6B01505 Биология в Ы.Алтынсарин атындағы АПИ

Пәндер

• Өсімдіктер биологиясы

  Ұсынылған курс өсімдіктердің құрылысы, тіршілік әрекеттері мен жүйеленуі туралы негізгі биологиялық түсініктерді меңгереді. Тірі ағзаларды патшалықтарға, бөлімдерге, кластарға жіктеуді үйренеді. Фотосинтез, тыныс алу, газ алмасу, булану, өсу сияқты физиологиялық процестердің мәнін түсінеді. Микроскоппен жұмыс істеу, өсімдіктердің анатомиялық құрылымын бақылау. Жапырақ, сабақ, тамыр құрылысына зертханалық талдау жасау. Жылдық сақинаны санау арқылы ағаштың жасын анықтай алу. Өсімдіктердің табиғаттағы және адам өміріндегі рөлін түсіну. Биологиялық әртүрлілікті сақтау мен қоршаған ортаны қорғау мәселелеріне жауапкершілікпен қарау

  Оқу жылы - 1
  Семестр - 1
  Несиелер - 14
  

• Балалардың жас және физиологиялық даму ерекшеліктері

  Болашақ мұғалімдер психиканың қалыптасуымен, оның қызметімен және даму заңдылықтарымен танысады. Болашақ мұғалімдер білім алушылардың даумын бақылай алады және соған сай жас ерекшеліктеріне сәйкес оқу үрдістерін жоспарлап, жүзеге асыра алады және білім алушылардың жеке қажеттіліктерін ескере алады. Болашақ мұғалімдер әр түрлі жағдайларда шығармашылық тұрғыда және жағдаятқа сай әрекет ете алады және жалпы білім беру мен білім алушылардың игілігін сақтай алады.

  Оқу жылы - 1
  Семестр - 2
  Несиелер - 3
  

• Жануарлар биологиясы

  Бұл курс жануарлардың құрылымын, тіршілік әрекетін, олардың қоныстану заңдылықтарын және қоршаған ортамен байланысын зерттеуге бағытталған. Студенттер эволюциялық процестерді, жануарлар әлемінің даму кезеңдерін сыни тұрғыдан сипаттайды, микроскоп арқылы жануарлардың сыртқы жамылғысы мен ішкі мүшелерінің құрылымындағы ерекшеліктерді жүйелі түрде зерттейді. Сонымен қатар, студенттер жануарлардың даму процестері мен тіршілік циклінің сипаттамаларын талдайды, табиғи қауымдастықтағы жануарлардың рөлін анықтайды.

  Оқу жылы - 1
  Семестр - 2
  Несиелер - 6
  

• Білім берудегі психология және өзара әрекеттесу мен коммуникация тұжырымдамалары

  Болашақ мұғалімдер заманауи психологиялық теориялар мен үлгілер, сондай-ақ тұлғаның қызметі және оның жеке қасиеттері туралы білімге ие. Олар бұл білімді әртүрлі білім беру мән мәтінінде мұғалімдік қызметінде қолдана алады. Болашақ мұғалімдер білім беру үрдісінде диалогты, өзара әрекеттесу мен коммуникацияны дамыта отырып, білім алушылардың қолайлы дамуына ықпал етеді. Олар білім алушылардың отбасыларымен, сондай-ақ серіктестіктің басқа да түрлері шеңберінде қарым-қатынас жасауға, өзара әрекеттесуге және ынтымақтасуға және өздерінің педагогикалық қызметін дамытуға қолайлы жаңа өзара байланыстар жасауға қабілетті.

  Оқу жылы - 2
  Семестр - 1
  Несиелер - 3
  

• Білім беру жүйесіндегі жасанды интеллект

  Білім алушылар білім беру процесінде жасанды интеллект пен нейрожелілерді қолданудың негіздерін біледі; нейрондық желілердің принциптерін, олардың архитектурасын, алгоритмдері мен ассоциативті жад желілерін түсінеді; ЖИ тілдік моделдерін тиімді промпттар арқылы басқарады; білім беру деректерін визуализациялайды және талдайды; ЖИ көмегімен геймификация әдістерін қолданады; қолданбалы мәселелерді шешуде ойлау процестерін модельдеу мен нейрожелілерді қолданудың практикалық аспектілерін зерттейді.

