIL оқыту әдісі жөнінде алған білімдерін синтездей отырып, кәсіби қызметте және зерттеу жұмыстарында пайдалана біледі. Білім алушылардың қажеттіліктерін ескере отырып, пәнаралық тәсілді, оқытудың тиімді нысандарын, әдістері мен құралдарын пайдалана алады.
• Ғылыми зерттеулер жүргізу үшін дереккөздерге сілтеме жасау дағдыларын меңгере отырып, ғылыми мақалалар жазу машығы қалыптасады. Шет тілдерді оқытудағы мәтіннің атқаратын қызметі, академиялық адалдық мәдениеті мен принциптері жайлы қорытынды жасай алады.Оқыту мен тәрбиелеу мүмкіндіктерін кеңейту үшін оқу процесінде оқыту технологиялары мен білім беру ресурстарын, соның ішінде сандық технологиялар мен мазмұнды қолдана алады.
• Тіл білімінде қалыптасып жатқан жаңа ғылыми бағыттар мен тұжырымдардың теориялық негіздерін саралайды. Қазіргі антропоөзекті парадигма саласындағы концептуалды зерттеулерге талдау жасайды. Ғылыми қызығушылықтары, қабілеттері, мүмкіндіктері қалыптасады, үдерісте қолдана алады.
• Лингвистиканың теориялық мәселелері, басты бағыттары туралы білімдерін кәсіби қызметте қолданады. Грамматикалық құрылымның негіздерін, коммуникацияға қажетті алғышарттарды меңгере отырып, ауызша және жазбаша сауатты қарым-қатынас жасайды.
• Екінші шет тілі лингвистикасының даму тарихы, теориялық мәселелері туралы білім меңгере отырып, халықаралық байланыстар орнатуға атсалысады, кәсіби қызметте қолданады. Ағылшын тілі фразеологиялық жүйесінің іргелі және қолданбалы негіздері туралы білімдерін кәсіби қызметте қолдана біледі.

Ұқсас БББ