6B01202 Мектепке дейінгі білім беру (IP) в М.Қозыбаев атындағы Солтүстік Қазақстан университеті

Пәндер

• Ерте балалық шақ педагогикасы және психологиясы

  Курстың мазмұны болашақ педагогтардың ерте балалық шақтағы баланың психикалық және тән дамуы арасындағы байланыс заңдылықтарын меңгеруге бағытталған. Болашақ педагогтар ерте балалық шақта баланы табысты әлеуметтендіру бойынша практикалық іс-әрекет дағдыларын, ерте жастағы балаларды күтуде, тәрбиелеуде, дамытуда және оқытуда психологиялық-педагогикалық көмек пен қолдау көрсету қабілетін игереді.

  Оқу жылы - 1
  Семестр - 2
  Несиелер - 6
  

• Балалардың жас ерекшелік және физиологиялық даму ерекшеліктері

  Болашақ педагогтар психиканың қалыптасуымен, оның қызметімен және даму заңдылықтарымен танысады. Болашақ педагогтар білім алушылардың даумын бақылай алады және соған сай жас ерекшеліктеріне сәйкес оқу үрдістерін жоспарлап, жүзеге асыра алады және білім алушылардың жеке қажеттіліктерін ескере алады. Болашақ педагогтар әр түрлі жағдайларда шығармашылық тұрғыда және жағдаятқа сай әрекет ете алады және жалпы білім беру мен білім алушылардың игілігін сақтай алады.

  Оқу жылы - 1
  Семестр - 2
  Несиелер - 3
  

• Қазіргі мектепке дейінгі балалардың ойындары және ойын әрекеттері

  Болашақ педагогтар баланың дамуы үшін ойынның құндылығын түсінетінін көрсетеді және баланың ойынға құқығын қамтамасыз етеді; мектепке дейінгі білім беру ұйымында, отбасында, қалалардағы және ауылдық елді мекендердегі балалардың бос уақытында ойын қызметін ұйымдастыруға педагогикалық қолдау көрсетеді; мектеп жасына дейінгі балаларға өзін-өзі таныту және шығармашылық белсенділігі үшін ойын түрін таңдау мүмкіндігін береді; балалардың ойын бастамасына жағдай жасайды.

  Оқу жылы - 1
  Семестр - 2
  Несиелер - 5
  

• Нейропедагогика негіздері

  Болашақ педагогтардың игерген құзіреттілігі мектепке дейінгі білім беруде оқушыға бағдарланған тәсілді жүзеге асыруға мүмкіндік береді, бұл оқыту қабілетін арттыру және баланың сезім мүшелеріне (көру, есту, сипап сезу және т.б.) және тәрбие мен оқыту үдерісіндегі эмоционалдық күйіне әсер ету арқылы мінез-құлқын реттеу үшін қажет.

  Оқу жылы - 1
  Семестр - 2
  Несиелер - 5
  

• Ғылыми зерттеулер әдістері

  Зерттеу тәсілдері. Индуктивті және дедуктивті әдістер. Сапалық, сандық, аралас зерттеу әдістері. Бастапқы және қосымша зерттеулер. Action research. Зерттеудің дизайны – сипаттамалық, корреляциялық, эксперименттік, квазиэксперименттік, көлденең қималық, бойлық, case study, этнографиялық, ізденімпаздық, түсіндірмелі. Айнымалылар мен гипотезалар. Зерттеудің сенімділігі мен негізділігі. Орындалу және қайталану. Кездейсоқ және жүйелі қате. Триангуляция. Іріктеу. Іріктеуді қалыптастыруға қосу және алып тастау критерийлері. Іріктеу әдістері. Мәліметтерді жинау – сауалнамалар, сұхбаттар, тәжірибелер, бақылау зерттеулері, жүйелі шолу. Мәліметтерді тексеру. Сұхбаттың транскрипциясы. Мәліметтерді талдау – статистикалық талдау, мазмұнды талдау, дискурс-талдау, тақырыптық талдау, мәтінді талдау. Зерттеу этикасы. Алқалық рецензиялау.

  Оқу жылы - 2
  Семестр - 1
  Несиелер - 5
  

• Авторлық жүйелер және даму мен тәрбиелеу әдістері

  Болалшақ педагогтар Р.Штайнер, З.Дьенеш, М.Монтессори, Дж.Дьюи, Ф.Фребель және т.б. ерте дамыту және оқытудың дәстүрлі және инновациялық авторлық жүйелерін және әдістерін, амалдары мен тәсілдерін игереді.

