6B01404 Бастапқы әскери дайындық в Қ.А.Ясауи атындағы Халықаралық қазақ-түрік университеті

Пәндер

• Қазақстан Республикасы Қарулы күштерінің жалпы әскери жарғылары

  Пән білім алушыларға әскери жарғылардың ережелері мен талаптарын және әскери қызметті өткеру тәртібін үйретеді. Пәнді оқу барысында білім алушылар Саптық, Ішкі, Тәртіптік, Қарауылдық және гарнизондық қызметтер жарғылары ережелерінің талаптарын үйреніп, бастапқы әскери дайындық саласындағы білімдері мен түсініктерін жетілдіруге және қолдануға дағдыланады.

  Оқу жылы - 1
  Семестр - 1
  Несиелер - 4
  

• Түрік тілі (А1)

  Бұл курс түрік тілінің бастапқы деңгейін оқуға арналған. Курстың мақсаты - "Шет тілін меңгерудің жалпы еуропалық құзыреттеріне" сәйкес студенттердің А1 деңгейінде практикалық дағдыларын қалыптастыру. Курс студенттердің мәдениетаралық және коммуникативтік қарым-қатынасқа дайындығы мен қабілетін дамытуға бағытталған. Пәнді оқу нәтижесінде студент нақты мәселелерді шешуге бағытталған таныс күнделікті сөздер мен қарапайым сөз тіркестерін түсінеді және қолданады.

  Оқу жылы - 1
  Семестр - 1
  Несиелер - 5
  

• Мамандыққа кіріспе

  Пән білім алушыларды болашақ психологиялық-педагогикалық және теориялық білімдерін тәжірибемен ұштастырып, кәсіби-педагогикалық бағыттылықты қалыптастыруға үйретеді. Пәнді оқу барысында білім алушылар педагог қызметінің мәні мен ерекшеліктерін түсініп, мұғалім тұлғасын қалыптастыруға қажетті білім мен дағдыларды игереді. Дидактикалық ұстанымдар арқылы оқу-әдістемелік қызметті ұйымдастыруға, білім алушылардың критериалды бағалау жүйесін әзірлеуге машықтанады.

  Оқу жылы - 1
  Семестр - 1
  Несиелер - 4
  

• Түрік тілі (А2)

  Бұл курс түрік тілінің жалғастырушы деңгейін үйренуге арналған, "Шет тілін меңгерудің жалпыеуропалық құзыреттеріне" сәйкес А2 деңгейінде білім алушылардың практикалық дағдыларын дамытады. Курс білім алушылардың тілдік деңгейіне байланысты жазбаша (оқылым, жазылым) және тікелей ауызша (айтылым, тыңдалым) коммуникативтік дағдыларын дамытуға бағытталған. Пәнді оқу нәтижесінде білім алушы қарапайым күнделікті әлеуметтік тақырыптарда сөйлесе алады, қарапайым жағдайларды сипаттай алады.

  Оқу жылы - 1
  Семестр - 2
  Несиелер - 5
  

• Саптық дайындық

  Пән білім алушыларды ҚР Қарулы күштерінің саптық дайындығы Жарғысының талаптарына сәйкес тәжірибе жүзінде саптық тәсілдерді орындауға үйретеді. Пәнді оқу барысында білім алушылар саптық дайындықтың теориялық элементтерін меңгеріп, тәжірибе жүзінде саптық адыммен жүруді, қарусыз және қарумен саптық тәсілдер мен қозғалыстарды жасауды үйренеді. Білімгерлер саптық дайындық сабағын жүргізуге қажетті оқу-әдістемелік материалдарды әзірлеуге дағдыланады.

  Оқу жылы - 1
  Семестр - 2
  Несиелер - 5
  

• Балалардың жас ерекшелік және физиологиялық даму ерекшеліктері

  Осы курстың мақсаты педагогика және дидактика саласында құзыреттерді қалыптастыру болып табылады. Болашақ мұғалімдер психиканың қалыптасуымен, оның қызметімен және даму заңдылықтарымен танысады. Болашақ мұғалімдер білім алушылардың даумын бақылай алады және соған сай жас ерекшеліктеріне сәйкес оқу үрдістерін жоспарлап, жүзеге асыра алады және білім алушылардың жеке қажеттіліктерін ескере алады. Болашақ мұғалімдер әр түрлі жағдайларда шығармашылық тұрғыда және жағдаятқа сай әрекет ете алады және жалпы білім беру мен білім алушылардың игілігін сақтай алады. Құзыреттілікті меңгерген болашақ мұғалімдер: әр білім алушылардың бастапқы кезеңдерін, олардың оқу әлеуеті мен нақты қолдау қажеттіліктерін тани алады; өз білім алушыларына нақты қолдау, жетекшілік ету, оқыту және бағалауға қатысты жеке қажеттіліктерін қарастыра алады; инклюзия мен нақты қолдау көрсету үшін әртүрлі әдіснамалық шешімдермен танысады.

  Оқу жылы - 1
  Семестр - 2
  Несиелер - 3
  

• Экономика, кәсіпкерлік және бизнес негіздері

  Пән экономикалық білімді қалыптастырады, кәсіпкерлік жүргізудің ғылыми негіздерін зерттейді. Кәсіпкерлік іс-әрекетті меңгеру барысында білімгер цифрлық технологияларды қолдана отырып мәліметтерді жинақтайды, бизнестің қыр сырын меңгере отырып, өз бетінше басқарушылық мәселелерді шешеді, алдында тұрған мақсаттарға қол жеткізу дағдыларын қалыптастыру арқылы көшбасшылық қабілетін көрсетеді. Білім алушы кәсіпті жүзеге асыру әдістерімен танысады, бизнесті ұйымдастыру мен басқару шешімдерін қабылдауға дағдыдаланады.

