7M01102 Педагогикалық өлшемдер в QYZPU

Пәндер

• Бағалау әрекеттерін сүйемелдеудің ақпараттық жүйелері

  Пән білім беру жүйесіндегі бағалау әрекеттерін басқару және қолдау үшін қолданылатын ақпараттық жүйелердің құрылымы мен қызметін зерттеуге бағытталған. Магистранттар бағалау нәтижелерін жинау, өңдеу, сақтау және талдау үшін қолданылатын заманауи бағдарламалық жасақтамалармен танысады. Автоматтандырылған тестілеу жүйелерін, электрондық портфолио платформаларын және оқыту аналитикасын басқару құралдарын зерттейді. Тест тапсырмаларының сапасын бағалау және жетілдіру үшін қолданылатын қолданбалы бағдарламаларды зерттеуге бағытталған.

  Несиелер - 4
  

• Академиялық жазылым

  Пән академиялық контексте жазбаша сөйлеу дағдыларын дамытады. Пән ғылыми мәтіннің құрылымын, зерттеу және дәлелдеу әдістерін, дәйексөздер мен сілтемелер ережелерін зерттеуді қамтиды. Магистранттар ғылыми эсселерді, рецензиялар мен зерттеу мақалаларын жоспарлау, жазу және редакциялау әдістерін, академиялық этика мәселелерін және жұмысты пішімдеу ережелерін меңгереді. Тәжірибелік тапсырмалар мен кері байланыс арқылы магистранттар академиялық пікірталас аясында өз ойларын анық, логикалық және дәлелді жеткізу қабілетін дамытады. Пән зерттеу негізінде магистрант үшін қажетті академиялық жазылым қабілеттері, дағдылары мен құзыреттілігін қалыптастыруды мақсат етеді.

  Несиелер - 4
  

• Сапалық зерттеулер және деректерді талдау

  Пән білім беру зерттеулерінде қолданылатын сапалы әдістерді тереңдетіп оқытады. Магистранттар сұхбат, фокус-топтар, бақылау және құжаттарды талдау сияқты әртүрлі мәліметтер жинау әдістерімен таныстырылады. Сапалы ақпаратты жинау, жазу және талдау процесін зерттеу, нәтижелерді түсіндіру және сапалы деректерден қорытынды жасау дағдыларын дамытады. Сапалық әдістерді қолдану кезінде зерттеу нәтижелерінің негізділігі мен сенімділігін қамтамасыз ету принциптерін талдайды және меңгереді. Магистранттар сапалық тәсіл, теориялық негіз, зерттеу сұрақтарын құрастыруды үйрену дағдыларын қалыптастырады.

  Несиелер - 5
  

• Білім сапасын бағалаудағы тест теориялары мен әдістері

  Бұл пән білім алушылардың оқу жетістіктерін, құзыреттіліктерін және даму деңгейін анықтау мақсатында педагогикалық диагностикалау құралдарын (инструментарийлерін) әзірлеудің ғылыми-әдістемелік негіздерін меңгертеді. Пән мазмұны білім берудегі ішкі және сыртқы бағалау жүйелерінің ерекшеліктерін, диагностиканың түрлері мен әдістерін, сондай-ақ нақты оқу нәтижелеріне негізделген тапсырмаларды жобалау, сараптау, қолдану және талдауды қамтиды. Магистранттар диагностикалық құралдардың құрылымын, түрлерін (тест, рубрика, бақылау картасы, портфолио, өзіндік бағалау парағы және т.б.) меңгеріп, олардың сапасын анықтау әдістерін үйренеді. Сонымен қатар, қолданыстағы ұлттық (ҰБТ, ҚАЗТЕСТ, МОДБ, ҰБТ педагогтерге арналған) және халықаралық (PISA, TIMSS, PIRLS) бағалау жүйелерінің құралдарымен жұмыс істеу дағдыларын қалыптастырады.