  Оқу жылы - 2
  Семестр - 1
  Несиелер - 5
  

• Білім беру туралы ғылым және оқытудың негізгі теориялары

  Болашақ педагогтар оқытудың әртүрлі теориялары мен педагогикалық үлгілеріне жетелейтін тұлғаның тұжырымдамалық бейнелері сияқты педагогика ғылымының негіздерін меңгереді. Теориялық тұжырымдамаларды түсіну негізінде болашақ педагогтар әртүрлі оқу жағдайларына сәйкес педагогикалық таңдау жасай алады.

  Оқу жылы - 2
  Семестр - 1
  Несиелер - 3
  

• Сыбайлас жемқорлыққа қарсы мәдениет негіздері

  Жемқорлыққа қарсы мәдениет: түсінігі, құрылымы, міндеттері мен функциялары. Жемқорлыққа қарсы сана және жемқорлыққа қарсы мәдениет: мазмұны, рөлі және функциялары. Шет мемлекеттерде жемқорлыққа қарсы мәдениетті қалыптастыру. Жемқорлыққа қарсы мәдениет: даму тетіктері мен институттары. Жеке тұлғаның жемқорлыққа қарсы мәдениетін дамытудағы отбасының рөлі. Жемқорлыққа қарсы мәдениеттің ұлттық негіздері. Қоғамдық бақылау жемқорлыққа қарсы күрес тетігі ретінде. Саяси партиялар мен БАҚ жемқорлыққа қарсы мәдениетті қалыптастыру құралы ретінде. Жемқорлыққа қарсы білім мен тәрбие беру. Жемқорлыққа қарсы заңнама және жемқорлық құқық бұзушылықтар үшін заңды жауапкершілік. Жемқорлыққа қарсы күрестің конституциялық негіздері. Жемқорлық құқық бұзушылық үшін заңды жауапкершілік. Мемлекеттік қызметте және бизнес ортада жемқорлыққа қарсы мәдениетті қалыптастыру.

  Оқу жылы - 2
  Семестр - 1
  Несиелер - 5
  

• Үйдегі білім беру және мектеп жасына дейінгі балалардың отбасылық тәрбиесі

  Болашақ педагогтар отбасы тәрбиесін ұйымдастыруда ата-аналарға психологиялық-педагогикалық қолдау көрсету дағдыларын меңгереді; мектеп жасына дейінгі балаларды үйде оқыту мәселелері бойынша консультативтік көмек пен әдістемелік қолдау көрсетуде тұлғалық-бағдарлы және сараланған тәсілдерді меңгереді

  Оқу жылы - 2
  Семестр - 1
  Несиелер - 5
  

• Экономика және құқық негіздері

  Қоғамдық өнеркәсіп. Капиталдың болмысы, үлгілері, құрылымы. Нарықтық экономикадағы өнеркәсіптің шығындары мен табыстары. Бизнес. Қаржы жүйесі. Ресурстарды үнемдеу. Экономикалық дамудың циклділігі. Әлемдік экономикалық қарым-қатынас жүйесіндегі Қазақстан. Нарықтың пайда болуы. Бизнестің дамуындағы мемлекеттің рөлі. Ата Заң, Қазақстан Республикасының қолданыстағы заңнамасының негізгі ережелері. Мемлекеттік басқару институттарының жүйесі, олардың уәкілеттіліктерінің аясы. Экономиканы мемлекеттік реттеудің мақсаттары, әдістері. Экономикадағы мемлекеттік сектордың рөлі. Қаржылық құқық және қаржы. Материалдық және іс жүргізу құқығының әрекеттесу тетігі.

  Оқу жылы - 2
  Семестр - 1
  Несиелер - 5
  

• Ерте жастағы сенсорлық тәрбие

  Курс баланың қоршаған әлем туралы сезімдік тануын дамытудағы педагогикалық тәжірибені жалпылау арқылы ерте жастағы балалардың сенсорлық тәрбиесінің міндеттерін шешудің практикалық-бағдарлы тәсілдерін болашақ педагогтардың игеруін қарастырады.

  Оқу жылы - 2
  Семестр - 1
  Несиелер - 5
  

• Педагогикалық зерттеулер

  Бұл курс болашақ педагогтарға педагогикалық зерттеулердің теориялық негіздерін береді. Болашақ педагогтар түрлі сенімді көздерден теориялық білімді іздеу және сыни тұрғыдан іріктеу дағдысын меңгереді, педагогикалық ойлау мен практиканы дамытуда зерттеу нәтижелерін пайдалану дағдыларын қалыптастырады, зерттеулерге негізделген оқыту мен білім алуға, сондай-ақ осы дағдыларды үздіксіз дамытып, өздерін кәсіби тұрғыдан жетілдіруге ықпал етуге дайын болуы тиіс.

