7M01201 Мектепке дейінгі тәрбиелеу және оқыту педагогикасы в ОҚМПУ

Пәндер

• Ғылым тарихы мен философиясы

  Курс ғылыми идеялар мен философиялық концепциялардың қалай дамығанын түсіндіреді, ғылыми теориялардың философиялық негіздерін, ғылыми жаңалықтардың философиялық ойға әсерін талдайды және ғылым мен философияның байланысын зерттейді. Пән сыни ойлауды дамытуға, ғылым мен философияның әлеуметтік-мәдени контекстін түсінуге, адам білімінің дамуы туралы тұтас көзқарасты қалыптастыруға ықпал етеді.

  Оқу жылы - 1
  Семестр - 1
  Несиелер - 3
  

• Мектеп жасына дейінгі балаларды тәрбиелеудегі әлемдік және ұлттық құндылықтар

  Қазақ халқының мәдени құндылықтарын әлемдік өркениетке сай, мектепке дейінгі балаларды шығармашылық қызметке тартудағы міндеттерді меңгертеді. Жалпыадамзаттық құндылықтар негізінде ұлттық сана-сезімді дамытуда толеранттылықты, халықтық педагогика элементтерін жаңғырту, нығайту, сақтау және пайдалануда педагогтің кәсіби даярлығын қалыптастырады.

  Оқу жылы - 1
  Семестр - 1
  Несиелер - 6
  

• Қазақстандағы мектепке дейінгі тәрбиелеу мен оқыту

  Пән мектепке дейінгі оқытудың нормативті-құқықтық базасын, тарихы мен қазіргі жағдайын, басым бағыттарын, әлемдік білім беру жүйесіндегі Қазақстандық мектепке дейінгі педагогиканың кешенді мәселелерді шешу жолдарын қарастырады. Мектепке дейінгі білім берудің отандық және шетелдік озық үлгілерін практикада қолдану жолдарына, ҚР-ның әлемдік білім беру кеңістігіне кірігу тиімділігіне салыстырмалы талдау жасайды.

  Оқу жылы - 1
  Семестр - 1
  Несиелер - 6
  

• Мектепке дейінгі білім берудің теориялық негіздері

  Пән мектепке дейінгі білім берудің мазмұны мен құрылымы, мектепке дейінгі балалардың білім сапасын арттыру, интеграцияланған оқыту және білім беру сапасын жақсартудың кейбір аспектілері, мектепке дейінгі білім беру сапасын басқару және мониторингі, мектепке дейінгі білімді жүргізу барысында қолданылатын заманауи технологиялар туралы түсініктерін ғылыми тұрғыда нығайтады.

  Оқу жылы - 1
  Семестр - 1
  Несиелер - 6
  

• Мектепке дейінгі ұйымның негізгі білім беру бағдарламасын әзірлеу технологиясы (орыс тілінде)

  Отандық және шетелдік технологиялар тәжірибесін ескере отырып, білім беру бағдарламаларын әзірлеудің негізгі тәсілдерін; білім беру бағдарламасының ерекшеліктері мен құрылымын; әдістемесін, талаптарын, нормативтік-құқықтық негіздерді және өңдеу алгоритмін, пәнаралық интеграциялау негізінде мектепке дейінгі мекеменің білім беру бағдарламасын әзірлеу мен рәсімдеудің әдістемелік ұсынымдарын қарастырады.

  Оқу жылы - 1
  Семестр - 1
  Несиелер - 5
  

• Мектепке дейінгі білім берудің замануи технологиялары (орыс тілінде)

  Дамыта оқыту технологиясы (Д.Б. Эльконин, В.В. Давыдова), ойын технологиясы, ынтымақтастық педагогикасы (К.Д. Ушинский, Н.П. Пирогов, Л.Н. Толстой) негізінде оқытудың ғылыми-әдістемелік тәсілдерін қарастырады. SMART, STEAM, Lesson study, денсаулық сақтау технологиялары, проблемалық оқыту технологиялары (Дж. Дьюи), жобалай оқытудың заманауи технологияларын (Л.С.Киселев, Т.А.Данилин және т. б.) және т. б. оқытудың ғылыми әдістемелік тәсілдемелерін кешенді мәселелерді шешуде мүмкіндік туғызады. Мектепке дейінгі білім берудің замануи технологияларына негізделген оқу-әдістемелік кешендерін әзірлеу дағдылары қалыптасады.