  Оқу жылы - 2
  Семестр - 1
  Несиелер - 3
  

• Биологиядан сыныптан тыс жұмыстар

  Бұл курс биологиядан сыныптан тыс жұмыстарды ұйымдастырады. Сыныптан тыс жұмыстардың түрлері, және әдістерін, биологиядан жүргізілетін сыныптан тыс жұмыстар: көпшілік, топтық және жеке жұмыстарды сипаттайды. Биологиядан сыныптан тыс жұмыстарды ұйымдастыру дағдысын қалыптастыруды үйретіп, студенттердің шығармашылық жұмыстарың дамыту және болашақта қолдана алуын қарастырады.

  Оқу жылы - 2
  Семестр - 1
  Несиелер - 9
  

• Генетика және селекция негіздері

  Пән генетикалық өзгергіштікті түсініп, вариациялық қатар мен қисық арқылы белгілердің таралуын сипаттай алады. Цитологиялық негіздерге сүйене отырып, тұқым қуалау процесін түсіндіреді. Жынысқа тіркес тұқым қуалауды, аллельді және аллельді емес гендердің өзара әрекетін талдайды. Көпаллельділік, комплиментарлық, полимерия секілді күрделі тұқым қуалау түрлерін түсінеді. Генетикалық мутациялардың түрлерін ажыратады. Модификациялық өзгергіштікті зерттеу үшін вариациялық қатар мен қисық құра алады. Есептер шығару арқылы генотип пен фенотипті, тұқым қуалау ықтималдығын анықтап, селекция әдістерін талдап, ауыл шаруашылығында қолдану жолдарын түсінеді

  Оқу жылы - 2
  Семестр - 1
  Несиелер - 9
  

• Білім беру туралы ғылым және оқытудың негізгі теориялары

  Болашақ мұғалімдер орта білім беру жүйесінде педагогикалық қызметті тиімді жүзеге асыру үшін қажетті негізгі оқыту теорияларын, білім беру тұжырымдамаларын және заманауи оқыту технологияларын меңгерген. Болашақ мұғалімдер педагогикалық ғылымның негіздерін, адамның табиғаты туралы тұжырымдамалық көзқарастарды қарастырады. Оқытудың теориялары мен педагогикалық модельдерді зерттейді. Теориялық тұжырымдамаларды түсіну негізінде болашақ мұғалімдер әртүрлі оқу жағдайларына сәйкес педагогикалық таңдау жасай алады. Мұғалімнің кәсіби қызметіндегі оқыту технологиялары ,білім беру технологияларының түрлері (дәстүрлі, инновациялық, цифрлық) меңгереді.

  Оқу жылы - 2
  Семестр - 1
  Несиелер - 4
  

• Экология және тіршілік қауіпсіздігі негіздері

  «Экология және тіршілік қауіпсіздігі негіздері» пәні тірі ағзалар мен экожүйелердің ұйымдасу деңгейлері мен қызмет етуінің негізгі заңдылықтарын, олардың тұрақтылығын, биосфера құрамдастарының өзара әрекеттесуін және табиғатты пайдаланудың артуы жағдайындағы адам әрекетінің экологиялық салдарын қарастырады. Пәнде әлем елдерінде және Қазақстан Республикасында тұрақты дамудың қазіргі заманғы тұжырымдамалары, стратегиялары мен практикалық мақсаттары қаралады. Сонымен қатар, тіршілік қауіпсіздігінің негізгі қағидалары, тәуекелдер мен төтенше жағдайлар, оларды талдау мен басқару жолдары зерттеледі. Қазіргі қоғамдағы әлеуметтік, діни, саяси және экономикалық тұрақсыздық факторлары, күнделікті өмірдегі қауіптер, сондай-ақ қауіпсіздік мекемелерінің қызметі мен оны құқықтық реттеу мәселелері қамтылады. Пән студенттерге экологиялық ойлау, қауіпсіздік мәдениетін қалыптастыру және жаһандық тұрақты даму мақсаттарына сай әрекет ету қабілеттерін дамытуға бағытталған.

  Оқу жылы - 2
  Семестр - 2
  Несиелер - 5
  

• Ғылыми зерттеу әдістері

  Зерттеу тәсілдері. Индуктивті және дедуктивті әдістер. Сапалық, сандық, аралас зерттеу әдістері. Бастапқы және қосымша зерттеулер. Action research. Зерттеудің дизайны – сипаттамалық, корреляциялық, эксперименттік, квазиэксперименттік, көлденең қималық, бойлық, case study, этнографиялық, ізденімпаздық, түсіндірмелі. Айнымалылар мен гипотезалар. Зерттеудің сенімділігі мен негізділігі. Орындалу және қайталану. Кездейсоқ және жүйелі қате. Триангуляция. Іріктеу. Іріктеуді қалыптастыруға қосу және алып тастау критерийлері. Іріктеу әдістері. Мәліметтерді жинау – сауалнамалар, сұхбаттар, тәжірибелер, бақылау зерттеулері, жүйелі шолу. Мәліметтерді тексеру. Сұхбаттың транскрипциясы. Мәліметтерді талдау – статистикалық талдау, мазмұнды талдау, дискурс-талдау, тақырыптық талдау, мәтінді талдау. Зерттеу этикасы. Алқалық рецензиялау.