  Оқу жылы - 2
  Семестр - 1
  Несиелер - 4
  

• Мектепке дейінгі білім беру ұйымындағы мониторинг

  Болашақ педагогтар баланың жеке дамуына педагогикалық қолдау көрсету және алынған нәтижелер негізінде оның дағдыларын түзету үшін әртүрлі кезеңдердегі балалардың дағдылары мен қабілеттерінің дамуын қадағалау бойынша бақылауды жүргізу дағдыларын меңгереді.

  Оқу жылы - 2
  Семестр - 1
  Несиелер - 5
  

• Кәсіпкерлік негіздері

  Күйзелісті басқару. Келіссөздер жүргізу дағдылары. Көпшілік алдында сөйлеу дағдылары. Бизнесті басқару дағдылары. Топтық жұмыс және көшбасшылық қасиеттер. Тұтынушыларға қызмет көрсету дағдылары. Қаржылық дағдылар, қаржылық сауаттылық. Аналитикалық және мәселелерді шешу дағдылары. Сыни тұрғыдан ойлау дағдылары. Стратегиялық ойлау және жоспарлау дағдылары. Техникалық дағдылар. Уақытты басқару және ұйымдастырушылық дағдылар. Брендинг, маркетинг және желілерді құру дағдылары. Бизнесті басқару дағдылары.

  Оқу жылы - 2
  Семестр - 1
  Несиелер - 5
  

• Білім берудегі психология және өзара әрекеттесу мен коммуникация тұжырымдамалары

  Болашақ педагогтар заманауи психологиялық теориялар мен үлгілер, сондай-ақ тұлғаның қызметі және оның жеке қасиеттері туралы білімге ие. Олар бұл білімді әртүрлі білім беру мәнмәтінінде мұғалімдік қызметінде қолдана алады. Болашақ педагогтар білім беру үрдісінде диалогты, өзара әрекеттесуді және қарым-қатынасты дамыта отырып, білім алушылардың қолайлы дамуына ықпал етеді. Олар білім алушылардың отбасыларымен, сондай-ақ серіктестіктің басқа да түрлері шеңберінде қарым-қатынас жасауға, өзара әрекеттесуге және ынтымақтасуға және өздерінің педагогикалық қызметін дамытуға қолайлы жаңа өзара байланыстар жасауға қабілетті.

  Оқу жылы - 2
  Семестр - 1
  Несиелер - 4
  

• Мектепке дейінгі психология бойынша практикум

  Болашақ педагогтар бала психологиясының ғылыми зерттеу әдістері туралы білім алады және тұлғаның негізгі салаларын (эмоциялар мен сезімдер және т.б., мектеп жасына дейінгі балалардың танымдық қабілеттерін (қабылдау, зейін, есте сақтау, қиял, т.б.), олардың құрдастарымен және ересектермен қарым-қатынасының ерекшеліктері (бейімделу, ұялшақтық және т.б.) ойын және басқа да әрекеттер түрінде зерттеудің әртүрлі әдістерін меңгереді.

  Оқу жылы - 2
  Семестр - 1
  Несиелер - 5
  

• Ерте және мектеп жасына дейінгі әлеуметтік-эмоционалдық даму

  Болашақ педагогтардың ерте және мектеп жасына дейінгі балалардың әлеуметтік-эмоционалдық дамуы саласындағы құзыреттері сыни тұрғыдан ойлау, шығармашылық, ересектермен және құрдастарымен жағымды қарым-қатынас жасау, балалардың эмоционалдық интеллектін көрсету және топта жұмыс істеу дағдыларын дамытудың кәсіби тәсілдеріне негізделетін болады.

  Оқу жылы - 2
  Семестр - 1
  Несиелер - 5
  

• Экология және өмір сүру қауіпсіздігі

  Тірі ағзалардың, әртүрлі ұйымдастыру деңгейлеріндегі экожүйелердің, жалпы биосфераның негізгі өмір сүру заңдары, олардың тұрақтылығы. Биосфера компоненттерінің әрекеттестігі және адамның шаруашылық қызметінің, әсіресе, табиғатты қарқынды пайдалануды жағдайындағы экологиялық салдары. Әртүрлі елдерде және Қазақстан Республикасында тұрақты даму тұжырымдамалары, стратегиялары мен практикалық тапсырмаларының заманауи түсінігі. Өмір сүру қауіпсіздігі, оның негізгі ережелері. Тәуекелдер, төтенше жағдайлар. Тәуекелдерді талдау, тәуекелдерді басқару. Адам қауіпсіздігінің жүйелері. Заманауи тепетеңсіздік факторлары.Әлеуметтік, діни, саяси, экономикалық қауіптер, күнделікті өмірдегі қауіптер Қауіпсіздік мекемелерінің жүйесі және олардың қызметін құқықтық реттеу.

