6B01302 Бастауыш білім беру (IP) в Ілияс Жансүгіров атындағы Жетісу университеті

Пәндер

• Білім берудегі психология және өзара әрекеттесу мен қарым-қатынас тұжырымдамалары

  Болашақ мұғалімдер заманауи психологиялық теориялар мен үлгілер, сондай-ақ тұлғаның қызметі және оның жеке қасиеттері туралы білімге ие. Олар бұл білімді әртүрлі білім беру мәнмәтінінде мұғалімдік қызметінде қолдана алады. Болашақ мұғалімдер білім беру үрдісінде диалогты, өзара әрекеттесуді және қарым-қатынасты дамыта отырып, білім алушылардың қолайлы дамуына ықпал етеді. Олар білім алушылардың отбасыларымен, сондай-ақ серіктестіктің басқа да түрлері шеңберінде қарым-қатынас жасауға, өзара әрекеттесуге және ынтымақтасуға және өздерінің педагогикалық қызметін дамытуға қолайлы жаңа өзара байланыстар жасауға қабілетті.

  Оқу жылы - 1
  Семестр - 1
  Несиелер - 4
  

• Балалардың жас ерекшелік және физиологиялық даму ерекшеліктері

  Болашақ мұғалімдер психиканың қалыптасуымен, оның қызметімен және даму заңдылықтарымен танысады. Болашақ мұғалімдер білім алушылардың даумын бақылай алады және соған сай жас ерекшеліктеріне сәйкес оқу үрдістерін жоспарлап, жүзеге асыра алады және білім алушылардың жеке қажеттіліктерін ескере алады. Болашақ мұғалімдер әр түрлі жағдайларда шығармашылық тұрғыда және жағдаятқа сай әрекет ете алады және жалпы білім беру мен білім алушылардың игілігін сақтай алады.

  Оқу жылы - 1
  Семестр - 1
  Несиелер - 3
  

• Қазіргі қазақ (орыс) тілінің негіздері

  Бұл курстың мақсаты ана тілінде өзара әрекеттесу саласында коммуникативтік және лингвистикалық құзыреттілік пен бастауыш мектепте пәндерді оқыту саласындағы теориялық білімдерді қалыптастыру болып табылады. Болашақ мұғалімде ана тілі жайлы қарым-қатынас, ойлау, өзіндік ерекшелігін таныту құралы ретінде түсінік қалыптасады. Сондай-ақ ана тілінің бөлімдері туралы теориялық білімдерін жинақтап, коммуникативті дағдыларын кеңейтеді

  Оқу жылы - 1
  Семестр - 2
  Несиелер - 4
  

• Құқық негіздері және сыбайлас жемқорлыққа қарсы мәдениет

  Мақсаты-білім алушыларды құқықтың негізгі салалары мен институттарымен, сыбайлас жемқорлыққа қарсы мәдениеттің негіздерімен, сондай-ақ мемлекет пен құқықтың пайда болу, даму және жүзеге асыру заңдылықтарымен таныстыру. Курс сыбайлас жемқорлыққа қарсы мәдениет дағдыларын және мемлекеттегі және қоғамдағы құқықтың негізгі функциялары, оның құқықтық мемлекеттің, азаматтық қоғамның дамуына әсері, сондай-ақ әділ және тең құқықтық тәртіптің ажырамас бөлігі ретінде инклюзия құндылықтары туралы теориялық білімнің жоғары деңгейін қалыптастырады. Білім алушылардың әлеуметтік, мәдени, физикалық немесе өзге де ерекшеліктеріне қарамастан, әр адамның құқықтарының маңыздылығын түсінуін қалыптастыруға ерекше назар аударылады.

  Оқу жылы - 1
  Семестр - 2
  Несиелер - 5
  

• Математикалық білім берудің тұжырымдамалық негіздері

  Курста бастауыш сынып оқушыларына математиканы сауатты оқытуға қажетті математикалық материал берілген, математикалық ұғымдар мен фактілердің мәнін терең түсінуге ықпал етеді

  Оқу жылы - 1
  Семестр - 2
  Несиелер - 5
  

• Экономика және кәсіпкерлік негіздері

  Мақсаты – студенттерді қазіргі қоғам өміріндегі экономикалық мәселелермен таныстыру, экономикалық ойлауды қалыптастыру және кәсіпкерлік саласындағы теориялық негіздер мен практикалық дағдылар бойынша білім алу. Бағдарлама студенттерге экономиканың жұмыс істеу заңдылықтары туралы кешенді түсінік қалыптастыруға, кәсіпкерлік қызметтің әртүрлі салаларында қолданбалы құзыреттерді меңгеруге бағытталған іскерлік білім беруді көздейді. Курс барысында тұрақты даму, ресурстарды ұтымды пайдалану және ұқыпты өндіріс қағидаттарын енгізу арқылы тиімді әрі экологиялық жауапты бизнесті жүргізу мәселелеріне ерекше көңіл бөлінеді. Сонымен қатар, қазіргі заманғы кәсіпкерлікке қойылатын экологиялық және әлеуметтік жауапкершілік талаптарын ескере отырып, жеке бизнесті құру мен табысты жүргізудің ерекшеліктері ашылады.