  Несиелер - 5
  

• Жоғары мектептің педагогикасы мен психологиясы

  Пән магистранттарға жоғары мектептің педагогикасы мен психологиясы саласындағы терең білім беруге бағытталған. Оқыту барысында оқу процесін ұйымдастырудың инновациялық әдістері, білім беру бағдарламаларын жобалау, студенттердің оқу жетістіктерін бағалау тәсілдері және көшбасшылықтың психологиялық аспектілерін, оның ішінде мотивация, көшбасшылық, коммуникация және қақтығыстарды басқару мәселелерін талдайды. Магистранттар сонымен қатар педагогика саласындағы зерттеулердің принциптерімен танысып, жоғары оқу орнында табысты мансапқа қажетті кәсіби дағдыларды дамытады. Басқару саласындағы психологиялық тұжырымдамалардың білім беру мекемелеріне қолданылуын зерттейді, бұл оларды күрделі жағдайларда талдау жүргізу және шешім қабылдау дағдыларын қалыптастыруға бағыттайды.

  Несиелер - 4
  

• Әдебиеттерді талдау, білім берудегі теориялық және тұжырымдамалық негіздер

  Пәнді оқу барысында магистранттар ғылыми зерттеулерге сыни талдау жасайды, өзіндік зерттеу тәсілдерін әзірлейді және білім беру саласындағы негізгі тұжырымдамалар мен тенденцияларды түсіну үшін салыстырмалы талдау дағдыларын қолданады. Әрбір тапсырма сыни тұрғыдан ойлау және ғылыми материалдармен аналитикалық жұмыс істеу дағдыларын дамытуға бағытталған, бұл магистранттарға пән саласын тереңірек түсінуге ғана емес, сонымен қатар өздерінің ғылыми жобаларын жасауға дайындалуға көмектеседі.

  Несиелер - 4
  

• Оқыту нәтижелерін бағалау құралдарын жобалау, әзірлеу және валидациялау

  Бұл пән оқыту нәтижелеріне негізделген бағалау құралдарын жобалау, әзірлеу және олардың валидтілігі мен сенімділігін анықтау бойынша кәсіби құзыреттіліктерді қалыптастыруға бағытталған. Пәнді оқыту барысында магистранттар бағалау мақсатын анықтау, оқыту нәтижелеріне сай тапсырмалар спецификациясын құрастыру, тапсырмалар нысандары мен мазмұнын дайындау, тесттік материалдарды сараптау мен байқаудан өткізу, психометриялық сипаттамаларын талдау, валидтілік пен сенімділікті қамтамасыз ету үдерістерін меңгереді. Сондай-ақ пән қолданыстағы ұлттық және халықаралық бағалау жүйелерінің құрылымымен таныстырады (ҰБТ, МОДБ, ҚАЗТЕСТ, TIMSS, PISA, педагогтердің ұлттық біліктілік тесті және т.б.) және олардың негізінде құзыреттілікке бағытталған бағалау тапсырмаларын жобалауға үйретеді.

  Несиелер - 5
  

• Сандық зерттеулер және деректерді талдау

  Пәннің мақсаты – магистраттардың білім беру және әлеуметтік ғылымдар саласындағы сандық талдау әдістерін меңгеруге бағытталған. Магистранттар сандық зерттеу жоспарлаудың негіздерін, деректер жинау құралдарын (анкета, сауалнамалар) әзірлеу, іріктеу принциптері, сондай-ақ деректерді статистикалық өңдеу әдістерін заманауи бағдарламалық құралдарды пайдалана отырып үйренеді. Арнайы назар гипотезаларды құрастыруға, нәтижелерді түсіндіруге, статистикалық болдамдарды тексеруге және деректерді визуализациялауға бөлінеді.

  Несиелер - 5
  

• Білім берудегі диагностикалық құралдарды әзірлеу

  Пән магистранттарға білім беру үдерісінде қолданылатын диагностикалық құралдарды ғылыми-әдістемелік негізде әзірлеу, қолдану және олардың нәтижелерін сараптау арқылы білім алушылардың даму деңгейін, оқу жетістіктерін бағалауға мүмкіндік беретін құзыреттіліктерді қалыптастырады. Білім беру мақсаттарына сай бағалау құралдарының түрлерін анықтайды, тапсырмалар спецификациясын әзірлейді (блум таксономиясы, құзыреттілік деңгейі бойынша). Тест тапсырмаларын дайындайды (жабық, ашық, контекстік, практикалық сипаттағы); сараптау, байқау өткізу, валидтілік пен сенімділікті анықтайды; бағалау нәтижелерін интерпретациялау және білім сапасын арттыруға қолданады