  Оқу жылы - 2
  Семестр - 1
  Несиелер - 5
  

• Геймификация негіздері

  Болашақ педагогтар іс-әрекетті ұйымдастырудың интерактивті нысандарын, ақпараттық, коммуникациялық және мультимедиялық ресурстарды пайдалана отырып, мектепке дейінгі дайындық кезеңінде балалардың ойын және танымдық іс-әрекетін белсендірудің дәстүрлі емес әдістерін, тәсілдері мен технологияларын меңгереді.

  Оқу жылы - 2
  Семестр - 2
  Несиелер - 5
  

• Оқыту әдістері мен технологиялары

  Болашақ педагогтар оқытудың стратегиялары мен әдістемелерін жан-жақты түсінеді және оларды нақты педагогикалық жағдайларға, мектептің нақты шарттарына және оқушылардың мүмкіндіктеріне сәйкес келетін инновациялық әдістермен жоспарлауда, оқытуда және бағалауда қолдана алады. Болашақ педагогтар білім беру үдерісінің әртүрлі кезеңдерінде қолайлы инклюзивті, физикалық және онлайн оқыту ортасын құра алады. Болашақ педагогтар оқу материалдарын жоспарлау кезінде авторлық құқық пен деректерді қорғау ережелерін түсінеді және қолдана алады. Болашақ педагогтардың дидактика, оқыту технологиялары мен оқушыларды ынталандыру әдістері бойынша қажетті білімдері бар, оқушыларға қажетті педагогикалық көмек көрсете алады.

  Оқу жылы - 2
  Семестр - 2
  Несиелер - 5
  

• Мектеп жасына дейінгі балалардың экологиялық тәрбиесі

  Болашақ педагогтар үйдегі мектеп жасына дейінгі балалардың тұрмыста, демалыста, серуенде, түрлі қызмет түрлерінде экологиялық мінез-құлқын қалыптастыру дағдыларын игеруді үйренеді; өнегелік, көркем-эстетикалық және еңбектік тәрбие беру арқылы мектеп жасына дейінгі балаларды экологиялық тәрбиелеуге кешенді тәсіл енгізе алады

  Оқу жылы - 2
  Семестр - 2
  Несиелер - 5
  

• Дене тәрбиесі және баланың қауіпсіздігі мәдениеті

  Болашақ педагогтар баланың дене саулығын дамыту және оның бойында салауатты өмір сүру және қауіпсіз міне-құлық дағдыларын қалыптастыру арқылы мектепке дейінгі тәрбие мен оқытудың негізгі міндеті – мектепке дейінгі білім беру ұйымы тәрбиеленушілерінің өмірін қорғау және денсаулығын нығайтуға бағытталған қабілеттер мен дағдыларды игереді.

  Оқу жылы - 2
  Семестр - 2
  Несиелер - 6
  

• Нутрициология негіздері

  Болашақ педагогтар тамақтану және тамақтану режимін түзетуге көмектесу бойынша құзыреттіліктерді дамыту, балабақшада және үйде дұрыс тамақтанбау және теріс өмір салты қаупін болдырмау үшін мектепке дейінгі тәрбие беру ұйымы тәрбиеленушілердің өмір сүру сапасын арттыру үшін дұрыс тамақтану қағидаттарын үйренеді

  Оқу жылы - 2
  Семестр - 2
  Несиелер - 5
  

• Мектепке дейінгі білім беру ұйымының дамыту ортасының дизайны

  Бұл курс барысында болашақ педагогтар мектепке дейінгі ұйымдағы пәндік-кеңістіктік даму ортасының функцияларын зерттейді. Олар, мысалы, санитарлық-гигиеналық немесе эпидемиологиялық жағдайларға байланысты нормативтік талаптар туралы біледі. Олар сондай-ақ балалармен және ата-аналармен бірлесе отырып, ойын кеңістігін жас пен қызмет түріне және кедергісіз ойын кеңістігін жобалауды үйренеді.