  Оқу жылы - 1
  Семестр - 1
  Несиелер - 5
  

• Жоғары мектептегі оқыту стратегиялары

  Оқыту стратегиялары, цифрлық және интерактивті технологиялар, бағалау әдістері, педагогикалық дизайн, инклюзивті және жекешелендірілген оқыту тәсілдері, оқу белсенділігін арттыру әдістері, сыни ойлау мен рефлексияны дамыту жолдары. Оқыту үдерісін ұйымдастыру, заманауи педагогикалық модельдерді қолдану, магистранттардың дербестігін дамыту арқылы кәсіби құзыреттіліктерді қалыптастыру

  Оқу жылы - 1
  Семестр - 1
  Несиелер - 3
  

• Ғылыми зерттеу әдістері (ағылшын тілінде)

  Пәнде ғылыми зерттеудің өзектілігі мен жаңашылдығы, мақсаттар мен міндеттерді нақты әрі анық баяндау дағдылары, ғылыми зерттеу саласында кәсіби шет тілі құзыреттерін қалыптастыру қарастырылады. Педагогикалық зерттеудің ерекшеліктері және академиялық адалдық принциптерін сақтау мәселелері талданады. Ғылыми-зерттеу жұмыстарының әдістері: сандық және сапалық зерттеу түрлері талданады.

  Оқу жылы - 1
  Семестр - 1
  Несиелер - 3
  

• Мектепке дейінгі ЕБҚ балаларға арналған ассистивті ақпараттық-коммуникациялық технологиялар

  Білім алушыларда арнайы ассистивті технологияларды қолдана отырып компьютермен жұмыс істеу дағдылары мен біліктерін, мәліметтерді талдау және интерпретациялау білімін, жеке есту және дыбыс күшейткіш аппараттарын, экраннан оқуға арналған бағдарламаларды, сөйлеу синтезаторлары және т.б. арнайы бағдарламалармен жұмыс жүргізу дағдыларын қалыптастырады.

  Оқу жылы - 1
  Семестр - 2
  Несиелер - 5
  

• Академиялық хат (ағылшын тілінде)

  Пән ағылшын тіліндегі академиялық жазу дағдыларын, сыни ойлауды, ғылыми идеяларды құрылымдап жеткізуді дамыту, сондай-ақ ағылшын тіліндегі ғылыми және ғылыми-ақпараттық дереккөздермен жұмыс істеу біліктері арқылы кәсіби шет тілін меңгеру құзыреттерін қалыптастыруға бағытталған. Ерекше назар магистранттардың академиялық дискурс ерекшеліктерін ескере отырып кәсіби құзыреттерін дамытуға және жазбаша ғылыми тілін жетілдіруге аударылады.

  Оқу жылы - 1
  Семестр - 2
  Несиелер - 3
  

• МДОТ білім беру бағдарламалары

  Пән мектепке дейінгі оқыту және тәрбиелеудің ЖМББС-ын, типтік оқу бағдарламаларын, оның ішінде мектепке дейінгі балаларға арналған жалпы білім беру бағдарламаларын, 4К моделін, 5 білім беру дағдысы шеңберінде ББ әзірлеуде, білім алушылардың жас және жеке ерекшеліктерін, денсаулық көрсеткіштерін, психофизиологиялық және коммуникативтік ерекшеліктерін ескере отырып, жобалау және моноторингтеуді ұйымдастыруды қарастырады.

  Оқу жылы - 1
  Семестр - 2
  Несиелер - 5
  

• Мектепке дейінгі ұйымдағы пәндік-дамыту ортасын ұйымдастыру

  Пән мектепке дейінгі мекемелерде пәндік-дамыту ортасын құру талаптарын, білім алушылардың жас және психологиялық ерекшеліктерін, денсаулық көрсеткіштерін, психофизиологиялық және коммуникативтік ерекшеліктерін, жалпы және сөйлеу дамуының деңгейін мониторингтеу, ойын қызметінің жетекші рөлін, орта құрылымын, оқыту кезеңінің талаптарын, танымдық, әлеуметтік-эмоционалдық, қимыл-қозғалыс қызметін дамытудың білім беру бағдарламаларының эргономикасы мен дизайн талаптарын қарастырады.