  Оқу жылы - 1
  Семестр - 2
  Несиелер - 5
  

• Педагогикалық риторика

  Бұл курстың мақсаты педагогикалық құзыреттіліктің келесі бағыттарын арттыру болып табылады: Өзара әрекеттесуге арналған құзыреттілік саласы. Педагогтердің жұмыс ортасы үшін құзыреттер саласы. Курс студенттерде кәсіби коммуникативтік құзыреттіліктің қажетті деңгейін қалыптастыруға; студенттерді шешендік өнердің, іскерлік сөйлеудің негіздерін, тиімді қарым-қатынас әдістерін табысты меңгеруге дайындауға бағытталған

  Оқу жылы - 1
  Семестр - 2
  Несиелер - 4
  

• Білім беру туралы ғылым және оқытудың негізгі теориялары

  Болашақ мұғалімдер оқытудың әртүрлі теориялары мен педагогикалық үлгілеріне жетелейтін тұлғаның тұжырымдамалық бейнелері сияқты педагогика ғылымының негіздерін меңгереді. Теориялық тұжырымдамаларды түсіну негізінде болашақ мұғалімдер әртүрлі оқу жағдайларына сәйкес педагогикалық таңдау жасай алады.

  Оқу жылы - 2
  Семестр - 3
  Несиелер - 3
  

• Ғылыми зерттеулер әдістері

  Мақсаты - ғалымдардың қазіргі жетістіктеріне негізделген ғылыми зерттеулерді жүргізудің принциптері, технологиялары, практикалық әдістері мен тәсілдері туралы білімді қалыптастыру. Ғылыми мәдениет пен этиканың базалық негіздерін, ғылыми мәтіндерді икемді қабылдауды, ғылыми-зерттеу жұмысын жоспарлау және ұйымдастыру кезінде алған білімдерін тиімді қолдану дағдыларын, зерттеу нәтижелерін талдау және жалпылау қабілетін қалыптастырады.

  Оқу жылы - 2
  Семестр - 3
  Несиелер - 5
  

• Педагогикалық зерттеулер

  Бұл курс болашақ мұғалімдерге педагогикалық зерттеулердің теориялық негіздерін береді. Болашақ мұғалімдер түрлі сенімді көздерден теориялық білімді іздеу және сыни тұрғыдан іріктеу дағдысын меңгереді, педагогикалық ойлау мен практиканы дамытуда зерттеу нәтижелерін пайдалану дағдыларын қалыптастырады, зерттеулерге негізделген оқыту мен білім алуға, сондай-ақ осы дағдыларды үздіксіз дамытып, өздерін кәсіби тұрғыдан жетілдіруге ықпал етуге дайын болуы тиіс.

  Оқу жылы - 2
  Семестр - 3
  Несиелер - 4
  

• Бастауыш білім берудегі заманауи технологиялар

  Курс бастауыш сынып оқушыларын оқытудың әртүрлі технологияларын қолданумен байланысты пәндік құзыреттіліктерді қалыптастыруға, сондай-ақ бастауыш білім берудің заманауи тәсілдерін түсінуге бағытталған. Болашақ мұғалімдер білім беру саласындағы озық тәжірибелер мен ғылыми зерттеулерді зерделеу арқылы оқытудың технологияларымен, соның ішінде оқыту мен тәрбиелеудің баламалы тәсілдерімен танысады. Педагогикалық практикада және практикалық жаттығуларда кейбір зерттелген қазіргі білім беру технологияларының технологиялық үдерісін пайдалана отырып, кейбір стратегияларды қолдана алады

  Оқу жылы - 2
  Семестр - 3
  Несиелер - 5
  

• Білім берудегі жаһандық келешектер

  Курста қоғам мен экономиканың дамуындағы жаһандық тенденциялардың білімге, оның ішінде бастауыш мектепке әсері мәселесі, қазіргі қоғамдағы бастауыш мектептердің рөлі қарастырылады, бастауыш білім беру саласындағы халықаралық тәжірибені және заманауи зерттеулерді салыстыру негізінде бастауыш білім берудің проблемалары мен тәуекелдері талданады