  Оқу жылы - 3
  Семестр - 1
  Несиелер - 4
  

• Мектепке дейінгі педагогика

  Болашақ педагогтар 3 жастан 6 жасқа дейінгі балаларды дамыту, тәрбиелеу және бастауыш білім беру заңдылықтарын зерделейді және баланың білім беру қажеттіліктерін ескере отырып, оның дербестігін дамыту үшін қолайлы орта құруға бағытталған тәрбиелеу мен оқытудың заманауи әдістерін пайдалана отырып, мектеп жасына дейінгі баланың жеке басының негізгі мәдениетін қалыптастыру құзыреттерін меңгереді.

  Оқу жылы - 3
  Семестр - 1
  Несиелер - 6
  

• Бағалау және дамыту

  Болашақ педагогтар оқу үдерісінде бағалаудың мәнін терең түсінеді және оқу үдерісінің әртүрлі кезеңдерінде этикалық түрде конструктивті бағалауды қамтамасыз ете алады және білім алушыларды бағалауға тарта алады. Болашақ педагогтар бағалаудың әртүрлі технологияларын, принциптерін, кезеңдерін, өз білім саласын бағалау құралдарын (қалыптастырушы және жиынтық бағалауды, өзін-өзі бағалауды, өзара бағалауды және т.б. қоса алғанда) анықтайды, саралайды және пайдаланады. Олар бағалауға қатысты өздерінің түсініктері мен тәжірибелерін сыни тұрғыдан бағалауға, талдауға және оларды әрі қарай дамытуға қабілетті.

  Оқу жылы - 3
  Семестр - 1
  Несиелер - 4
  

• Мектеп жасына дейінгі балалардың музыкалық тәрбиесі

  Болашақ педагогтар музыкалық-ырғақтық іс-әрекетке қолайлы жағдай жасау, күнделікті өмірде музыканы тыңдау және қабылдау, ұйымдастырылған іс-әрекетте балалардың музыкалық аспаптарында ойнауды және ән айтуды үйрену арқылы мектеп жасына дейінгі балалардың музыкалық тәрбиесі мен музыкалық қабілеттерін дамыту дағдыларын меңгереді.

  Оқу жылы - 3
  Семестр - 1
  Несиелер - 6
  

• Инклюзивті білім беру ортасы

  Болашақ педагогтар оқыту үдерісінде білім алушылардың әртүрлілігін түсінеді, сондай-ақ олардың өмірі мен оқу жағдаяттарын ескеру мүмкіндігіне ие. болашақ педагогтар тиісті АКТ, үйретуші және көмекші технологияларды қолдана отырып, білім алушыларды оқытуды және оларды білім беру үдерісіне қосуда қолдайды. Болашақ педагогтар қауымдастықпен (педагогтар, білім алушылар, ата-аналар/қамқоршылар) ынтымақтастықта, психологиялық және этикалық тұрғыдан олардың әл-ауқатын қолдайды.

  Оқу жылы - 3
  Семестр - 1
  Несиелер - 3
  

• Ерте және мектеп жасына дейінгі балалардың коммуникативті-сөйлеу қабілеттерін дамыту

  Болашақ педагогтар мектепке дейінгі білім беру ұйымдары тәжірибесінде қолданылатын интерактивті оқыту әдістерінің, ойын технологияларының және заманауи онлайн құралдары мен қызметтерінің көмегімен мектепке дейінгі ұйымдағы және отбасындағы ерте және мектеп жасына дейінгі балалардың қарым-қатынас және сөйлеу дағдыларын дамыту мен түзетудің озық педагогикалық тәжірибелері мен инновациялық әдістері мен тәсілдерін меңгереді

  Оқу жылы - 3
  Семестр - 1
  Несиелер - 6
  

• Мектеп жасына дейінгі балалардың оқырмандық мәдениетін дамыту

  Болашақ педагогтар әдеби білім берудің әдістерін қолдануда және мектеп жасына дейінгі балалардың оқу мәдениетін дамытуда өз дағдыларын дамытады. Олар мектеп жасына дейінгі балалардың ауызша халық шығармашылығы мен көркем әдебиетті оқуы мен қабылдауын дамытуды үйренеді.

  Оқу жылы - 3
  Семестр - 1
  Несиелер - 5
  

• Мектеп жасына дейінгі балалардың көркем-эстетикалық тәрбиесі

  Курстың мазмұны болашақ педагогтардың мектеп жасына дейінгі балаларды көркемдік-эстетикалық тәрбиелеу құралдары және балалар бейнелеу өнерінің ерекшеліктері туралы білімдерін дамытуға бағытталған. Болашақ педагогтар ерте және мектеп жасына дейінгі балалар мен ерекше білім беру қажеттіліктері бар балалардың шығармашылық қабілеттері мен дағдыларын дамытудың заманауи арт-технологияларын, әдістерін, техникалары мен тәсілдерін меңгереді.