  Оқу жылы - 2
  Семестр - 2
  Несиелер - 5
  

• Биологиялық экология және көптүрлілік

  Курс тірі ағзалардың әртүрлілігі мен жер бетінде тіршіліктің қалыптасу кезеңдерін анықтайды. Филогенетикалық шежіре ағашын, кладограммаларды және әмбебап жалпы ата текті анықтап, модельдеу арқылы тірі ағзалардың эволюциялық байланысын құрастырады. Кладограмма мен филогенетикалық ағаштың құрылымдық ерекшеліктері мен айырмашылықтарын салыстыра отырып, олардың әрқайсысының эволюциялық процестегі орнын сипаттайды. Филогенетикалық диаграммалардың әртүрлі формаларын талдап, олар арқылы тіршіліктің қалыптасу кезеңдері мен ағзалардың туыстық байланыстары туралы ғылыми қорытынды жасайды.

  Оқу жылы - 2
  Семестр - 2
  Несиелер - 5
  

• Кәсіпкерлік негіздері және қаржылық сауаттылық

  Курс студенттердің бизнесті жүргізу, қаржыны басқару және ұтымды экономикалық шешімдер қабылдау дағдыларын дамытады, бұл олардың нақты экономикалық ортаға сәтті бейімделуіне ықпал етеді. Бұл пән студенттердің кәсіпкерлік саласындағы білімдері мен дағдыларын, экономика негіздерін, қаржы менеджментін және негізделген қаржылық шешімдерді қабылдауға бағытталған. Курс барысында студенттер қаржылық жоспарлау және бюджеттеу мәселелерін талдайды. Олар жеке қаржыны басқару және отбасылық бюджетті ұстау дағдыларын меңгереді.

  Оқу жылы - 2
  Семестр - 2
  Несиелер - 5
  

• Сыбайлас жемқорлыққа қарсы мәдениеттің негіздері

  Пән сыбайлас жемқорлыққа қарсы мәдениетті қалыптастыру мәселелерін тарихи және қазіргі контексте қарастырады. Сыбайлас жемқорлықтың әмбебап мәнін, шығу сипатын, себептерін ашумен қатар, Қазақстан Республикасындағы сыбайлас жемқорлыққа қарсы күрестің әлеуметтік-экономикалық, құқықтық, мәдени, моральдық-этикалық аспектілері де талданады. Курс азаматтарды құқықтық тәрбиелеу мәселелерін, сыбайлас жемқорлыққа қарсы бақылау және ашықтық институттарын қалыптастыру үдерісін қарастырады. Курстың мақсаты – студенттердің сыбайлас жемқорлыққа қарсы санасын және құқықтық құндылықтарды дамыту.

  Оқу жылы - 2
  Семестр - 2
  Несиелер - 5
  

• Эволюциялық даму және селекция негіздері

  Бұл курс тұқымқуалайтын өзгергіштіктің түрлерін сипаттап, олардың эволюциядағы рөлін түсіндіре алады. Табиғи сұрыпталу, тіршілік үшін күрес, гендер дрейфі және популяциялық толқындар секілді негізгі эволюциялық факторлардың ағза эволюциясына әсерін талдайды Эволюцияның палеонтологиялық, салыстырмалы анатомиялық, эмбриологиялық және генетикалық дәлелдерін келтіріп, оларды ғылыми тұрғыда түсіндіре алады. Антропогенез үдерісін, оның кезеңдерін сипаттап, адамзаттың биологиялық дамуындағы ерекшеліктерді саралай алады Селекция әдістерін ауыл шаруашылығы үшін тиімді қолтұқымдар мен сорттар шығаруда қолдана алады.

  Оқу жылы - 2
  Семестр - 2
  Несиелер - 7
  

• Адам анатомиясы және физиологиясы негіздері

  Курс адам анатомиясы мен тірі организмдердің тіршілік әрекетінің физиологиялық механизмдерін зерттеуге бағытталған. Студенттер адам ағзасының мүшелері мен жүйелерінің құрылымын сипаттайды, жеке органдардың құрылымы мен олардың функцияларын орындау арасындағы байланысты талқылайды, ішкі ортаның тұрақтылығын сақтау механизмдерін және нейрогуморальды реттеуді, тірі организмдердің анаэробты және аэробты тыныс алу, заттардың тасымалдану, бөліп шығару мен қоректену процестерін салыстырады. Курстың практикалық бағыттылығы сыртқы және ішкі факторлардың адам ағзасы, жануарлар мен өсімдіктердің тіршілік процестеріне әсерін зерделеуде зерттеушілік дағдыларын дамытуға бағытталған.