  Оқу жылы - 2
  Семестр - 1
  Несиелер - 5
  

• Білім берудегі психология және өзара әрекеттесу мен коммуникация тұжырымдамалары

  Осы курстың мақсаты педагогика және дидактика саласында құзыреттерді қалыптастыру болып табылады; өзара әрекеттесу үшін құзыреттілік саласы. Болашақ мұғалімдер заманауи психологиялық теориялар мен үлгілер, сондай-ақ тұлғаның қызметі және оның жеке қасиеттері туралы білімге ие. Олар бұл білімді әртүрлі білім беру мәнмәтінінде мұғалімдік қызметінде қолдана алады. Болашақ мұғалімдер білім беру үрдісінде диалогты, өзара әрекеттесуді және қарым-қатынасты дамыта отырып, білім алушылардың қолайлы дамуына ықпал етеді. Олар білім алушылардың отбасыларымен, сондай-ақ серіктестіктің басқа да түрлері шеңберінде қарым-қатынас жасауға, өзара әрекеттесуге және ынтымақтасуға және өздерінің педагогикалық қызметін дамытуға қолайлы жаңа өзара байланыстар жасауға қабілетті. Құзыреттілікті меңгерген болашақ мұғалімдер: педагогикалық психологияның негізгі ұғымдары мен терминдерін меңгеріп, психологиялық-педагогикалық білімді практика жүзінде қолданудың негізгі салаларын біледі; оқу және тәрбие үдерісіндегі адамның танымдық және жеке даму заңдылықтарын, фактілер мен құбылыстарды талдайды; әр түрлі деңгейдегі білім беру ортасын жобалау, сараптау және түзету мәселелерін шешуде кешенді тәсілді қолданады; үздіксіз оқыту тұжырымдамасын адамның когнитивті және жеке даму үрдісінің бөлігі ретінде түсінеді; жеке, қоғамдық және желілік деңгейлердегі қарым-қатынас пен өзара әрекеттестіктің негізгі тұжырымдамалары мен теорияларын қолданады; оқуға көмектесу үшін ең қолайлы қарым-қатынас пен өзара әрекеттесу әдістерін таңдай алады (офлайн, онлайн, аралас, гибридті); қолайлы орта қалыптастыруға және дамуына ықпал ететін әрекет жасай алады.

  Оқу жылы - 2
  Семестр - 1
  Несиелер - 4
  

• Алғашқы медициналық көмек көрсету

  Пән білім алушыларға оқиға орнында жарақат алған немесе кенеттен ауырған адамға алғашқы медициналық көмек көрсету әдістерін үйретеді. Білімгерлер әртүрлі жарақаттар кезінде алғашқы медициналық көмек көрсету әдістерін үйренеді, жеңіл, елеул, терең және ауқымды жарақаттар, көгерулер мен сынулар кезінде алғашқы медициналық көмек көрсету дағдыларын меңгереді.

  Оқу жылы - 2
  Семестр - 1
  Несиелер - 3
  

• Ғылыми зерттеу әдістері

  Осы курстың мақсаты тұлғааралық, әлеуметтік және кәсіби қызмет пен зерттеу дағдыларына арналған құзыреттерді дамыту болып табылады. Зерттеу тәсілдері. Индуктивті және дедуктивті әдістер. Сапалық, сандық, аралас зерттеу әдістері. Бастапқы және қосымша зерттеулер. Action research. Зерттеудің дизайны – сипаттамалық, корреляциялық, эксперименттік, квазиэксперименттік, көлденең қималық, бойлық, case study, этнографиялық, ізденімпаздық, түсіндірмелі. Айнымалылар мен гипотезалар. Зерттеудің сенімділігі мен негізділігі. Орындалу және қайталану. Кездейсоқ және жүйелі қате. Триангуляция. Іріктеу. Іріктеуді қалыптастыруға қосу және алып тастау критерийлері. Іріктеу әдістері. Мәліметтерді жинау – сауалнамалар, сұхбаттар, тәжірибелер, бақылау зерттеулері, жүйелі шолу. Мәліметтерді тексеру. Сұхбаттың транскрипциясы. Мәліметтерді талдау – статистикалық талдау, мазмұнды талдау, дискурс-талдау, тақырыптық талдау, мәтінді талдау. Зерттеу этикасы. Алқалық рецензиялау.

  Оқу жылы - 2
  Семестр - 1
  Несиелер - 5
  

• Қаржылық сауаттылық

  Пән студенттердің қаржылық қатынастарының маңызды салаларын бейнелейтін негізгі қаржылық-экономикалық түсініктерді дамыту арқылы қаржылық сауаттылық негіздерін қалыптастырады. Сондай-ақ қаржылық нарықтағы тұтынушының, инвестордың, қарыз алушының, акционердің, салық төлеушінің, сақтандырушының, инвестордың әлеуметтік-экономикалық рөлін тиімді орындауға және тұтынушыларды пирамидалар мен қаржылық алаяқтықтан сақтандыруға бағытталған білім мен дағдыларды қалыптастырады.

  Оқу жылы - 2
  Семестр - 1
  Несиелер - 5
  

• Түркі мемлекеттер тарихы

  Пән студенттердің дүниежүзілік тарихи үдерісте түркі халықтары мен мемлекеттерінің орны мен рөлі туралы біртұтас түсініктерін қалыптастыруға, студенттердің тарихи ақпаратты іздеу, жүйелеу және жан-жақты талдау дағдыларын меңгеруге, өткен мен бүгінгі күннің тарихи процестерінің мән-жайын түсінуге, ақиқатқа бағдарланған өзіндік ұстанымдарын қалыптастыруға, азаматтық, отаншылдық, ұлттық бірегейлік, ұлтаралық және дінаралық толеранттылық көзқараста тәрбиелеуге бағытталған.

  Оқу жылы - 2
  Семестр - 1
  Несиелер - 3
  

• Әскери саптық әуендік марш

  Пән білім алушыларға саптың әдіс-тәсілдерін және әскери-патриоттық әндерді музыкамен орындауды үйретеді. Пәнді оқу барысында білімгерлер ережелермен талаптарға сәйкес сапта топпен үйлесімділікті сақтап жүру және саптық әндерді орындауды үйренеді. Білімгерлер әскери марштарды және қазақтың әскери-патриоттық әндерін жинақтап, сол әндер арқылы жастарды Қазақстандық патриотизмге тәрбиелеу әдістерін меңгереді.