  Оқу жылы - 3
  Семестр - 1
  Несиелер - 5
  

• Мектепке дейінгі шағын орталықтың әртүрлі жастағы топтардағы білім беру үдерісі

  Болашақ педагогтар ерте және мектеп жасына дейінгі балалардың бірлескен тұруында және олардың білім алу қажеттіліктерін ескере отырып, барлық іс-әрекет түрлерін ұйымдастыру дағдыларын меңгереді.

  Оқу жылы - 3
  Семестр - 2
  Несиелер - 5
  

• Мектеп жасына дейінгі балалардың логикалық-математикалық дамуы

  Болашақ педагогтар мектеп жасына дейінгі балалардың қарапайым математикалық ұғымдарды қалыптастыру және қарапайым логикалық операцияларды орындау барысында танымдық қабілеттерін дамытуға бағытталған құзыреттерді дамытады. Алынған білім мектеп жасына дейінгі баланы балабақшада математика және логика негіздерімен таныстыру және бастауыш мектепте нақты ғылымдарды меңгеру кезеңдері арасындағы сабақтастықты қамтамасыз етуге үйренеді.

  Оқу жылы - 3
  Семестр - 2
  Несиелер - 6
  

• Оқытуды жоспарлау және оқытуды дербестендіру

  Болашақ педагогтар өздерінің оқыту саласындағы білім беру бағдарламаларымен, сондай-ақ кәсіпкерлік пен тұрақты даму сияқты білім берудің белгілі бір деңгейін дамытудың педагогикалық қағидаларымен және қиылысатын тақырыптарымен таныс. Болашақ педагогтарда педагогикалық және өз бетінше ізденістерге негізделген оқыту технологияларын қолдану және оқыту үдерісіне оқушылардың жан-жақтылығын және инклюзия қағидаларын ескере отырып, оқытуды дараландыру дағдылары бар.

  Оқу жылы - 3
  Семестр - 2
  Несиелер - 4
  

• Мектеп жасына дейінгі балалардың киберқауіпсіздігі негіздерімен балалық шақты цифрландыру

  Болашақ педагогтар мектепке дейінгі ұйым мен отбасының білім беру кеңістігінде баланың өмірінің қауіпсіздігін ескере отырып, қазіргі заманғы мектеп жасына дейінгі балалардың ақпараттық мәдениетін қалыптастыру идеяларын іс жүзінде жүзеге асыру дағдыларын меңгереді.

  Оқу жылы - 3
  Семестр - 2
  Несиелер - 6
  

• Мектепке дейінгі білім беру ұйымындағы жобалық қызмет

  Курс болашақ педагогтардың бойында тәрбиеленушілермен, олардың ата-аналарымен және/немесе мектепке дейінгі ұйымның әлеуметтік серіктестерімен бірлескен іс-әрекетте шығармашылық немесе ақпараттық өнімді құру үшін мектепке дейінгі ұйымның білім мберу үдерісінде жобалық іс-әрекеттерді әзірлеу және енгізу дағдыларын дамытуды көздейді.

  Оқу жылы - 3
  Семестр - 2
  Несиелер - 5
  

• Мектеп жасына дейінгі балалардың бастамасын қолдау

  Курс болашақ педагогтардың бойында балалардың ойындағы бастамасын қолдауға, баланың іс-әрекет түрін өз бетінше таңдауына, оқушының өзін-өзі бағалауын (парасатты мақтаныш) дамытуға бағытталған құзыреттерін қалыптастырады.

  Оқу жылы - 3
  Семестр - 2
  Несиелер - 6
  

• Мектепке дейінгі білім беру ұйымында бос уақытты ұйымдастыру

  Болашақ педагогтар оқу жылы ішінде және жазғы сауықтыру кезеңінде мектепке дейінгі ұйымның ішінде және одан тыс жерде тәрбиеленушілердің ересектермен және құрдастарымен бос уақытындағы өзара әрекеттесу үдерісіндегі әртүрлі іс-әрекет түрлерін ұйымдастырудың әдістемелік тәсілдерін меңгереді.

  Оқу жылы - 3
  Семестр - 2
  Несиелер - 5
  

• Балалық шақтың материалдық мәдениетін (ойыншықтар) зерттеу бойынша семинар-практикум

  Болашақ педагогтар әртүрлі эмпирикалық әдістерді қолдана отырып, ойыншықтарды балалық шақтың маңызды атрибуты және баланың тұлғасын ерте және мектепке дейінгі жаста дамыту және тәрбиелеу құралы ретінде зерделеуге қажетті зерттеу дағдыларын меңгереді.