  Оқу жылы - 2
  Семестр - 2
  Несиелер - 9
  

• Эволюциялық ілім

  Берілген курс эволюциялық теория туралы заманауи идеяларды меңгеруді қамтиды. Курс барысында студенттер организмдер эволюциясының себептері мен қозғаушы күштерін сыни тұрғыдан бағалайды және организмдердің тіршілік ету жағдайына бейімделу механизмдерін сипаттайды. Сонымен бірге, студенттер эволюциялық прогреске, тіршілік иелері ұйымдасуының күрделенуіне және жетілуіне әкелетін факторларды қисынды түрде ашады, филогенетикалық карталар жасайды және тірі организмдерді жіктеуге көмектесетін әртүрлі тәсілдерді салыстырады, Жерде тіршіліктің қалыптасу кезеңдерін сипаттайды.

  Оқу жылы - 2
  Семестр - 2
  Несиелер - 7
  

• Бағалау және дамыту

  Болашақ мұғалімдер оқу үдерісінде бағалаудың мәнін терең түсінеді және оқу үдерісінің әртүрлі кезеңдерінде этикалық түрде конструктивті бағалауды қамтамасыз ете алады және білім алушыларды бағалауға тарта алады. Болашақ мұғалімдер бағалаудың әртүрлі технологияларын, принциптерін, кезеңдерін, өз білім саласын бағалау құралдарын (қалыптастырушы және жиынтық бағалауды, өзін-өзі бағалауды, өзара бағалауды және т.б. қоса алғанда) анықтайды, саралайды және пайдаланады. Олар бағалауға қатысты өздерінің түсініктері мен тәжірибелерін сыни тұрғыдан бағалауға, талдауға және оларды әрі қарай дамытуға қабілетті. Құзыреттілікті меңгерген болашақ мұғалімдер: • бағалау мен кері байланыстың әртүрлі әдістерін (мысалы, қалыптастырушы және қорытынды бағалау) жақсы біледі • білім алушылардың білім беру құзыреттілігінің деңгейлерін анықтау мен тануда педагогикалық принциптерді қолданады • білім алушылардың және әріптестерінің өзін-өзі бағалау және өзара бағалау дағдыларын дамыту жүйесін мойындайды және қолдана алады.

  Оқу жылы - 3
  Семестр - 1
  Несиелер - 4
  

• Білім берудегі жаңа технологиялар

  Ұсынылып отырған курс орта білім беру мазмұнын жаңарту қағидаттарын, оқыту мен оқудың тиімді әдістерін және критериалды бағалау технологияларын қамтиды. Студенттер білім берудегі көшбасшылықтың рөлін, мұғалімнің оқытуды басқарудағы ұстанымы мен құзіреттіліктерін анықтайды. Диалогтық оқыту, дарынды және талантты балаларды оқыту, сыни тұрғыдан ойлау, цифрлық технологияларды қолдану қағидаттарына негізделген заманауи стратегияларды сыни тұрғыдан талдайды. Курс студенттерге STEM-және Smart-білім беруді тиімді пайдалануға мүмкіндік беріп, жасанды интеллект жүйелер тетіктері мен қосымшаларын зерттеп, әзірлейді.

  Оқу жылы - 3
  Семестр - 1
  Несиелер - 6
  

• Инклюзивті білім беру ортасы

  Бұл курста болашақ мұғалімдер оқу процесінде оқушылардың әртүрлілігін түсінеді және оларды оқу жағдайында ескереді. Болашақ мұғалімдер тиісті ақпараттық-коммуникациялық технологияны, оқу және ассистивті технологияларды қолдана отырып, ерекше білім беру қажеттіліктері бар оқушыларға білім беруге қолдау көрсетуді үйренеді. Сондай-ақ ерекше білім беру қажеттіліктері бар оқушылардың психологиялық және этикалық әл-ауқатын қолдау үшін қауымдастықтармен (мұғалімдер, оқушылар, ата-аналар/қамқоршылар) ынтымақтасады. Курс болашақ мұғалімдерді инклюзивті білім беруде ерекше білім беру қажеттіліктері бар бар білім алушылардың қажеттіліктерін қанағаттандыруды қамтамасыз етуге бағытталған қажетті кәсіби құзыреттермен қамтамасыз етеді.