  Оқу жылы - 2
  Семестр - 3
  Несиелер - 5
  

• Бастауыш мектептегі тәрбиелеу жұмысының теориясы және технологиясы

  Курста ұлттық құндылықтар негізінде бастауыш мектепте тәрбие жұмысы технологиясының теориялық негіздері, тәрбие үдерісінің мәні, оның нысандары мен әдістері ашылады, отандық және шетелдік педагогикалық теория мен практикада тәрбиелеудің заманауи тұжырымдамалары және үлгілері ұсынылады

  Оқу жылы - 2
  Семестр - 3
  Несиелер - 6
  

• Экология және тіршілік қауіпсіздігі негіздері

  Мақсаты – экология, тұрақты даму және өмір тіршілігінің қауіпсіздігі негіздері бойынша білім қалыптастыру; бұл білімдер экологиялық үдерістерді талдауға, антропогендік қызметтің әлеуметтік-экологиялық салдарын бағалауға, экологиялық қауіпсіздікті қамтамасыз етуге, сондай-ақ төтенше жағдайларда қолданылатын қорғаныс әдістері мен технологияларын пайдалануға мүмкіндік береді. Адам денсаулығына экологиялық факторлардың әсерін бағалау дағдыларын қалыптастырады; тіршілік қауіпсіздігін арттыру және экологиялық қауіпсіздікті қамтамасыз ету мақсатында экологиялық үдерістерді болжау, сондай-ақ апаттар, техногендік және табиғи зілзалалардың салдарын ескере отырып, қолайсыз экологиялық және төтенше жағдайларда тұрақты даму қағидаттары негізінде негізделген шешімдер қабылдау қабілетін дамытады.

  Оқу жылы - 2
  Семестр - 3
  Несиелер - 5
  

• Қаржылық сауаттылық негіздері

  «Қаржылық сауаттылық негіздері» курсы жеке қаржыны басқару саласында білім мен дағдыларды алуға бағытталған. Сондай-ақ, курс аясында білім алушылар қаржы саласындағы барлық құралдарды іс жүзінде қолдануға, жинақтарды сақтауға және көбейтуге, бюджетті сауатты жоспарлауға, қаржылық ақпаратты талдауға және инвестициялық стратегияны таңдау үшін қаржылық өнімдерге бағдарлануға үйренеді.

  Оқу жылы - 2
  Семестр - 3
  Несиелер - 5
  

• Ілиястану

  Пәннің мақсаты Ілияс Жансүгіровтың шығармаларын терең әрі жан-жақты зерделеу арқылы қазақ халқының әдебиетін, өнерін, дәстүрлерін, мәдениеті мен тілін бағалайтын, эстетикалық талғамы жоғары терең ойлы тұлғаны дамыту болып табылады. Ілияс Жансүгіров шығармаларының қазақ әдеби тілін дамытудағы маңыздылығын түсінуді; зияткерлік-шығармашылық ойлау дағдыларын, ұлттық-рухани мұра құндылықтарын бағалай білуді қалыптастырады.

  Оқу жылы - 2
  Семестр - 3
  Несиелер - 5
  

• Бастауыш мектепте шет тілін оқыту әдістемесі

  Бұл пән бастауыш мектепте шет тілін (ШТ) оқыту негіздерін қалыптастыруға бағытталған

  Оқу жылы - 2
  Семестр - 4
  Несиелер - 5
  

• Бастауыш мектептегі бейнелеу өнері және еңбек

  Курс болашақ мұғалімдердің шығармашылық қабілеттері мен көркемдік шеберліктерінің дамуын қамтамасыз ете отырып, бейнелеу өнері мен көркем шығарманы кіріктіруге бағытталған

  Оқу жылы - 2
  Семестр - 4
  Несиелер - 5
  

• Оқыту әдістері мен технологиялары

  Болашақ мұғалімдер оқытудың стратегиялары мен әдістемелерін жан-жақты түсінеді және оларды нақты педагогикалық жағдайларға, мектептің нақты шарттарына және оқушылардың мүмкіндіктеріне сәйкес келетін инновациялық әдістермен жоспарлауда, оқытуда және бағалауда қолдана алады. Болашақ мұғалімдер білім беру үдерісінің әртүрлі кезеңдерінде қолайлы инклюзивті, физикалық және онлайн оқыту ортасын құра алады. Болашақ мұғалімдер оқу материалдарын жоспарлау кезінде авторлық құқық пен деректерді қорғау ережелерін түсінеді және қолдана алады. Болашақ мұғалімдердің дидактика, оқыту технологиялары мен оқушыларды ынталандыру әдістері бойынша қажетті білімдері бар, оқушыларға қажетті педагогикалық көмек көрсете алады.