  Несиелер - 5
  

• Білім беру ұйымдарындағы сапаны бағалаудың ішкі жүйелері

  Бұл пән білім беру ұйымдарындағы сапаны бағалау үдерістерін, оларды ішкі жүйелерде ұйымдастырудың әдіснамалық және практикалық аспектілерін зерттейді. Пәннің негізгі мақсаты – білім беру сапасын қамтамасыз ету және жетілдіру мақсатында білім беру ұйымдарында қолданылатын ішкі бағалау жүйелерінің құрылымы мен жұмыс принциптерін меңгерту. Магистранттарға ішкі сапа бағалау жүйелерін құрудың теориялық негіздері, оны іске асыру үшін қажетті әдіс-тәсілдер мен құралдар, бағалау нәтижелерін өңдеу және талдау жолдары туралы мәлімет беріледі. Бұл пән ішкі мониторингті жүзеге асырудың, оқу сапасын бақылаудың және ішкі сараптама мен кері байланысты тиімді пайдаланудың маңыздылығын түсінуге бағытталған.

  Несиелер - 4
  

• Зерттеу дизайны және этикалық нормалар

  Магистранттар зерттеу сұрақтарын құрастыруды, әдістемені таңдауды, деректерді жинау құралдарын әзірлеуді және деректерді талдау процедураларын жоспарлауды қоса алғанда, зерттеу дизайнының әртүрлі аспектілерін зерттейді. Сонымен қатар, пән деректердің құпиялылығы, зерттеуге қатысушылардың құқықтары мен әл-ауқаты сияқты білім беру зерттеулерін реттейтін этикалық нормалар мен стандарттарға баса назар аударады. Оқыту білім беру саласында жоғары сапалы және этикалық зерттеулер жүргізу үшін магистранттарға қажетті дағдыларды бере отырып, ғылыми жобаларды жобалау және жүзеге асыру үшін алынған білімді практикалық қолдануды қамтиды.

  Несиелер - 6
  

• Оқыту нәтижелерін бағалаудың заманауи құралдары

  Пән білім беру сапасын, білім беру сапасын бағалау (БСБ) жүйесін зерттейді. Білім беру сапасын бағалаудың ішкі және сыртқы жүйелерін талдай отырып, Қазақстанның ұлттық БСБ жүйесін, БСБ ішкі жүйелерін талдайды. БСБ жүйелерінің теориялық және ұйымдастырушылық негіздерін меңгереді. Білім берудегі оқыту мен бағалауды педагогикалық қызмет түрі ретінде қарастырады. Оқыту нәтижелері, оқыту нәтижелерін өлшеу түсінігін қалыптастыра отырып, тестілеуді оқу нәтижелерін бағалау әдісі ретінде қарастырады. БСБ ішкі және сыртқы жүйелеріндегі тестілеудің алатын орнын анықтайды. Орта мектептегі ішкі бағалаудың ерекшеліктерін меңгереді.

  Несиелер - 5
  

• Жоғары мектеп педагогикасын оқытудың әдіснамасы мен технологиялары

  Пән магистранттардың жоғары оқу орны жағдайында оқу процесін тиімді ұйымдастыру үшін қажетті терең білім мен дағдыларын дамытуға бағытталған. Осы пән аясында магистранттар дәстүрлі және инновациялық әдістерді қамтитын қазіргі заманғы оқыту әдістерін, соның ішінде дәрістер, семинарлар, практикалық сабақтар, жобалық оқыту, кейс-метод, ақпараттық-коммуникациялық технологиялар және жасанды интеллекті (ЖИ) қолдануды зерттейді. Сонымен қатар, белсенді оқыту әдістерін енгізуге, мәселен, проблемалық, зерттеу және қашықтан оқытуға ерекше назар аударылады. Магистранттар қазіргі заманғы оқыту әдістері мен технологияларын, білім беру процесін басқаруды, ақпараттық-коммуникациялық технологияларды және оқу жетістіктерін бағалау әдістерін қолдану дағдыларын, сондай-ақ тиімді білім беру ортасын қалыптастыруды меңгереді.