  Оқу жылы - 3
  Семестр - 1
  Несиелер - 4
  

• Педагогикалық зерттеулер және инновация

  Болашақ мұғалімдер зерттеулерге негізделген жаңа білім алады, мұғалімнің білімі мен кәсібін жетілдіру мақсатында оқытудың инновациялық тәсілдерін игереді, сондай-ақ білім алушыларды оқыту мен басқарудың әртүрлі салаларында этикалық тұрғыдан практикалық зерттеулер жүргізеді. Мұнда инновациялық тәсілдер ұғымы жаңашыл, тиімді және шығармашылық негіздегі әдістер мен технологияларды оқыту процесіне енгізу арқылы білім беру жүйесін заманауи талаптарға сәйкестендіруге бағытталған шешімдерді білдіреді. Бұл ұғым оқытудың дәстүрлі модельдерінен ерекшеленіп, тәжірибеге негізделген, эксперименттік және сындарлы ойлау әдістерін қолдану арқылы педагогикалық ортада өзгерістер мен жаңалықтарды енгізуді көздейді. Курс студенттерді мұғалімнің кәсіби дамуының маңызды құралы ретінде педагогикалық зерттеулердің негіздерімен таныстырады. Оған педагогикалық зерттеудің негізгі әдістері – сандық, сапалық және аралас тәсілдер, сонымен қатар білім беру саласындағы ғылыми зерттеудің негізгі кезеңдері (мәселені тұжырымдаудан нәтижелерді талдауға дейін) кіреді. Сонымен қатар, курс заманауи зерттеу тәсілдеріне (Lesson study, Action research, Case study, Mixed methods research) назар аударады. Ғылыми әдебиеттерді сыни тұрғыдан талдауға, зерттеу сұрақтарын нақты тұжырымдауға, деректерді жинау мен талдау үшін ең қолайлы әдістерді таңдауға, сондай-ақ зерттеу қызметіндегі этикалық принциптерді сақтауға ерекше мән беріледі.

  Оқу жылы - 3
  Семестр - 1
  Несиелер - 5
  

• Биологияны оқыту әдістемесі

  Курс орта білім берудің жаңартылған мазмұны шеңберінде биологияны оқыту мен тәрбиелеудің маңызды мәселелерін игеруге бағытталған. Курс барысында студенттер оқу үдерісінің ұйымдастыру формаларын, сабақ өткізудің заманауи әдістері мен әдістемелерін сыни тұрғыдан машықтанады (сыни тұрғыдан ойлау, критериалды бағалау, кіріктірілген оқыту, CLIL-технологиялар және басқалар), оқу-бағдарламалық құжаттаманы қисынды түрде ажыратады. Сонымен қатар, курс оқу және сыныптан тыссабақтарды, экскурсияларды өз бетінше жүргізу және талдау, цифрлық технологиялар мен дидактиканы қолдану бойынша практикалық дағдылардың қалыптастыруға алып келеді.

  Оқу жылы - 3
  Семестр - 1
  Несиелер - 6
  

• Тіршіліктің химиялық негіздері

  Курс студенттерде жасушаның негізгі химиялық компоненттері, ферментативті катализдің, метаболизмнің молекулалық негіздері, биомолекулалардың маңызды түрлер құрылымы мен қасиеттерінің олардың биологиялық қызметтеріне байланыстылығын қарастыратын мәселелердің қазіргі жағдайы туралы дұрыс түсініктерін дамытуға бағытталған. Сонымен қатар, студенттер тіршіліктің молекулалық негіздерін - тұқым қуалаушылық, иммунитет, нейроэндокриндік реттеу және фоторецепция мәселелерін, тіршіліктің пайда болуы мен мәнінің заманауи түсініктерін зерттеуді өз бетінше жүзеге асырады. Курс ғылыми көзқарасты дамытуға және биотрансформацияның химиялық құбылыстарынтануға ықпал етеді.

  Оқу жылы - 3
  Семестр - 2
  Несиелер - 7
  

• Ғылыми-зерттеу жұмысын ұйымдастыру және академиялық жазылым

  Ұсынылып отырған курс студенттердің зерттеу құзіреттілігі мен академиялық сауаттылығын дамытуға бағытталған. Курс студенттерге сапалық және сандық әдістерді қолдана отырып, ғылыми зерттеулерді, оның ішінде білім беру саласындағы зерттеулерді сауатты жүргізуге, ғылыми зерттеу этикасына сәйкес жоба жазуға мүмкіндік береді. Мәліметтерді өңдеу мен талдауды жүзеге асырудың практикалық дағдылары студенттерге зерттеу нәтижелерін әртүрлі академиялық формада (мақала, тезис, эссе және т.б.) білім беру ортасындағы тілдерді сауатты қолдана отырып ұсыну үшін пайдалы. Сонымен қатар, студенттерге іс-әрекеттегі зерттеулер мен жағдайлық зерттеулерді қисынды жүргізуге мүмкіндік беріледі.