  Оқу жылы - 2
  Семестр - 4
  Несиелер - 5
  

• Бастауыш мектеп педагогикасы

  Курста бастауыш мектеп педагогикасы, жалпы даму заңдылықтары, жастық кезеңдер, оның ішінде мектепке дейінгі және бастауыш мектеп оқушыларының кезеңдері, педагогикалық үдерістің ерекшеліктері, оқытудың мәні мен мазмұны, оқыту әдістері, түрлері мен нысандары, тәрбиелеу үдерісінің мәні, тұлғаға бағытталған тәрбиелеу, мектептегі оқу үдерісін диагностикалау мәселелері қарастырылады

  Оқу жылы - 2
  Семестр - 4
  Несиелер - 5
  

• Балалар әдебиеті және мәтінді талдау

  Курс болашақ мұғалімдерді отандық және шетелдік балалар әдебиетінің дамуының негізгі кезеңдерімен, осы пәннің ғылыми теориясының маңызды ережелерімен таныстырады. Бастауыш сынып оқушыларының психологиялық-педагогикалық ерекшеліктерін ескере отырып, балаларға арналған шығармаларды тәжірибеге бағытталған талдауға көп көңіл бөлінеді

  Оқу жылы - 2
  Семестр - 4
  Несиелер - 5
  

• Шет тілі мен мәдениеті әлеміндегі бастауыш мектеп оқушысы

  Бұл пән шет тіліне мәдениет арқылы және мәдениетке тіл арқылы оқыту негіздерін қалыптастыруға бағытталған

  Оқу жылы - 2
  Семестр - 4
  Несиелер - 5
  

• Дене шынықтыруды оқыту әдістемесі

  Бастауыш сыныпта дене тәрбиесі пәндерін оқыту барысында оқушылардың дене сымбаты мен әсемдікті қабылдап, талғамын дамытатын тәрбие қалыптасады. Дене тәрбиесі туралы білім мен тәрбие беретін пәндер әдістемесінің технологиялары кезеңдеп, сұрыптап, ортақ тақырып мазмұнына сай ресурстарды пайдалану қарастырылады.

  Оқу жылы - 2
  Семестр - 4
  Несиелер - 6
  

• Бастауыш мектепте мазмұнға және тілге кіріктірілген оқыту (CLIL)

  Пән бастауыш мектепте CLIL (Content and Language Integrated Learning) пәндік-тілді кіріктірілген оқытуды қалыптастыруға бағытталған

  Оқу жылы - 2
  Семестр - 4
  Несиелер - 5
  

• Бастауыш мектеп оқушыларына тілдік білім беру әдістемесі

  Бұл пән бастауыш сынып оқушыларының тілдік білім негіздерін меңгеруіне бағытталған. Курстың мазмұны бастауыш сынып оқушыларына ана тілін оқытудың әдістемесі мен технологияларын қарастырады

  Оқу жылы - 3
  Семестр - 5
  Несиелер - 6
  

• Есептерді шешу бойынша практикумы бар математикаға оқыту әдістемесі

  Курс математиканы оқыту әдістемесі және есептерді шешу практикумы, математикалық ұғымдар мен фактілерді меңгеру, негізгі математикалық бағыттар бойынша теориялық және практикалық ақпаратты талдау, болашақ мұғалімдердің логикалық және алгоритмдік ойлауын дамыту, бастауыш сынып оқушыларының математикалық білімі мен функционалдық сауаттылығын дамыту саласында дағдыларды меңгеруге бағытталған

  Оқу жылы - 3
  Семестр - 5
  Несиелер - 6
  

• Бағалау және дамыту

  Болашақ мұғалімдер оқу үдерісінде бағалаудың мәнін терең түсінеді және оқу үдерісінің әртүрлі кезеңдерінде этикалық түрде конструктивті бағалауды қамтамасыз ете алады және білім алушыларды бағалауға тарта алады. Болашақ мұғалімдер бағалаудың әртүрлі технологияларын, принциптерін, кезеңдерін, өз білім саласын бағалау құралдарын (қалыптастырушы және жиынтық бағалауды, өзін-өзі бағалауды, өзара бағалауды және т.б. қоса алғанда) анықтайды, саралайды және пайдаланады. Олар бағалауға қатысты өздерінің түсініктері мен тәжірибелерін сыни тұрғыдан бағалауға, талдауға және оларды әрі қарай дамытуға қабілетті.

  Оқу жылы - 3
  Семестр - 5
  Несиелер - 4
  

• Инклюзивті білім беру ортасы

  Болашақ мұғалімдер оқыту үдерісінде білім алушылардың әртүрлілігін түсінеді, сондай-ақ олардың өмірі мен оқу жағдаяттарын ескеру мүмкіндігіне ие. болашақ мұғалімдер тиісті АКТ, үйретуші және көмекші технологияларды қолдана отырып, білім алушыларды оқытуды және оларды білім беру үдерісіне қосуда қолдайды. Болашақ мұғалімдер қауымдастықпен (мұғалімдер, білім алушылар, ата-аналар/қамқоршылар) ынтымақтастықта, психологиялық және этикалық тұрғыдан олардың әл-ауқатын қолдайды.