  Оқу жылы - 1
  Семестр - 2
  Несиелер - 5
  

• Жеке тұлғалық, әлеуметтік және кәсіби табыстылық психологиясы

  Қарым-қатынастың психологиялық құрылымы, функциялары, деңгейлері мен мақсаттары сипатталады. Қарым-қатынас субъектілері мен олардың өзара әрекеті, жеке тұлғалық, әлеуметтік және кәсіби қарым-қатынас барысындағы қақтығыстар мен шиеленістерді оңтайлы шешу жолдарын, тайм менеджмент, келіссөздер мен іскерлік қарым-қатынас техникалары және жеке тұлғалық, әлеуметтік және кәсіби қарым-қатынас құрудағы этикалық принциптер мен нормалар мәселелері қамтылады.

  Оқу жылы - 1
  Семестр - 2
  Несиелер - 3
  

• Мектепалды даярлықтың заманауи әдістемелері

  Білім берудің жаңа жүйесіне көшу мәселелерін, НЗМ тәжірибесін таратудағы эксперименттік, мәліметтерді талдау және интерпретациялауды, 5 жастан бастап мектепке балаларды психологиялық-педагогикалық дайындауды (ментальды арифметика, ЦБР, АКТ және т.б.), оқу материалдары мен оқыту формаларын, жазу, грамматика, баланы әлеуметтендіру дағдыларын қарастырады.

  Оқу жылы - 1
  Семестр - 2
  Несиелер - 5
  

• Мектепке дейінгі білім берудің инновациялық формасы

  Пән мектепке дейінгі білім берудің инновациялық формалары (студиялар, секциялар, клубтар), ойын арқылы қолдау орталықтары, консультативтік пункттері, ерте көмек көрсету лекотекалары, үй жағдайында оқыту және отбасылық балабақшалары т.б. вариативті МДМ қызметтерін, қалыпты және ЕБҚБ балаларға арналған күн тәртібін, инновациялық технологияларды, ЦБР мен АКТ-ні қолдану туралы білімін, білігі мен дағдысын жетілдіруді қарастырады.

  Оқу жылы - 1
  Семестр - 2
  Несиелер - 5
  

• ЖОО арнайы пәндерді оқыту әдістемесі

  Кәсіптік цикл пәндері бойынша білімді интеграциялау негізінде ЖОО-да пәндерді өткізу, оқу-әдістемелік құжаттарды (ПОӘК) әзірлеу іскерліктері мен дағдыларын қарастырады. Пән білім алушылардың оқу-танымдық қызметін ұйымдастыру, бақылау және ынталандыру әдістері мен тәсілдерін, инновациялық технологияларды, ЦБР мен АКТ-ні, арнайы пәндер бойынша оқу сабақтарының түрлерін және құрылымдарын меңгертуге бағытталады.

  Оқу жылы - 1
  Семестр - 2
  Несиелер - 5
  

• Мектепке дейінгі ұйым педагог-тәрбиешілерінің жасанды интеллект құзіреттілігін дамыту

  Педагог-тәрбиешілерінің жасанды интеллект (ЖИ) саладағы теориялық білімді қалыптастыруға; жасанды интеллект принциптерін іске асырудың аспаптық құралдарымен жұмысты жасауға; білім беруде жасанды интеллект технологияларын қолдану мүмкіндіктерін жүзеге асыруға; жасанды интеллект технологияларын іске асыруға; жасанды интеллект жүйелері мен құрылымдық модельдерін әзірлеуге бағытталған.

  Оқу жылы - 2
  Семестр - 1
  Несиелер - 6
  

• Мектепке дейінгі мекемедегі педагогикалық диагностика

  Мектепке дейінгі мекемедегі процедураның құрылымы мен кезеңдерін (экспресс-диагностика және қосымша) жобалау, педагогикалық диагностиканы ұйымдастыру құралдары мен әдістерін (бақылау, эксперимент, диагностикалық жағдайлар, әңгімелесу, тесттер, педагогикалық жағдай жасау және т.б.), нәтижелілік критерийлерін, зерттеу нәтижелерін рәсімдеуді, баланың жеке дамуын диагностикалаудың білім, білік, дағдысын дамытады.

  Оқу жылы - 2
  Семестр - 1
  Несиелер - 6
  

• Мектепке дейінгі білім беру мекемесін басқару және ұйымдастырудың нормативтік-құқықтық базасы (орыс тілінде)

  Мектепке дейінгі мекемелердің білім беру процесінің мазмұнын регламенттейтін нормативтік құжаттарды, балалардың білім алу құқығын, инклюзивті, қосымша және үй жағдайларында, мектепке дейінгі білім беру ұйымдарының қазіргі кезеңіндегі қызметінің мазмұнын, педагогтің кәсіби стандартын қарастырады, балаларға білім беру саласындағы кешенді мәселелерді шешу; қазақстандық білім беру саясатының замануи стратегиясы жайындағы креативті көзқарастағы білімін, білігін және дағдысын жетілдіреді.