  Оқу жылы - 3
  Семестр - 2
  Несиелер - 5
  

• Биохимия

  Бұл курста тірі организмдердің химиялық құрамын, сонымен қатар олардың тіршілігінің негізінде жатқан химиялық процестер зерттеледі. Студенттер тірі организмдегі зат алмасуды және жасуша органеллаларының биохимиялық қызметін қисынды түрде сипаттайды, қоректік заттардың өзгеру (трансформация) жолдарын анықтайды. Сонымен қатар, студенттер адамдағы, жануарлардағы және өсімдіктердегі биохимиялық реакциялардың жүру ерекшеліктеріне, мысалы, тіршілік үшін маңызды қосылыстардың биосинтезіне тәжірибе жасайды, көмірсулардың, майлардың, белоктардың және нуклеин қышқылдарының химиялық құрылымын, қасиеттері мен қызметтерін зерттейді.

  Оқу жылы - 3
  Семестр - 2
  Несиелер - 7
  

• Инклюзивті ортада биологияны оқытуды ұйымдастыру

  Білім алушы ерекше білім беруді қажет ететін оқушылармен жұмыс істеу үшін қажетті білім мен дағдыларды қалыптастырады. Курс барысында оқу бағдарламасын бейімдеу, сараланған тапсырмалар беру, қолжетімді тәжірибелер ұйымдастыру әдістері, визуалды құралдар қолдану, оқушылардың жеке ерекшеліктеріне сай оқыту әдістерін меңгереді. Иклюзивті сыныпта биология пәнін кәсіби әрі тиімді оқытуға дағдыланады.

  Оқу жылы - 3
  Семестр - 2
  Несиелер - 5
  

• Молекулалық биология

  Курс судың тірі ағзалар үшін маңызын сипаттап, оның Жердегі тіршілік үшін атқаратын негізгі қызметтерін анықтайды. Антиденелердің құрылысын, құрамын және олардың биохимиялық ерекшеліктерін анықтап, сызба немесе модель арқылы көрсете алады. Антиген мен антидененің әрекеттесу механизмін талдап, олардың иммундық жауаптағы рөлін түсіндіреді және мысал келтіреді.

  Оқу жылы - 3
  Семестр - 2
  Несиелер - 6
  

• Биомолекулалық механизимдер

  Ұсынылып отырған пән тұқым қуалау ақпараттының жүзеге асырылуының биомолекулярлық механизмдерін, сонымен қатар жасушалардың құрылымы мен қызметтерінің молекулалық негіздерін, өсу, даму, бөліну, ісіктің трансформациясы және жасуша өлімін зерттеуді қамтиды. Курсты меңгеру жасушаның құрылымы мен қызметінің молекулалық негіздерін, қалыпты тіршілік процестерін және көптеген аурулардың пайда болуына әкелетін түсінуге қажетті гендердің экспрессиясын талдауға негіз жасайды. Молекулалық және генетикалық әдістерді қолдану дағдылары ғылыми-зерттеу жұмыстарын жүргізу үшін пайдалы.

  Оқу жылы - 3
  Семестр - 2
  Несиелер - 6
  

• Биогеография

  Курс аясында студенттер қауымдастықтар құрылымының және жер бетіндегі өсімдіктер мен жануарлар аймақтарының кеңістіктік құрылымы мен динамикасының маңызды заңдылықтарын зерттейді. Студенттер өсімдіктер мен жануарлар топтарын жүйелейді, тірі организмдердің географиялық таралуы мен экологиялық маңыздылығын сыни бағалайды және оларды сипаттайды. Курс студенттерде зоогеографиялық және фитогеографиялық аудандастыру бойынша өз бетінше жұмыстар жүргізу үшін қажетті құзыреттіліктерді қалыптастыруға мүмкіндік береді.