  Оқу жылы - 3
  Семестр - 5
  Несиелер - 3
  

• Психикалық дамуы тежелген бастауыш сынып оқушыларын оқытуда цифрлық технологияларды қолдануға дайындық

  Пән студенттердің психикалық дамуы тежелген (ЗПР) бастауыш сынып оқушыларымен білім беру процесінде цифрлық технологияларды тиімді пайдалану үшін қажетті теориялық білім мен практикалық дағдыларды қалыптастыруға бағытталған. Пән аясында ЗПР бар балалардың цифрлық мазмұнды қабылдау және игеру ерекшеліктері, цифрлық білім беру ресурстарын олардың қажеттіліктеріне бейімдеу әдістері, сондай-ақ АКТ-ны қолдана отырып оқытуды ұйымдастырудың педагогикалық және психологиялық-түзету тәсілдері қарастырылады.

  Оқу жылы - 3
  Семестр - 5
  Несиелер - 6
  

• Мектеп буллингін алдын алу

  Курстың мақсаты – қолайлы орта қалыптастыру, болашақ мұғалімдер арасында ұжымдық сыйластық қарым-қатынасты дамыту, қолайлы ахуал туғызу. Болашақ мұғалімдер балалық шақтың құндылығын, сүйіспеншіліктің маңыздылығын, бастауыш сынып оқушыларының амандығына қамқорлық жасау қажеттілігін түсінеді. Олар әдептілік танытып, педагогикалық этиканы ұстанады. Олар буллингтің кез келген көріністерінің алдын алады және ата-аналармен де, оқушылармен де сенімді қарым-қатынас орната отырып, білім беру ортасында қолайлы психологиялық ахуал құрады

  Оқу жылы - 3
  Семестр - 5
  Несиелер - 6
  

• Бастауыш сынып мұғалімінің жобалау-зерттеу қызметі

  Пән студенттерді педагогикалық зерттеудің әдіснамалық және әдістемелік негіздерімен таныстыруға, ғылыми-зерттеу қызметінің дағдыларын меңгеруге бағытталған. Нәтижесінде студент жетістікті диагностикалаудың заманауи әдістерін қолдана алады, білім алушылардың әлеуметтенуі мен кәсіптік өзін-өзі анықтауын педагогикалық сүйемелдеуді жүзеге асырады.

  Оқу жылы - 3
  Семестр - 5
  Несиелер - 5
  

• Бастауыш сыныптарда жобаларды құру

  Курсты оқу барысында олар бастауыш сынып оқушыларының қызығушылықтары мен қабілеттеріне сүйене отырып, оқытудың инклюзивті, интеграцияланған және белсенді тәсілдеріне назар аудара отырып, жеке және ұжымдық жобалық әрекеттерді құруға және басқаруға үйренеді, олардың зерттеу қажеттіліктерін шығармашылық өнім құруға бағыттай алады

  Оқу жылы - 3
  Семестр - 5
  Несиелер - 5
  

• Оқытуды жоспарлау және оқытуды дербестендіру

  Болашақ мұғалімдер өздерінің оқыту саласындағы білім беру бағдарламаларымен, сондай-ақ кәсіпкерлік пен тұрақты даму сияқты білім берудің белгілі бір деңгейін дамытудың педагогикалық қағидаларымен және қиылысатын тақырыптарымен таныс. Болашақ мұғалімдерде педагогикалық және өз бетінше ізденістерге негізделген оқыту технологияларын қолдану және оқыту үдерісіне оқушылардың жан-жақтылығын және инклюзия қағидаларын ескере отырып, оқытуды дараландыру дағдылары бар.

  Оқу жылы - 3
  Семестр - 6
  Несиелер - 4
  

• Бастауыш мектептегі арт білім беру

  Курсты оқу үдерісінде болашақ мұғалімдер ұлттық және аймақтық ерекшеліктерді ескере отырып, өнердің әртүрлі түрлерін бастауыш мектепте пәндерді оқыту құралы ретінде пайдалана алады, баланың тұлғалық дамуын ескере отырып, оның дербестігін дамытуға қолдау көрсетеді. Бастауыш мектептің білім беру үрдісін зерттей және зерделей отырып, студенттер арт технологиялардың әртүрлі түрлерін пайдалана отырып, оқу-әдістемелік мазмұнды жасайды. Олар оқу үдерісін біріктіру және саралау үшін арт технологияларды пайдаланады