  Оқу жылы - 2
  Семестр - 1
  Несиелер - 5
  

• Ататүрік принциптері

  Пән білім алушыларда Түркияның тарихи дамуы туралы жан-жақты түсінік қалыптастырады, тарихи ақпарат жинау, талдау және жалпылау дағдыларын дамытады, Ататүрік принциптерін ғылыми бағалауды қалыптастырады. Курсты оқу барысында білім алушы дүниежүзілік-тарихи процесс контекстінде Түркия тарихының негізгі заңдылықтары, кезеңдері мен мазмұны туралы білімдер алады, студенттердің шығармашылық қабілетін, пайымдау еркіндігін, Ататүріктің рухани, тарихи-мәдени мұрасын зерттеу, сақтау, қолдану және арттыруға деген қызығушылығын оятады.

  Оқу жылы - 2
  Семестр - 1
  Несиелер - 3
  

• Сыбайлас жемқорлыққа қарсы мәдениет негіздері

  Бұл курстың мақсаты әлеуметтік, мәдени және азаматтық даму үшін жалпы білім беру құзыреттерін дамыту болып табылады. Бұл курс болашақ мұғалімдерге теориялық білім береді: Жемқорлыққа қарсы мәдениет: түсінігі, құрылымы, міндеттері мен функциялары. Жемқорлыққа қарсы сана және жемқорлыққа қарсы мәдениет: мазмұны, рөлі және функциялары. Шет мемлекеттерде жемқорлыққа қарсы мәдениетті қалыптастыру. Жемқорлыққа қарсы мәдениет: даму тетіктері мен институттары. Жеке тұлғаның жемқорлыққа қарсы мәдениетін дамытудағы отбасының рөлі. Жемқорлыққа қарсы мәдениеттің ұлттық негіздері. Қоғамдық бақылау жемқорлыққа қарсы күрес тетігі ретінде. Саяси партиялар мен БАҚ жемқорлыққа қарсы мәдениетті қалыптастыру құралы ретінде. Жемқорлыққа қарсы білім мен тәрбие беру. Жемқорлыққа қарсы заңнама және жемқорлық құқық бұзушылықтар үшін заңды жауапкершілік. Жемқорлыққа қарсы күрестің конституциялық негіздері. Жемқорлық құқық бұзушылық үшін заңды жауапкершілік. Мемлекеттік қызметте және бизнес ортада жемқорлыққа қарсы мәдениетті қалыптастыру. Құзыреттілікті меңгерген болашақ мұғалімдер: • өзінің моральдық-азаматтық ұстанымын дамытуға және қазақстандық қоғамның әлеуметтік, іскерлік, экономикалық, құқықтық және этикалық нормаларына сәйкес әрекет етуге қабілетті; • әлеуметтік-саяси, экономикалық және құқықтық білім контекстінде сыбайлас жемқорлыққа қарсы мәдениетті түсіну және түсіндіру, жеке және кәсіби бәсекеге қабілеттілігін көрсете білу; • кәсіби және басқа салалардағы сыбайлас жемқорлық көріністеріне қарсы тұру және жағдайларды бағалау; • сыбайлас жемқорлыққа қарсы мәдениетті, сананы және кәсіби қызметтің ықтимал сыбайластық жағдайларында мінез-құлықты барабар көрсету.

  Оқу жылы - 2
  Семестр - 1
  Несиелер - 5
  

• Экология және өмір қауіпсіздігі

  Пән экологиялық танымды қалыптастырады, қоршаған ортаның жай-күйін және қауіпті факторлардың адамға әсер ету дәрежесін бағалау және табиғатты ұтымды пайдалану аспектілерін қолдануды үйретеді. Курс барысында білімгер экологиялық проблемалар бойынша мәліметтерді цифрлық технологияларды қолдана отырып жинауға, оларды сыни көзқараспен талдауға, өз бетінше шешімдер қабылдауға машықтанып, экологиялық қағидаттарды сақтай отырып, командада жұмыс істеу қабілеттілігін және экологиялық сауаттылығын қалыптастырады.

  Оқу жылы - 2
  Семестр - 1
  Несиелер - 5
  

• Білім беру туралы ғылым және оқытудың негізгі теориялары

  Осы курстың мақсаты педагогика және дидактика саласында құзыреттерді қалыптастыру болып табылады. Болашақ мұғалімдер оқытудың әртүрлі теориялары мен педагогикалық үлгілеріне жетелейтін тұлғаның тұжырымдамалық бейнелері сияқты педагогика ғылымының негіздерін меңгереді. Теориялық тұжырымдамаларды түсіну негізінде болашақ мұғалімдер әртүрлі оқу жағдайларына сәйкес педагогикалық таңдау жасай алады. Құзыреттілікті меңгерген болашақ мұғалімдер: адам тұжырымдамалары мен олардың оқуды түсінудегі және білім беру үдерісін жобалаудағы маңызын ажыратады; оқыту теориялары мен олардың оқуды түсінудегі және білім беру үдерісін жобалаудағы маңызын ажыратады; жан-жақты оқыту үдерісіне қолайлы оқыту теориялары мен педагогикалық үлгілерді қолданады.

  Оқу жылы - 2
  Семестр - 1
  Несиелер - 3
  

• Оқыту әдістері мен технологиялары

  Осы курстың мақсаты педагогика және дидактика саласында құзыреттерді қалыптастыру болып табылады. Болашақ мұғалімдер оқытудың стратегиялары мен әдістемелерін жан-жақты түсінеді және оларды нақты педагогикалық жағдайларға, мектептің нақты шарттарына және оқушылардың мүмкіндіктеріне сәйкес келетін инновациялық әдістермен жоспарлауда, оқытуда және бағалауда қолдана алады. Болашақ мұғалімдер білім беру үдерісінің әртүрлі кезеңдерінде қолайлы инклюзивті, физикалық және онлайн оқыту ортасын құра алады. Болашақ мұғалімдер оқу материалдарын жоспарлау кезінде авторлық құқық пен деректерді қорғау ережелерін түсінеді және қолдана алады. Болашақ мұғалімдердің дидактика, оқыту технологиялары мен оқушыларды ынталандыру әдістері бойынша қажетті білімдері бар, оқушыларға қажетті педагогикалық көмек көрсете алады. Құзыреттілікті көрсететін болашақ спорт педагогтары: оқытуға сәйкес келетін педагогикалық үлгілерді таңдай алады; технология беретін мүмкіндіктерді ескере отырып, оқыту әдістерін шығармашылықпен және әр түрлі етіп қолдана алады; оқытуда тиісті инклюзивті ортасын қолдана алады; білім алушыларды ынталандыру және олардың оқудағы жетістіктерін қолдау үшін жетекшілік әдістерін қолданады.