  Оқу жылы - 4
  Семестр - 2
  Несиелер - 7
  

• Биологиялық эксперименттер жүргізу және есептер шығару әдістемесі

  Курс зерттеудің статистикалық және балама әдістерін қолдана отырып, биологиялық тәжірибе жүргізу ережелеріне сәйкес мектептегі биологиялық тәжірибені қою және молекулалық-генетикалық есептерді шешудің практикалық дағдыларын қалыптастыруға бағытталған. Сонымен қатар, студенттер биологиялық экспериментті жүзеге асыру процесін қисынды түрде ұйымдастырады, табиғи нысандарды анықтайды, биологиялық құбылыстарды бақылайды, тіркейді және тәжірибеден өткізеді. Курс биометриялық деректермен жұмыс істеу, нәтижелерді талдау және графикалық өңдеу дағдылары мен икемділіктерін жетілдіруге ықпал етеді.

  Оқу жылы - 4
  Семестр - 2
  Несиелер - 6
  

• Микробиология және биотехнология

  Курс микроағзалардың қолданылу салаларын анықтайды. Микроағзаларды қолданудың артықшылықтары мен кемшіліктерін талдайды. Полимеразды тізбекті реакцияның (ПТР) жұмыс принципін түсініп, гендік инженерия процесінің кезеңдерін меңгершп, Гендік инженерияның ғылым мен қоғамдағы орнын сипаттай алады. Гендік модификацияланған ағзаларды (ГМА) қолданудың оң және теріс тұстарын салыстырады. ГМА-ға қатысты этикалық мәселелерге сыни көзқараспен баға бере алады. Ғылыми-техникалық жаңалықтардың әлеуметтік және этикалық салдарын талдай алады.

  Оқу жылы - 4
  Семестр - 2
  Несиелер - 8
  

• Биомедицина және биоинформатиканы оқыту әдістемесі

  Курста биомеханика мен робототехниканың байланысын түсінеді: экзоқаңқалар мен медициналық роботтардың құрылымдық негізін анықтайды. Инженерлік және медициналық биомеханиканың негізгі ұстанымдарын меңгереді. Жүрек автоматиясы мен жиырылғыштығының физиологиялық механизмдерін түсіндіре алады. Электрокардиографияның (ЭКГ) принциптерін және оның диагностикалық маңызын біледі. Жүрек бұлшықеттерінің жиырылғыштығын сипаттайтын биофизикалық көрсеткіштерді есептей алады.

  Оқу жылы - 4
  Семестр - 2
  Несиелер - 6
  

• Биологиядан практикалық-зерттеушілік дағдыларды дамыту әдістемесі

  Бұл курс биология бойынша студенттердің ғылыми-зерттеу құзыреттілігін дамытуға арналған. Курс студенттердің ғылыми дүниетанымын және жаратылыстану-ғылыми ойлауын қалыптастыру мен дамытуға, оқушыларды зияткерлік-шығармашылық қызметке тарту тәсілдерін, оқушылардың шығармашылық идеяларын ұсыну және іске асыру әдістерін игеруге ықпал етеді. Студенттер сандық және сапалық зерттеу әдістерін қисынды қолдана отырып, биология бойынша ғылыми жұмыстар мен жобалар жасайды, ал курс соңында студенттер ғылыми жобаларды талаптарға сәйкес дайындайды және ұсынады.

  Оқу жылы - 4
  Семестр - 2
  Несиелер - 6
  

• Биологияны оқытудағы кибер-технологиялар

  Курс тиімді оқыту мен оқу үшін сандық әдіснамаларды шығармашылық тұрғыдан дайындауға және қолдануға бағытталған. Студенттер оқу, оқыту және бағалау үшін сандық платформалар мен құралдарды (Quizizz, PadLet, Google.classroom, AR-books) қолдануға машықтанады, сонымен қатар, "face-to-face", "blended" және "online" оқыту стратегияларын сауатты ұштастырады, төрт кезеңді процеске (жобалау/салуқұрастыру/оқу/қайта қарау) сәйкес онлайн-курстың мазмұнын ұйымдастырады, құрылымын жобалайды және әзірлейді. Курс студенттерге қолайлы және қауіпсіз оқу ортасын жасау үшін онлайн-студенттердің табиғаты туралы түсінік алуға мүмкіндік береді.

  Оқу жылы - 4
  Семестр - 2
  Несиелер - 5
  

• Биомеханика және компьютерлік биология

  Ұсынылатын курс адам ағзасындағы биомеханикалық құбылыстарды зерттеуді және биологияда компьютерлік бағдарламалауды қолдануды қамтиды. Студенттер биологиялық құбылыстардың мәнін ашу үшін клиникалық (протездеу және т.б.) және инженерлік биомеханиканың (экзоскелет, робототехника және т.б.) маңыздылығын, спорттық биомеханиканың міндеттері мен мазмұнын, теориялық және компьютерлік биомеханиканың, және құрылымдық биоинформатиканың принциптерін бағалайды. Курс қозғалыс биомеханикасы, жүректің электрофизиологиясы сияқты биологиялық процестерді модельдеу және ДНҚ дерекқорларын құру бойынша практикалық дағдыларды дамытуға ықпал етеді.