  Оқу жылы - 2
  Семестр - 1
  Несиелер - 7
  

• Мектепке дейінгі білім беру сапасын мониторингтеу

  Әлеуметтік-экономикалық жағдайда мектепке дейінгі мекемелердегі сапа мониторингінің мәнін, қағидаларын сипаттайды. Білім беру сапасын мониторингілеудің әдістері мен құрылымын, сапаны бақылау (мектепке дейінгі мекеме қызметінің шарттарын, педагогикалық процессін, қызмет нәтижелерін), жалпы білім берудің мектепке дейінгі сатысындағы білім сапасының мониторингін ұйымдастыру әдістері мен тәсілдерін, мектепке дейінгі білім берудің одан әрі дамытуда креативтілікті жүзеге асыруын қарастырады.

  Оқу жылы - 2
  Семестр - 1
  Несиелер - 6
  

• Педагогтің кәсіби тұлғалық өзін-өзі дамытуы

  Мектепке дейінгі мекеменің заманауи педагогінің үздіксіз білім алу, инновациялық технологияларды игеру, озық педагогикалық тәжірибені тарату, портфолио құру, НЗМ, Алтынсарин атындағы ҰБА, «Балаларды ерте дамыту институты» ҚР ОАМ ұсынған әдістемелік нұсқаулықтарды кәсіби және тұлғалық өсуі үшін пайдалану арқылы өзіндік әлеуетіне, педагогикалық этикаға сәйкес шығармашылықты, инновациялық ашықтықты, икемділікке, өмір бойы білім алу қабілетін қалыптастырады.

  Оқу жылы - 2
  Семестр - 1
  Несиелер - 7
  

• Мектепке дейінгі білім беру менеджменті (орыс тілінде)

  Пән мектепке дейінгі мекемелер білім беру процесіндегі басқару қызметінінің тиімділігін зерттеу және бағалауды, басқару технологиясын (оқу пәндерінің мазмұнын жобалау, нақты оқу әдістері мен технологияларын, инновациялық технологияларды) қолдануды қамтамасыз ету міндеттерін, басқарудың негізгі функцияларын жүзеге асыру, бақылау жүйесі, мектепке дейінгі мекемені басқару құрылымын жоспарлау, мектепке дейінгі мекеме басшысының мәдениеті, іскерлік ойындарды жүргізудегі креативтілік, командалық менеджмент мәселелерін қарастырады.

  Оқу жылы - 2
  Семестр - 1
  Несиелер - 7
  

• Сөйлеу және мінез-құлық мәдениеті

  Педагогтің кәсіби-педагогикалық мәдениетін, педагогикалық дайындық деңгейін, кәсіби қызмет жағдайында өзін-өзі жетілдіруге ұмтылысын, мектепке дейінгі мекеме педагогтерінің тілдік этикетінің өзіне тән ерекшеліктерін, сөйлеу және қарым-қатынас мәдениеті мәселелерінің өзара байланысы туралы ұғымын дамытуды, педагогикалық этика, заманауи этикет және мінез-құлық мәдениетін, сөйлеу мәнерлігі мен актерлік шеберлігін қарастырады.

  Оқу жылы - 2
  Семестр - 1
  Несиелер - 7
  

Профессии

Оқыту нәтижелері

• Оқу-әдістемелік кешен әзірлеуде білім алушылардың жеке және жас ерекшеліктерін ескере отырып, қажетті ЦБР, АКТ және инновациялық технологияларды пайдаланады
• Өзінің кәсіби және ғылыми-зерттеу қызметінде лингвистикалық құзыреттерді қолданады
• Кәсіби қызметіне қатысты зерттеу, жобалау, мониторингтеу, оқыту, тәрбиелеу, дамыту құзыреттерін сипаттайды
• Кәсіби қызметте, өздігінен білім алу мен өзін-өзі дамытуда, менеджмент технологияларын жобалау мен іске асыруда креативті тәсілді әзірлейді
• Mектепке дейінгі педагогика тұжырымдамаларына сәйкес психологиялық-педагогикалық зерттеу жүргізеді
• Жоғары мектеп педагогикасы, ғылым тарихы мен іргелі білімді интеграциялау негізінде кешенді мәселелерді талқылайды

Ұқсас БББ