  Оқу жылы - 2
  Семестр - 2
  Несиелер - 5
  

• Әскери қолданбалы спорт түрлері

  Пән білім алушыларға әскери-қолданбалы спорт түрлерін: әскери киіммен ұзақ қашықтыққа жүгіру, жеңіл атлетика және жылдам қозғалу, кедергілер жолағынан өту және қол гранаталарын дәлдікке лақтыру жаттығуларының әдіс тәсілдерін оқытып үйретеді. Пәнді оқу барысында білім алушылар дене күшінің жоғары қуаттылығын, ептілігін, жылдамдығын және төзімділікке дамытудың әдіс- тәсілдерін үйренеді және оқушылардың жеке ерекшеліктерін ескеріп сабақты жоспарлауға машықтанады.

  Оқу жылы - 2
  Семестр - 2
  Несиелер - 4
  

• Әскери-патриоттық тәрбие негіздері

  Пән білім алушыларға әскери патриоттық тәрбиені ұйымдастырудың әдіс-тәсілдерін және оларды жоғары қазақстандық патриотизмге тәрбиелеуді үйретеді. Пәнді оқу барысында білім алушылар соғыс және еңбек ардагерлерімен кездесулерді, тақырыптық кештерді ұйымдастырудың және өткізудің заманауи формалары мен әдістерін меңгереді. Мектептерде әскери-патриоттық жұмыстарды жоспарлауға және тәрбие сабағын ұйымдастыруға машықтанады.

  Оқу жылы - 2
  Семестр - 2
  Несиелер - 5
  

• Ясауитану

  Пән ясауилік құндылықтармен таныстырады, академиялық, жеке, мәдени, кәсіби қатынастарда ғылым, діни төзімділік, адамдар қатынасы, құқығы туралы ясауилік ұстанымдарды қалыптастырады. Білім алушы Ясауи мәдениетінің ерекшелігін түсініп, қоғамдағы әлеуметтік, этикалық, конфессиялық, мәдени ерекшеліктермен салыстыра біледі. Ясауи ілімінің түркі халықтарының ұлттық мәдениеті, діни түсінігіндегі маңыздылығын түсінеді, қоғамдық ынтымақ, бірлікке ұйытқы болатын «хикметтің» ұлт руханиятындағы орнын саралап, белсенді кәсіби, әлеуметтік қатынас орнату қабілеттерін қалыптастырады.

  Оқу жылы - 2
  Семестр - 2
  Несиелер - 3
  

• Педагогикалық зерттеулер

  Осы курстың мақсаты педагогика, дидактика және кәсіби даму саласында құзыреттерді қалыптастыру болып табылады. Бұл курс болашақ мұғалімдерге педагогикалық зерттеулердің теориялық негіздерін береді. Болашақ мұғалімдер түрлі сенімді көздерден теориялық білімді іздеу және сыни тұрғыдан іріктеу дағдысын меңгереді, педагогикалық ойлау мен практиканы дамытуда зерттеу нәтижелерін пайдалану дағдыларын қалыптастырады, зерттеулерге негізделген оқыту мен білім алуға, сондай-ақ осы дағдыларды үздіксіз дамытып, өздерін кәсіби тұрғыдан жетілдіруге ықпал етуге дайын болуы тиіс. Құзыреттілікті көрсететін болашақ спорт педагогтары: педагогиканың табиғатын және оның негізгі терминологиясын түсінеді; педагогикадағы зерттеулердің орталық саласын анықтайды және күнделікті ойлау мен ғылыми білім арасындағы айырмашылықты түсінеді; білім беру саласындағы өзгерістерді бақылайды және олардың мұғалім ретіндегі өз жұмысына қалай әсер ететінін талдайды.

  Оқу жылы - 2
  Семестр - 2
  Несиелер - 4
  

• Әскери робототехника негіздері

  Пән білім алушыларға қазіргі таңда әскери технологияның ең басым салаларының бірі болып табылатын роботты техникаларды оқытып үйретеді. Пәнді оқу барысында білімгерлер қазіргі уақытта түрлі міндеттерді атқара алатын автоматтандырылған аппараттар құрылғысын қолданып оқып үйренеді. Білімгерлер робототехника саласындағы білімдерін оқыту-әдістемелік материалдарын әзірлеуді қолдануға дағдыланады.

  Оқу жылы - 3
  Семестр - 1
  Несиелер - 4
  

• Бастапқы әскери дайындықты оқытудағы жасанды интеллект және инновациялық технологиялар

  Пән білім алушыларға инновациялық технологияларды және жасанды интеллектті қолдану саласындағы теориялық білімдері мен практикалық дағдыларын қалыптастырады, педагогикалық мүмкіндіктерді талдау және оларды пайдалану нәтижелерін сыни бағалау әдістерін меңгертеді. Пәнді оқу барысында білім алушылар жасанды интеллектті қолдана отырып мәліметтерді жылдам алуға, жаңа және инновациялық технологияларды жоспарлауға машықтанады және оқытудың нәтижелігіне қол жеткізу әдістерін үйренеді.

  Оқу жылы - 3
  Семестр - 1
  Несиелер - 4
  

• Әскери құқық бұзушылықтарды реттеу

  Пән білім алушыларға құқық бұзушылықтардың түрлерін, әскери тәртіпті нығайту және әскери құқық бұзушылықтардың алдын алудың заңды жолдарын үйретеді. Пәнді оқу барысында білімгерлердің ҚР Қылмыстық кодексіндегі әскери қылмыстар саласындағы білімдері қалыптасады, қылмыстың түрлері, қылмыстық жауаптылық, жазаның түрлері және жазадан босатудың заңды тетіктерін меңгеруге машықтанады.