  Оқу жылы - 3
  Семестр - 6
  Несиелер - 5
  

• Бастауыш білім берудегі тьюторлық

  Курс зияткерлік, физикалық, мінез-құлық, сондай-ақ дарынды және оқуда қиындықтары бар әртүрлі қажеттіліктері бар балалар үшін орта құру құзыреттіліктерді меңгеруге бағытталған. Болашақ мұғалім бастауыш сынып оқушыларын оқыту мен тәрбиелеудегі инклюзивті, біріктірілген тәсілдерді ескеруді, сондай-ақ әрбір оқушының игілігі мен дамуы мен қолдауы үшін ата-аналармен және әріптестермен жұмыс істеуді үйренеді

  Оқу жылы - 3
  Семестр - 6
  Несиелер - 5
  

• Жасанды интеллект негіздері

  Пән жасанды интеллект жүйесінің теориялық негіздерін тереңдете оқыту арқылы студенттердің ақпараттық-коммуникациялық құзыреттілік деңгейін арттыруға, зияткерлік жүйелерді құрудың жаңа заманауи технологияларын меңгеруге және алынған білімдер мен дағдыларды практикада қолдануға арналған.

  Оқу жылы - 3
  Семестр - 6
  Несиелер - 5
  

• Сөйлеу қабілетін қалыптастыру бойынша практикум

  Пән болашақ мұғалімдердің сөйлеу құзыреттілігін қалыптастыруға бағытталған. Студенттер балалардың тілін дамытуға арналған дидактикалық ойындар мен жаттығуларды қолдануды, тілдік шығармашылықты (ертегі, жұмбақ құрастыру және т.б.) ұйымдастыруды, сондай-ақ өз сөзін жетілдіруді және бақылауды, анықтамалықтар мен сөздіктерді пайдалануды үйренеді. Курс сөйлеудің барлық қырын дамытуға қажетті практикалық дағдыларды қалыптастырады.

  Оқу жылы - 3
  Семестр - 6
  Несиелер - 5
  

• Бастауыш мектептегі робототехника

  Бұл курс ақпараттық-коммуникациялық технологияларды кәсіби қызметте, оқуда және күнделікті өмірде құрал ретінде пайдалану дағдыларын дамытуға бағытталған

  Оқу жылы - 3
  Семестр - 6
  Несиелер - 5
  

• Бастауыш мектеп оқушыларының танымдық дамуы және сыни тұрғыдан ойлауы

  Болашақ мұғалімдер сыни тұрғыдан ойлауды танымдық дағды ретінде тұтас түсінеді, сыни тұрғыдан ойлау дағдыларын көрсетеді және әртүрлі пәндерде әртүрлі стратегиялар арқылы, сондай-ақ бастауыш сыныптардың сабақтан тыс әрекетінде сыни тұрғыдан ойлауды дамытады.

  Оқу жылы - 3
  Семестр - 6
  Несиелер - 5
  

• Мектепке дейінгі және бастауыш мектеп жасы психологиясы

  Курс бала психологиясының бүкіл қалыптасуы мен дамуының іргелі жетістіктерін, мектепке дейінгі және бастауыш мектеп жасындағы баланың психикалық дамуының әлемдік және отандық теорияларын талдауды қамтиды. Курс тек теориялық білімді ғана емес, сонымен қатар мектеп жасына дейінгі және бастауыш мектеп жасындағы баланың психикалық әрекетінің әртүрлі салаларын және жеке тұлғасын зерттеу және диагностикалау әдістерін меңгеруге көмектеседі

  Оқу жылы - 3
  Семестр - 6
  Несиелер - 5
  

• Әдебиеттік оқуға оқытудың әдістемесі

  Пән бастауыш сынып оқушыларына әдеби білім беруді ұйымдастыру үшін болашақ мұғалімдердің қажетті білімдері мен дағдыларын қалыптастыруға бағытталған.Курс балалар әдебиетінің негіздерін, оқуға үйретудің заманауи технологияларын, оқушылармен жұмыстың әдістері мен түрлерін қамтиды.Болашақ педагогтар сабақ мақсаттары мен мазмұнын анықтауды, жас ерекшеліктеріне сай әдістерді қолдануды, балалардың оқуға қызығушылығын және мәтінді түсіну қабілетін дамытуды үйренеді.