  Оқу жылы - 4
  Семестр - 1
  Несиелер - 5
  

• Ерте және мектепке дейінгі балалық шақтың әлеуметтік-құқықтық қорғанысы

  Болашақ педагогтар жетім балалар мен ата-анасының қамқорлығынсыз қалған балаларға; нашар және деструктивті отбасылардан шыққан балаларға; қарулы қақтығыстардың, экологиялық және техногендік апаттардың құрбандары болған балаларға; босқындар мен мигранттар отбасыларының балаларына және т.б. әлеуметтік қорғау және құқықтық және ерікті көмек көрсету дағдыларын меңгереді.

  Оқу жылы - 4
  Семестр - 1
  Несиелер - 6
  

• Мектепке дейінгі білім берудегі менеджмент

  Болашақ педагогтар мектепке дейінгі ұйымның тұрақты дамуы және білім беру қызметінің сапасын арттыру үшін әдістемелік, қаржылық, шаруашылық мәселелерді шешу үшін басқарушылық мәдениет пен басқарушылық қызмет дағдыларын меңгереді.

  Оқу жылы - 4
  Семестр - 1
  Несиелер - 6
  

• Мектепке дейінгі білім беру ұйымы мен отбасының әлеуметтік серіктестігі

  Болашақ педагогтар мектепке дейінгі ұйым мен тәрбиеленушілердің әртүрлі типтегі отбасылары арасындағы өзара әрекеттестіктің әртүрлі траекторияларын дамыту және құрмет, сенім және теңдік негізінде отбасын, оның ішінде ерекше білім беру қажеттіліктері бар балаларды қолдаудың инновациялық нысандарын пайдалану құзыреттерін дамытады.

  Оқу жылы - 4
  Семестр - 1
  Несиелер - 4
  

• Мектеп жасына дейінгі балалардың ойын субмәдениетін зерттеу бойынша семинар-практикум

  Болашақ педагогтар әртүрлі эмпирикалық әдістерді қолдана отырып, кәсіби іс-әрекетінде балалар субмәдениетінің әртүрлі түрлерін және олардың мектеп жасына дейінгі балаларды әлеуметтену үдерісі үшін маңызын зерттеуге қажетті зерттеу дағдыларын меңгереді.

  Оқу жылы - 4
  Семестр - 1
  Несиелер - 5
  

• Зерттеулер, даму және инновациялар

  Болашақ педагогтар мұғалім ретіндегі жұмысының ғылыми дәлелді дамуы туралы білу үшін шағын зерттеу жобасын әзірлейді. Олар өздерінің зерттеу тақырыбын/сұрақтарын анықтайды, әдебиеттерге шолу жасайды және зерттеу этикасын қоса алғанда, деректерді жинау және талдау әдіснамасын әзірлейді. Курсты аяқтағаннан кейін болашақ педагогтар этикалық жүргізілген зерттеулер және әзірлемелердің негізінде педагогикалық іс-әрекетін дамытып, жаңарта алады, сонымен қатар зерттеу жобаларын жүзеге асыра алады немесе оларға қатыса алады. Сондай-ақ олар өздерінің зерттеулері мен әзірлемелерінің нәтижелерін әртүрлі кәсіби тәсілдермен және арналармен ұсына алады.

  Оқу жылы - 4
  Семестр - 1
  Несиелер - 5
  

• Мектепке дейінгі білім берудегі педагогикалық зерттеу этикасы

  Курсты меңгерген болашақ педагогтар мектепке дейінгі білім беруде зерттеу әдістері мен құралдарын дұрыс таңдау және этикалық қолдану бойынша ұсыныстар бере алады.

  Оқу жылы - 4
  Семестр - 2
  Несиелер - 5
  

• Мектепке дейінгі білім беру сапасын кешенді бағалау құралдары

  Болашақ педагогтар мектепке дейінгі ұйымның тұрақты дамуы мүддесінде мектепке дейінгі білім беру сапасын кешенді бағалау құралдарын, оның ішінде «Ерте балалық шақтағы қоршаған ортаны бағалау шәкілін» - ECERS пайдалана отырып, мектепке дейінгі білім беру ұйымдарында сапаны өзін-өзі бағалау бойынша деректерді жинай алады.