  Оқу жылы - 4
  Семестр - 2
  Несиелер - 6
  

• Білім мен дағдыларды бағалау практикумы

  Бұл курс болашақ мұғалімдерге педагогикалық зерттеулердің теориялық негіздерін береді. Болашақ мұғалімдер түрлі сенімді көздерден теориялық білімді іздеу және сыни тұрғыдан іріктеу дағдысын меңгереді, педагогикалық ойлау мен практиканы дамытуда зерттеу нәтижелерін пайдалану дағдыларын қалыптастырады, зерттеулерге негізделген оқыту мен білім алуға, сондай-ақ осы дағдыларды үздіксіз дамытып, өздерін кәсіби тұрғыдан жетілдіруге ықпал етуге дайын болуы тиіс.

  Оқу жылы - 4
  Семестр - 2
  Несиелер - 5
  

• Әлем флорасы және фаунасы

  Ұсынылған курс әлемнің флорасы мен фаунасын барлық ұйымдасу деңгейлеріндегі тірі организмдердің және жансыз табиғаттың кешені ретінде түсінікті қалыптастыруға бағытталған. Студенттер экожүйенің абиотикалық факторлары мен биотикалық компоненттерінің байланысын зерттейді және адам қызметінің әсерінен флора мен фаунаның түрлік құрамының өзгеру себептерін сыни тұрғыдан бағалайды. Сонымен қатар, курс студенттерге планетаның тірі қабатын флористикалық және фаунистикалық тұрғыдан сипаттауға көмектеседі. Сондай-ақ, студенттер әр түрлі биоалуантүрлілігі бар барлық аймақтардың табиғи ерекшеліктерін ашады.

  Оқу жылы - 4
  Семестр - 2
  Несиелер - 7
  

Профессии

Оқыту нәтижелері

• Кәсіби ортасында биология және оған байланысты пәндерден теориялық білімі мен практикалық дағдыларын меңгергендігін көрсетеді.
• Оқу-зерттеу қызметін ұйымдастыруда зертханалық құрал-жабдықтар, қондырғылар, материалдармен жұмыс жасау дағдыларын көрсетеді, және академиялық сауатты эксперименттік және есептік мәліметтерді бағалайды
• Заманауи оқыту әдістері, критериалды бағалау технологиялары негізінде тиімді оқыту мен оқуды тәжірибеде қолданады, оқу-бағдарламалық құжаттарды ажыратады, педагогикалық іс-әрекетке рефлексиялық талдау жүргізеді, кәсіби ортада қарым-қатынасты педагогикалық сауатты жүзеге асырады
• Оқыту мен оқу процесінде, ғылыми-педагогикалық зерттеулер саласында табиғи процестерді модельдеуде цифрлық технологиялар мен дидактикалық құралдар (оның ішінде АКТ) және жасанды интеллекті пайдалана отырып жаңа жетістіктерді белсенді интерпретациялайды
• Академиялық және кәсіби мақсаттар үшін білім беру ортасындағы тілдерді қолданады, жазбаша және ауызша тілдік қарым-қатынасты басқарады
• Білім беру және тәрбиелеу үрдісіне психологиялық-педагогикалық талдау жасайды, биологияның іргелі негіздерін және оның дамуының қазіргі тенденцияларын, биологиялық жүйелердің ұлттық идеялар мен мұралар негізінде оқу-тәрбие үдерісін ұйымдастырады инклюзивті көзқарас және салауатты өмір салтын қолдауға бағдарлану қағидаттарын ескереді
• Кәсіби өсу мен өзін-өзі дамыту үшін білім беру жүйесінің дамуы мен Қазақстан Республикасының білім беру саласындағы кәсіпкерлік негіздері және қаржылық сауаттылықты және сыбайлас жемқорлыққа қарсы мәдениеттің негіздерін біледі;
• Жас ерекшеліктеріне сәйкес салауатты, қолайлы және қауіпсіз білім беру ортасын қалыптастырады, адамның қоршаған ортамен өзара әрекетін экологиялық тұрақты даму сауаттылығын бағалайды
• Эксперименталды және жобалық іс-шараларды ұйымдастыру және зерттеу, білім алушылардың ғылыми көзқарастарын қалыптастыру мен дамыту жолдарын сыни тұрғыдан талдайды

Ұқсас БББ