  Оқу жылы - 4
  Семестр - 7
  Несиелер - 5
  

• Бастауыш мектептегі жаратылыстану және дүниетануға оқыту әдістемесі

  Курс бастауыш сыныптарда оқыту әдістемесін игеруде жаратылыстану және дүниетану саласындағы теориялық білімдерін қолдануға бағытталған. Курсты оқу барысында болашақ мұғалімдер бастауыш сынып оқушылардың оқуы және тәрбие саласындағы дағдыларын жетілдіреді. Қоршаған ортаны танудың әмбебап әдістері мен қазіргі жаратылыстану заңдылықтары туралы ойлар қалыптасады. Болашақ мұғалімдер бастауыш сыныптарда дүниетану және жаратылыстану сабақтарын өткізудің әдістерін, нысандарын, амалдарын зерттейді

  Оқу жылы - 4
  Семестр - 7
  Несиелер - 6
  

• Бос уақыт педагогикасы

  Курс болашақ мұғалімдерді бастауыш мектеп жасындағы балалардың бос уақытын ұйымдастырумен таныстырады. Бұл қызметтің тарихи, мәдени, педагогикалық, құқықтық негіздері қарастырылады

  Оқу жылы - 4
  Семестр - 7
  Несиелер - 4
  

• Зерттеулер, даму және инновация

  Болашақ мұғалімдер мұғалім ретіндегі жұмысының ғылыми дәлелді дамуы туралы білу үшін шағын зерттеу жобасын әзірлейді. Олар өздерінің зерттеу тақырыбын, сұрақтарын анықтайды, әдебиеттерге шолу жасайды және зерттеу этикасын қоса алғанда, деректерді жинау және талдау әдіснамасын әзірлейді. Курсты аяқтағаннан кейін болашақ мұғалімдер этикалық жүргізілген зерттеулер және әзірлемелердің негізінде педагогикалық іс-әрекетін дамытып, жаңарта алады, сонымен қатар зерттеу жобаларын жүзеге асыра алады немесе оларға қатыса алады. Сондай-ақ олар өздерінің зерттеулері мен әзірлемелерінің нәтижелерін әртүрлі кәсіби тәсілдермен және арналармен ұсына алады

  Оқу жылы - 4
  Семестр - 7
  Несиелер - 5
  

• Театрлық педагогика

  Болашақ мұғалім білім беру ортасында қолайлы психологиялық ахуал туғыза алады, сабақта және сабақтан тыс жұмыстарда шығармашылық атмосфераны сақтай алады, өмір бойы білім алу дағдылары көрсете алады

  Оқу жылы - 4
  Семестр - 7
  Несиелер - 4
  

• Шағын жинақталған бастауыш мектептегі білім беру үдерісінің ерекшеліктері

  Бұл курс болашақ мұғалімдердің бойында шағын жинақталған мектепте сынып-толымдама жағдайында білім беруді ұйымдастырудың құзыреттіліктер блогын қалыптастырады

  Оқу жылы - 4
  Семестр - 7
  Несиелер - 5
  

• Бастауыш сыныптардағы қашықтықтан оқыту

  Курстың мақсаты – болашақ мұғалімдердің теориялық және әдістемелік білім саласындағы пәндік құзыреттілігін арттыру. Мұғалімдер пәндерді бағалау және оқыту әдістемесі туралы, сондай-ақ бастауыш сынып оқушыларын оффлайн және онлайн, оның ішінде шағын жинақталған мектептерде оқыту технологиялары туралы білім алады. Олар инклюзивті және тұлғаға бағдарланған әдіспен онлайн оқыту үшін білім беру мазмұнын құрай алады және оқушылардың жас ерекшеліктерін ескере отырып, қолдау мен амандыққа бағытталған қашықтық режимінде интерактивті өзара әрекеттесу үшін пәнаралық білімді қалай пайдалану керектігін үйренеді

  Оқу жылы - 4
  Семестр - 7
  Несиелер - 4
  

• Бастауыш сынып мұғалімінің ата-анамен жұмысы

  Бұл пән бастауыш сынып мұғалімінің ата-аналармен жұмыс жүргізуде кәсібилігін дамытуға, сондай-ақ ата-аналардың педагогикалық білімін арттыруға бағытталған. Ол үшін мұғалімнің ата-аналармен қарым-қатынасты, тәрбие әдістері туралы диагностика мен дамытушылық, ағартушылық жұмыстар жасауды қамтамасыз етеді.