  Оқу жылы - 3
  Семестр - 1
  Несиелер - 5
  

• Әскери психология мен педагогика

  Пән білім алушыларды Қарулы Күштер қатарында қызмет етуге жан-жақты дайындаудағы әскери педагогиканың моральдық-психологиялық дайындығын жүргізудің теориялық негіздерін және әдістерін оқытып үйретеді. Білімгерлер әскери педагогикалық процестегі жеке тұлғаның психологиялық заңдылықтары мен байланыстарын және топтың дамуына әсер ететін психикалық құбылыстарды зерттеуді меңгереді.

  Оқу жылы - 3
  Семестр - 1
  Несиелер - 5
  

• Инклюзивті білім беру ортасы

  Осы курстың мақсаты педагогика, дидактика және мұғалімдердің жұмыс ортасы саласында құзыреттерді қалыптастыру болып табылады. Болашақ мұғалімдер оқыту үдерісінде білім алушылардың әртүрлілігін түсінеді, сондай-ақ олардың өмірі мен оқу жағдаяттарын ескеру мүмкіндігіне ие. болашақ мұғалімдер тиісті АКТ, үйретуші және көмекші технологияларды қолдана отырып, білім алушыларды оқытуды және оларды білім беру үдерісіне қосуда қолдайды. Болашақ мұғалімдер қауымдастықпен (мұғалімдер, білім алушылар, ата-аналар/қамқоршылар) ынтымақтастықта, психологиялық және этикалық тұрғыдан олардың әл-ауқатын қолдайды. Құзыреттілікті меңгерген болашақ мұғалімдер: әр түрлі оқушылар тобына қатысу мен оқуға әсер ететін жеке білім беру қажеттіліктерін анықтайды; білім алушылардың оқуын қолдау және оларды білім беру үдерісіне қосу үшін АКТ және көмекші технологияларды пайдаланады; ынтымақтастық пен инклюзияға ықпал ететін құндылықтар мен тәсілдерді үйретеді; қоғамдастықтың ынтымақтастығын қолдайды (мұғалімдер, білім алушылар, ата-аналар/қамқоршылар).

  Оқу жылы - 3
  Семестр - 1
  Несиелер - 3
  

• Бастапқы әскери дайындық пәнін оқыту әдістемесі

  Пән білім алушыларға бастапқы әскери дайындықты оқыту әдістемесінің теориялық және практикалық негіздерін үйретеді. Білімгер бастапқы әскери дайындықты оқыту әдістемесін оқу барысында білімді бағалауды, оқу нәтижесіне талдау жасауды, теориялық және практикалық оқыту әдістерін қолдануды үйренеді. Заманауи педагогикалық технологияларын таңдай отырып, білімгерлер өз бетінше сабақ жоспарларын жасауға машықтанады.

  Оқу жылы - 3
  Семестр - 1
  Несиелер - 5
  

• Бағалау және дамыту

  Осы курстың мақсаты педагогика және дидактика саласында құзыреттерді қалыптастыру болып табылады. Болашақ мұғалімдер оқу үдерісінде бағалаудың мәнін терең түсінеді және оқу үдерісінің әртүрлі кезеңдерінде этикалық түрде конструктивті бағалауды қамтамасыз ете алады және білім алушыларды бағалауға тарта алады. Болашақ мұғалімдер бағалаудың әртүрлі технологияларын, принциптерін, кезеңдерін, өз білім саласын бағалау құралдарын (қалыптастырушы және жиынтық бағалауды, өзін-өзі бағалауды, өзара бағалауды және т.б. қоса алғанда) анықтайды, саралайды және пайдаланады. Олар бағалауға қатысты өздерінің түсініктері мен тәжірибелерін сыни тұрғыдан бағалауға, талдауға және оларды әрі қарай дамытуға қабілетті. Құзыреттілікті көрсететін болашақ спорт педагогтары: бағалау мен кері байланыстың әртүрлі әдістерін (мысалы, қалыптастырушы және қорытынды бағалау) жақсы біледі; білім алушылардың білім беру құзыреттілігінің деңгейлерін анықтау мен тануда педагогикалық принциптерді қолданады; білім алушылардың және әріптестерінің өзін-өзі бағалау және өзара бағалау дағдыларын дамыту жүйесін мойындайды және қолдана алады.

  Оқу жылы - 3
  Семестр - 1
  Несиелер - 4
  

• Қазақстан әскерінің даму тарихы

  Пән білім алушыларға Қазақстанның әскери өнерінің ежелгі заманнан қазіргі уақытқа дейінгі дамуының негізгі кезеңдері туралы объективті білім береді. Пән білімгерлерге Ұлы Дала аумағындағы қазақ әскерінің қалыптасуын және даму тарихының негізгі кезеңдерін толық зерттеп, талдау жүргізуге үйренеді. Білімгерлер Қазақстан әскерінің даму тарихының ғылыми-негізделген тұжырымдамасымен танысып, негізгі кезеңдерін зерттеуге машықтанады.

  Оқу жылы - 3
  Семестр - 2
  Несиелер - 5
  

• Оқытуды жоспарлау және дербес оқыту

  Осы курстың мақсаты педагогика және дидактика саласында құзыреттерді қалыптастыру болып табылады. Болашақ мұғалімдер өздерінің оқыту саласындағы білім беру бағдарламаларымен, сондай-ақ кәсіпкерлік пен тұрақты даму сияқты білім берудің белгілі бір деңгейін дамытудың педагогикалық қағидаларымен және қиылысатын тақырыптарымен таныс. Болашақ мұғалімдерде педагогикалық және өз бетінше ізденістерге негізделген оқыту технологияларын қолдану және оқыту үдерісіне оқушылардың жан-жақтылығын және инклюзия қағидаларын ескере отырып, оқытуды дараландыру дағдылары бар. Құзыреттілікті көрсететін болашақ спорт педагогтары: білім беру бағдарламасының негізгі қағидалары мен талаптарын өзінің оқыту саласында түсінеді және оларды оқу іс-әрекетін жоспарлау және өткізу кезінде қолданады; білім алушылардың оқуына әсер ететін факторлар мен жағдайларды анықтайды; білім алушылардың қажеттіліктерін ескере отырып және олардың тұлғалық және өзін-өзі құрметтеуді дамытуды қолдау, оның ішінде кәсіптік бағдар беруді ескере отырып, инклюзивтік, оқытуды және көшбасшылықты даралау (оқу бағдарламаларын бейімдеу, сараланған сабақтарды әзірлеу) қағидаттарын тәжірибеге енгізеді.