  Оқу жылы - 4
  Семестр - 2
  Несиелер - 5
  

• Мектепке дейінгі білім берудегі кәсіпкерлік әрекет

  Болашақ педагогтар жоғары сапалы мектепке дейінгі білім берудің қолжетімділігі мен өзгермелілігін қамтамасыз ету және баланың дене, шығармашылық және зияткерлік қабілеттерін дамыту бойынша ата-аналардың қажеттіліктерін қанағаттандыру үшін әртүрлі сипаттағы қосымша білім беру қызметтерін көрсету мақсатында қажетті білім мен дағдыларды алады.

  Оқу жылы - 4
  Семестр - 2
  Несиелер - 5
  

• Мектепке дейінгі білім берудегі көшбасшылық

  Курс болашақ педагогтар арасында көшбасшылық қасиеттерді қалыптастыруға және көшбасшылық әлеуетті дамытуға бағытталған. Алынған құзыреттер болашақ педагогтарге көшбасшының стратегиясын саналы түрде таңдауға және кәсіби қызметінде көшбасшылықтың жеке стилін дамытуға мүмкіндік береді.

  Оқу жылы - 4
  Семестр - 2
  Несиелер - 5
  

Профессии

Оқыту нәтижелері

• Қазақстандық қоғамның әлеуметтік, іскерлік, мәдени, құқықтық және этикалық стандарттарына сәйкес дүниетанымдық, тарихи және адамгершілікте даму үшін пәнаралық білім мен тәжірибені қолданады
• Тұлғааралық, әлеуметтік, кәсіби және ғылыми-зерттеу іс-әрекеті деңгейінде қазақ, орыс және шет тілдерінде ауызша және жазбаша түрде конструктивті қарым-қатынас жасауға және өзара әрекеттесуге қабілетті болады
• Жұмыс ортасын ұйымдастыра алады, саналы түрде халықаралық және ұлттық құжаттарға, ұлттық білім беру жүйесінің қағидаларына, заңдарына және ережелеріне сәйкес өз ұйымының қызметімен және көпсалалы ынтымақтастықпен өзара байланыста жұмыс жасауға қабілетті болады
• Кәсіби дамуға және өмір бойы білім алуға; өз құндылықтарын, көзқарастарын, этикалық принциптерін, жұмыс әдістерін көрсетуге, ойластыруға және сыни тұрғыдан бағалауға, сондай-ақ тұрақты даму мүддесінде мектепке дейінгі білім беруді, өз ұйымының және кәсіби әл-ауқатының дамуын жетілдірудің жаңа мақсаттарын қоюға қабілетті болады.
• Педагогика мен психологиядан алған білімдерін тұлғалық-бағдарлы, құзыреттілік, инклюзивті тәсілдер қағидаттарын ескере отырып, мектеп жасына дейінгі балаларды тәрбиелеу, дамыту, өмірі мен іс-әрекетін ұйымдастыру үшін қолдана алады
• Барлық балалар, соның ішінде ерекше білім беру қажеттіліктері бар балалар үшін қауіпсіз, кедергісіз заттық-кеңістіктік ортаны жобалауға қабілетті болады
• Мектепке дейінгі ұйымдағы оқу-тәрбие үдерісін ұйымдастыру және басқару дағдыларын, мектепке дейінгі тәрбиені дамытудағы менеджмент негіздері мен кәсіпкерлік дағдыларды меңгеріп ие болады
• Мектепке дейінгі ұйымдағы оқу-тәрбие үдерісін жақсарту үшін мониторингті жүргізіп, нәтижелерін талдауға қабілетті болады
• Сандық, инновациялық озық тәжірибелер мен мектепке дейінгі білім беру технологияларын қоса алғанда, әртүрлі ресурстарды пайдалана отырып, балалардың ұйымдастырылған іс-әрекетін жүзеге асыруға, бағалауға және дамытуға қабілетті болады
• Ерте және мектеп жасына дейінгі балалардың іс-әрекетін ұйымдастыру туралы негізгі білімдері мен түсініктерін қолданады және олардың өмірлік мазмұнын ескере отырып, олардың психологиялық әл-ауқатына этикалық қолдау көрсете алады
• Педагогикалық әдеп нормалары мен академиялық адалдық принциптерін сақтай отырып, жергілікті, облыстық, республикалық немесе халықаралық деңгейде мектепке дейінгі білім беру саласында ғылыми-зерттеу жұмыстарын өз бетінше және ұжымда жүргізуге қабілетті болады
• Ата-аналармен және педагогикалық қауымдастықпен ынтымақтастықта бірлесіп жасалатын жұмыс аясында жағымды ортаны құру үшін эмоционалдық интеллект пен көшбасшылық дағдыларды дамытуға қабілетті болады

Ұқсас БББ