  Оқу жылы - 4
  Семестр - 7
  Несиелер - 4
  

• Бастауыш мектеп оқушыларына STEAM білім беру

  Бастауыш сынып оқушыларының зияткерлік қабілеттерін дамытуға бағытталған пәндердің өзара байланысын пайдалану қабілетін қалыптастыруға бағытталған

  Оқу жылы - 4
  Семестр - 7
  Несиелер - 4
  

• Бастауыш білім берудегі цифрлық оқыту және медиасауаттылық

  Курс қауіпсіздікке және баланың эмоционалдық, психикалық және физикалық әл-ауқатына ықпал ететін ақпараттық мәдениеттің бөлігі ретінде медиа сауаттылықты түсінуге ықпал етеді. Пән сонымен қатар бастауыш сынып оқушыларын оқыту үшін цифрлық дағдыларды дамытуға бағытталған

  Оқу жылы - 4
  Семестр - 7
  Несиелер - 4
  

• Сауаттылық пен көркем жазуға оқыту әдістемесі

  Пән болашақ мұғалімдерге бастауыш сынып оқушыларын сауат ашуға және көркем жазуға үйрету үшін қажетті білім мен дағдыларды қалыптастырады. Графикалық дағдыларды жас ерекшеліктерін ескере отырып қалыптастырудың кезеңдері (әліппеге дейінгі, әліппе, әліппеден кейінгі), әдістері мен тәсілдері қарастырылады. Болашақ педагогтер тілдік білім беруді жоспарлауға, балалардың оқып-жазу үдерісінде өзін-өзі бағалауын, рефлексиясын және дербестігін дамытуға үйренеді.

  Оқу жылы - 4
  Семестр - 7
  Несиелер - 4
  

Профессии

Оқыту нәтижелері

• Қазақстандық қоғамның әлеуметтік, іскерлік, мәдени, құқықтық және этикалық стандарттарына сәйкес дүниетанымдық, тарихи және адамгершілікте даму үшін пәнаралық білім мен тәжірибені қолданады.
• Тұлғааралық, әлеуметтік, кәсіби және ғылыми-зерттеу іс-әрекеті деңгейінде қазақ, орыс және шет тілдерінде ауызша және жазбаша түрде конструктивті қарым-қатынас жасауға және өзара әрекеттесуге қабілетті болады.
• Жұмыс ортасын ұйымдастыра алады, саналы түрде халықаралық және ұлттық құжаттарға, ұлттық білім беру жүйесінің қағидаларына, заңдарына және ережелеріне сәйкес өз ұйымының қызметімен және көпсалалы ынтымақтастықпен өзара байланыста жұмыс жасауға қабілетті болады.
• Кәсіби дамуға және өмір бойы білім алуға; өз құндылықтарын, көзқарастарын, этикалық принциптерін, жұмыс әдістерін көрсетуге, ойластыруға және сыни тұрғыдан бағалауға, сондай-ақ тұрақты даму мүддесінде бастауыш білім беруді, өз ұйымының және кәсіби әл-ауқатының дамуын жетілдірудің жаңа мақсаттарын қоюға қабілетті болады.
• Педагогика мен психологиядан алған білімдерін тұлғалық-бағдарлы, құзыреттілік, инклюзивті тәсілдер қағидаттарын ескере отырып, бастауыш мектеп жасындағы балаларды тәрбиелеу, дамыту, өмірі мен іс-әрекетін ұйымдастыру үшін қолдана алады.
• Барлық балалар, соның ішінде ерекше білім беру қажеттіліктері бар балалар үшін қауіпсіз, кедергісіз заттық-кеңістіктік ортаны жобалауға қабілетті болады.
• Бастауыш мектеп пәндерінің теориясында дүниетанымға, хабардарлыққа, 1-4 сыныптарға арналған мектеп курсын құру логикасына байланысты кәсіби білімдерін қолданады.
• Бастауыш мектепте оффлайн және онлайн режимінде, соның ішінде шағын жинақталған мектеп жағдайында жеке пәндерді оқыту және бағалау технологиясы мен әдістері бойынша дағдыларды көрсетеді.
• Әр оқушының дамуы мен әл-ауқатына қолдау көрсете отырып, функционалдық сауаттылықты, зерттеу дағдыларын және шығармашылықты дамыту үшін белсенді және интеграцияланған оқытуды үлгілеуге және ұйымдастыруға қабілетті болады.
• Ұлттық және аймақтық ерекшеліктер негізінде оқу-тәрбие үдерісін басқара алады, оқу үдерісінің мониторингісін жүргізуге, өзінің оқыту әрекетін жақсарту үшін оның нәтижелерін талдауға және қолдануға қабілетті болады.
• Педагогикалық әдеп нормалары мен академиялық адалдық принциптерін сақтай отырып, жергілікті, аймақтық, республикалық немесе халықаралық деңгейде бастауыш білім беру саласында ғылыми-зерттеу жұмыстарын өз бетінше және ұжымда жүргізуге қабілетті болады.
• Ата-аналармен және педагогикалық қауымдастықпен ынтымақтастықта бірлесіп жасалатын жұмыс аясында жағымды ортаны құру үшін эмоционалдық интеллект пен көшбасшылық дағдыларды дамытуға қабілетті болады.

Ұқсас БББ