  Оқу жылы - 3
  Семестр - 2
  Несиелер - 4
  

• Әскери қоян-қолтық ұрыс

  Пән білім алушыларға заманауи әскери қоян-қолтық ұрыстың әдістері мен тәсілдерін үйретеді. Пәнді оқу барысында білім алушылар жеке, топтық, қарумен және қарусыз қорғану жаттығуларын орындау тәсілдерін үйренеді. Білімгерлер қоян-қолтық ұрыс жаттығуларында меңгерген практикалық әдістерін оқушылармен тәжірибелік сабақ өткізуде қолданып, оқу-әдістемелік материалдарды әзірлеуге машықтанады.

  Оқу жылы - 3
  Семестр - 2
  Несиелер - 5
  

• Бауыржанның әскери мұрасы

  Пән білім алушыларға Халық қаһарманы, әскери қолбасшы Б.Момышұлының өмір жолы, қанатты сөздері және шығармалары арқылы Қазақстандық патриотизмге тәрбиелеудің жолдарын үйретеді. Пәнді оқу барысында білім алушылар Бауыржанның әскери мұрасындағы шабуылға шығу, қорғанысқа өту, Бауыржанның спиралі сияқты тактикалық әдістерді меңгереді. Бауыржанның әскери мұрасы арқылы болашақ Отан қорғаушы жастармен әскери-патриоттық жұмыстарды ұйымдастыруға дағдыланады.

  Оқу жылы - 3
  Семестр - 2
  Несиелер - 5
  

• Қарулы Күштерде дене дайындығын ұйымдастыру

  Пән білім алушыларға дене шынықтыруды жоспарлауға, жоғары физикалық және психологиялық дайындыққа, дене дайындығы сабақтарын ұйымдастырып өткізуге үйретеді. Пәнді оқу барысында білім алушылар Қарулы күштерде дене дайындығын ұйымдастырудың әдістері мен формаларын үйренеді. Білімгерлер оқушылармен әскери-патриоттық жұмыстарды ұйымдастыру әдістерін меңгереді.

  Оқу жылы - 3
  Семестр - 2
  Несиелер - 5
  

• Бастапқы әскери және технологиялық дайындық бойынша оқу-материалдық база

  Пән білім алушыларға бастапқы әскери және технологиялық дайындықтың оқу-материалдық базасын жинақтау бойынша білімді қалыптастыруға үйретеді. Пәнді оқу барысында білімгерлер бастапқы әскери және технологиялық дайындық кабинетін, арнайы мүлікті сақтауға арналған бөлмені, атыс тирін, тактикалық және саптық дайындық алаңдарын және жауынгерлік даңқ бұрыштарын жасақтауды үйренеді. Білім алушылар бастапқы әскери және технологиялық дайындық бойынша оқу-материалдық базаны қалыптастыру және оны практикалық қызметте пайдалануға дағдыланады.

  Оқу жылы - 3
  Семестр - 2
  Несиелер - 5
  

• Әскери ғылыми зерттеулерді өткізу әдістемесі

  Пән білім алушыларға әскери ғылымның мәні мен мазмұнын, қазіргі әскери ғылымның проблемалық мәселелерін, ғылыми білімнің әдістері мен әдістемесін үйретеді Пәнді оқу барысында білімгерлер әскери ғылымдардағы зерттеудің ғылыми міндетін тұжырымдау тәсілідерін, эксперименттік үлестірудің теориялық тұрғыдан келісуін тексерудің ғылыми-әдістемелік негіздерін үйренеді. Білімгерлер әскери ғылыми зерттеулерді ұйымдастыру және ақпараттық қамтамасыз ету негіздерін меңгереді.

  Оқу жылы - 4
  Семестр - 1
  Несиелер - 5
  

• Төтенше жағдай және азаматтық қорғаныс

  Пән білім алушыларға елді мекендерде, ірі өндіріс орындарында халықты қорғаудың негізгі принциптерін және әдіс-тәсілдерін үйретеді. Пәнді оқу барысында білім алушылар төтенше жағдайлар түрлерін, олардың адамдарға тигізетін әсерін, жараланған адамдарға жедел көмек көрсетуді үйренеді. Білімгерлер жедел құтқару жұмыстарын жүргізудің әдіс тәсілдерін меңгеріп, алған практикалық дағдыларын сабақты жоспарлап өткізуге қолданады.

  Оқу жылы - 4
  Семестр - 1
  Несиелер - 5
  

• Зерттеулер, даму және инновациялар

  Осы курстың мақсаты кәсіби даму және өзара іс-қимыл саласында құзыреттерді қалыптастыру болып табылады. Қазіргі заман деңгейінде болу, өзін және жұмысын үнемі дамыту мүмкіндігіне ие болу үшін болашақ мұғалімдер зерттеуге негізделген жаңа білім алады және білім беру мен мұғалім кәсібінің дамуына, әртүрлі желілерде оқытудың инновациялық тәсілдеріне, сонымен қатар білім алушыларды оқыту мен басқаруға қатысты зерттеулер жүргізеді. Болашақ мұғалімдер дамуға бағытталған ойлау тәсілін меңгереді, қоғамда және білім беру ортасында болып жатқан өзгерістер контексінде оқытудың инновациялық тәсілдері мен технологияларын әзірлеуге, жаңартуға және қолдануға қабілетті. Болашақ мұғалімдер мұғалім ретіндегі жұмысының ғылыми дәлелді дамуы туралы білу үшін шағын зерттеу жобасын әзірлейді. Олар өздерінің зерттеу тақырыбын/сұрақтарын анықтайды, әдебиеттерге шолу жасайды және зерттеу этикасын қоса алғанда, деректерді жинау және талдау әдіснамасын әзірлейді. Курсты аяқтағаннан кейін болашақ мұғалімдер этикалық жүргізілген зерттеулер және әзірлемелердің негізінде педагогикалық іс-әрекетін дамытып, жаңарта алады, сонымен қатар зерттеу жобаларын жүзеге асыра алады немесе оларға қатыса алады. Сондай-ақ олар өздерінің зерттеулері мен әзірлемелерінің нәтижелерін әртүрлі кәсіби тәсілдермен және арналармен ұсына алады. Құзыреттілікті көрсететін болашақ спорт педагогтары: жақсарту бағыттарын табу үшін өзінің кәсіби қызметі мен жұмыс ортасын бағалайды; өзінің кәсіби қызметіне зерттеуге негізделген тәсілді қолданады және тәуелсіз зерттеу жұмысын жүргізеді; зерттеу рәсімінің әдеп аспектілерін ескереді және қолданады; ақпаратты жинау және талдау кезінде сыни ойлауды қолданады; ғылыми зерттеулерге қатысады және/немесе университеттер мен мүдделі тараптар арасындағы ынтымақтастықты дамытады; өзінің жеке зерттеу қызметін құжаттайды және қарым-қатынастың әртүрлі нысанын қолдана отырып, нәтижелерін ұсынады.

  Оқу жылы - 4
  Семестр - 1
  Несиелер - 5
  

• Қазақстан Республикасы Қарулы Күштері гарнизондық және қарауылдық қызметті ұйымдастыру

  Пән білім алушыларға Қазақстан Республикасы Қарулы Күштерінің гарнизондық және қарауылдық қызметінің нормативтік құқықтық актілерінің талаптарын үйретеді. Білімгерлер сақшының қару қолдану тәртібін меңгереді, сондай-ақ жеке күзетілетін объектіні қорғауды ұйымдастыруды үйренеді. Алған білімдері мен практикалық дағдыларын далалық оқу-жаттығу жиынында қолданып сабақты жоспарлап өткізуге машықтанады.

  Оқу жылы - 4
  Семестр - 1
  Несиелер - 5
  

• Атыс дайындығы

  Пән білім алушыларға атыс қаруларының түрлерін және атыс қаруларынан оқ атуды үйретеді. Пәнді оқу барысында білім алушылар қарудың ұрыстық сипаттамасын және атыс кезіндегі механизмдері мен бөлшектерінің жұмысын, қауіпсіздік ереже талаптарын сақтауды үйренеді. Атыс жаттығуларының түрлерін орындауды меңгеріп, тәжірибелік сабақтарды жоспарлап өткізуге машықтанады.

  Оқу жылы - 4
  Семестр - 1
  Несиелер - 5
  

• Әскерлердің ішкі қызметін ұйымдастыру

  Пән білім алушыларды Қарулы Күштерде басқа да əскерлер мен əскери құралымдарда ішкі әскери қызметі бойынша штаттық іс-шараларды ұйымдастыруды үйретеді. Пәнді оқу барысында білім алушылар әскери құрылымдық бөлімшелерін құру, тарату, орнын ауыстыру, бағыныстылығын өзгертуді үйренеді, білімдері мен түсініктерін қолданып әскердің ішкі қызметін жоспарлау міндеттерін шешуге дағдыланады.

  Оқу жылы - 4
  Семестр - 1
  Несиелер - 5
  

• Әскери саяси география

  Пән білім алушыларды әлемнің әскери-саяси картасымен таныстырады және мемлекеттердің өзара әскери-саяси қарым-қатынасын зерттеуді үйретеді. Пәнді оқу барысында білім алушылар халықаралық қауіпсіздік жүйесін, әлемнің әскери-саяси картасын тануды үйренеді. Сондай-ақ елдер мен өңірлердің шекарасын демилитиризациялауды қамтитын жаһандық геосаяси проблемаларды заманауи әдістерді қолданып зерттеуге машықтанады.

  Оқу жылы - 4
  Семестр - 1
  Несиелер - 5
  

• Экологиялық қауіпсіздік және азаматтық қорғаныс

  Пән білім алушыларға мемлекеттің экологиялық қауіпсіздігінің мәні мен маңызын, қалыптасу факторларын, ұйымдастырылуы және экологиялық қауіпсіздікті басқару механизмдерін үйретеді. Пәнді оқу барысында білім алушылар экологиялық қауіпсіздіктің құқықтық нормативтік базасын, халықаралық аспектілерін және Қазақстан Республикасындағы азаматтық қорғаныс жүйесін нормативтік қамтамасыз етуді үйренеді. Білімгерлер экологиялық қауіпсіздік механизмдерін меңгеріп оқу орындарында азаматтық қорғаныс саласындағы іс-шараларды жоспарлап ұйымдастыруға дағдыланады.

  Оқу жылы - 4
  Семестр - 1
  Несиелер - 5
  

• Жаппай қырып-жою қаруларынан қорғану

  Пән білім алушыларға жаппай қырып жою қаруларының түрлері ядролық, биологиялық, бактериологиялық және химиялық қарулардың тактикалық-техникалық сипаттамаларын үйретеді. Пәнді оқу барысында білім алушылар ядролық жарылыс ошағының жойғыш факторларынан, биологиялық, бактериологиялық қарулардың зақымдағыш әрекеттерінен, химиялық улағыш заттардың түрлерінен жеке және топпен қорғану әдістерін үйренеді. Алған білімдері мен дағдыларын сабақты жоспарлап өткізуге машықтанады.

  Оқу жылы - 4
  Семестр - 2
  Несиелер - 4
  

• Жалпы әскери тактикалық дайындық

  Пән білім алушыларды жалпы әскерлік ұрыстың негізгі ұстанымдарын, соққы, атыс, маневр, қорғаныс, шабуыл жүргізудің әдіс тәсілдерін оқытып үйретеді. Пәнді оқу барысында білім алушылар жалпы әскери ұрыстың негіздерін және барлау жүргізу тәсілдерін үйренеді. Оқытудың заманауи формалары мен әдістерін қолданып, оқушылармен саптық-тактикалық сабақты ұйымдастырып, өткізуге машықтанады.

  Оқу жылы - 4
  Семестр - 2
  Несиелер - 4
  

• Жергілікті жерді картасыз бағдарлау

  Пән білім алушыларға жергілікті жерді картасыз бағдарлауға үйретеді. Білімгерлер жергілікті жерде, таулы аймақта, орманды далалық жерлерде әскери оқу-жаттығу дайындықтарын жүргізу кезінде, арнайы құралдармен (компас) және табиғи жылжымайтын ағаштар және тау тастары т.б арқылы қажеттіліктерін, бағыттарын анықтай ала білуді ұйымдастыру тәртібін оқып-үйренеді. Алған білімдері мен практикалық дағдыларын далалық оқу-жаттығу жиынында қолданып сабақты жоспарлап өткізуге машықтанады.

  Оқу жылы - 4
  Семестр - 2
  Несиелер - 3
  

• Әскери-инженерлік дайындық, әскери топография, басқару және байланыс

  Пән білім алушыларға әскери дайындық жүйесіндегі әскери-инженерлік дайындық, әскери топография, басқару және байланыстың теориялық және практикалық негіздерін үйретеді. Пәнді оқу барысында білім алушылар топографиялық картамен жұмыс жасауды, байланысты ұйымдастыруды, азимут бойынша қозғалуды, картада өзінің тұрған орнын анықтауды үйренеді, әр түрлі инженерлік бөгеттерді жобалап орналастыруға машықтанады.

  Оқу жылы - 4
  Семестр - 2
  Несиелер - 3
  

Профессии

Оқыту нәтижелері

• Қазақстанның тарихи дамуының негізгі кезеңдерін, заңдылықтары мен ерекшеліктерін түсіндіруге, Қазақстан тарихы оқиғаларының себептері мен салдарын талдауға, табиғи және әлеуметтік әлемді ғылыми түсінуді, қоғамдық сана мен өнеркәсіптік өндірісті экологияландыруды, табиғатты ұтымды пайдалануды және мемлекеттің тұрақты даму мақсаттарына қол жеткізу мән мәтінінде қауіпсіз өмір салтын қамтамасыз ететін дүниетанымдық ұстанымдар мен философия білімі негізінде қоршаған болмысты бағалауға қабілетті.
• Әлеуметтік-саяси, экономикалық, құқықтық білім, қаржылық сауаттылық, сыбайлас жемқорлыққа қарсы мәдениет пен кәсіпкерлік дағдылар негізінде қазақстандық қоғамның әлеуметтік, іскерлік, мәдени, құқықтық және әдеп нормаларына сәйкес өзінің ақылақтық және азаматтық ұстанымын дамытуға, сондай-ақ жеке және кәсіби бәсекеге қабілеттілігін көрсетуге қабілетті.
• Зерттеу әдіснамасын таңдауды жүзеге асыруға, жаңа білім алу үшін әртүрлі ғылыми әдіс пен тәсілді қолдануға және өз қызметінде әртүрлі ақпараттық-коммуникациялық технологияның түрін: интернет-ресурстар, ақпаратты іздеу, сақтау, өңдеу, қорғау және таратуға арналған бұлтты және мобильді қызметтерді қолдануға қабілетті.
• Тұлғааралық, әлеуметтік және кәсіптік қатысымдылықтың әртүрлі саласында қазақ, орыс және шетел тілдерінде ауызша және жазбаша нысанда қарым-қатынас жасауға және сындарлы қарым-қатынас құра отырып және жаһандық кәсіптік білім беру қоғамдастығына қатыса отырып, түрлі кәсіптік желілік қауымдастықтарда офлайн және онлайн жұмыс істеуге қабілетті.
• Білім алушылардың әртүрлілігін ескеріп, олардың психологиялық игілігін қамтамасыз ете отырып және оқытуды қолдау үшін әртүрлі цифрлық ресурсты пайдаланып, базалық және психологиялық-педагогикалық, жаратылыстану-ғылыми және пәндік-әдістемелік білім негізінде оқыту процесін білім беру ортасының әртүрлі типінде педагогикалық маңызды түрде әзірлеуге, енгізуге, бағалауға және дамытуға қабілетті.
• Өз бетімен білім алушылардың сұраныстарын ескере отырып, психологиялық, педагогикалық және теориялық білімдерді оқу процесінде пайдалануға; сабақ барысында әскери саладағы теориялық білімдерін тәжірибемен ұштастыруға, саптық-тактикалық дайындықты ұйымдастыру ерекшеліктерін ескеруге; арнайы жаттығу және жарыстық үрдістер кезінде қалжырау, психологиялық зорығу, күйзеліс, эмоционалдық күйіп кету белгілерін анықтауға; психикалық жағдайларды оңтайландыру үшін өзін-өзі реттеудің психотехникасын үйретуге қабілетті.
• Бастапқы әскери дайындық бағытындағы білім қағидалары туралы білімдері мен тәжірибелерін кәсіби қызметін жетілдіруде қолданады.
• Білім беру саласындағы нормативтік құқықтық актілердің талаптарына сәйкес, білім алушылардың жеке қабілеттерін ескеріп, бастапқы әскери дайындықты оқыту процесін мектептерде және коледждерде жоспарлайды.
• Оқушылардың ерекшеліктері мен қажеттіліктерін ескеріп, оқу-әдістемелік материалдарын дайындайды.
• Оқу-тәрбие жұмысының инновациялық формалары мен әдістерін қолданып, білім алушылармен әскери-патриотық тәрбие жұмыстарын ұйымдастырады.
• Оқушылардың ерекшеліктері мен қажеттіліктерін ескеріп, білім алушылардың критериалды бағалау жүйесін әзірлеп, оқу жетістіктерін бағалайды.
• Ғылыми-педагогикалық зерттеулерді жинақтау, өңдеу, талдаудың заманауи тәсілдерін меңгеріп, білім беру процестерін зерттейді.

Ұқсас БББ