  Несиелер - 4
  

• Ұлттық емтихандар мен мониторингтерді, халықаралық салыстырмалы зерттеулерді ұйымдастыру ерекшеліктері

  Бұл пән білім беру сапасын бағалау мақсатында өткізілетін ұлттық және халықаралық деңгейдегі емтихандар мен мониторингтік зерттеулердің ұйымдастырушылық, әдіснамалық және мазмұндық ерекшеліктерін меңгертуді көздейді. Пән білім алушыларға білім сапасын халықаралық деңгейде бағалауға қажетті зерттеу әдістерін, тест тапсырмаларын әзірлеу мен бейімдеу, мәліметтерді талдау және интерпретациялау дағдыларын қалыптастыруға бағытталған. Сонымен қатар халықаралық зерттеулердің нәтижелерін ұлттық білім саясатына енгізу жолдары қарастырылады. Сыртқы бағалау рәсімдерінің логистикасын, бағалауды жүргізу үшін қажетті Персонал, объектілер мен жабдықтарды қарастырады; мектептер бойынша іріктемелерді қалыптастыру әдіснамасын, рәсімдерге қатысушыларды бақылау нысандарын, прокторингті меңгереді.

  Несиелер - 5
  

• Ғылым тарихы мен философиясы

  Ғылым тарихы мен философиясы пәні магистранттарға ғылыми әдістің дамуы жағдайында ойлау эволюциясы туралы түсінік береді. Магистранттар сыни ойлау және салыстырмалы талдау дағдыларын қолдана отырып, негізгі философиялық ұғымдарды және олардың ғылыми жаңалықтарға әсерін талдайды. Олар ғылыми парадигмаларды қалыптастырудағы идеологиялардың әсерін бағалайды, білімге әртүрлі көзқарастарды салыстыру және бағалау үшін интеллектуалды дағдыларды пайдаланады. Тарихи контексттерді талқылау және зерттеу арқылы магистранттар ақпаратты талдау және синтездеу дағдыларын, философия мен ғылымның байланысын терең түсінуді дамытады.

  Несиелер - 4
  

• Педагогикалық тестілеудің математикалық негіздері

  Педагогикалық тестілеудің математикалық негіздері пәні — педагогикалық тестілеу әдісінің ғылыми негіздері мен математикалық әдістерін зерттейтін пән. Бұл пәннің негізгі мақсаты — педагогикалық тестілеу құралдарын жасау, оларды тиімді пайдалану, сондай-ақ тестілеу нәтижелерін математикалық әдістер арқылы талдау дағдыларын дамыту болып табылады. Пән математикалық статистика, теориялық есептер мен алгоритмдер арқылы тестілеудің дәлдігін, объективтілігін және тиімділігін арттыруға мүмкіндік береді. Педагогикалық тестілеудің математикалық негіздерін түсіндіреді. Тестілеу нәтижелерін статистикалық талдау және интерпретациялау дағдыларын дамытады. Тестілеу жүйесінің тиімділігін бағалауда қолданылатын математикалық әдістерді үйретеді. Тест тапсырмаларын құрастыру және оларды сандық тұрғыдан бағалау дағдыларын қалыптастырады

  Несиелер - 5
  

• Білім сапасын бағалаудағы халықаралық салыстырмалы зерттеулер

  Бұл пән білім беру сапасын бағалау мақсатында жүзеге асырылатын қазақстандағы және шет елдердегі бағалау жүйесінің дамуының негізгі тенденцияларын, халықаралық салыстырмалы зерттеулердің (PISA, TIMSS, PIRLS, TALIS, ICILS және т.б.) мазмұнын, әдіснамасын, құрылымын және нәтижелерін қолдану мүмкіндіктерін кешенді түрде меңгертеді. Зерттеулердің ұлттық білім беру жүйесіне ықпалы, оларды ұйымдастыру және енгізу тәжірибесі, сондай-ақ алынған мәліметтерді сараптау мен интерпретациялау жолдары пән мазмұнының өзегін құрайды. Магистранттар білім беру сапасын бағалаудың халықаралық стандарттарын, зерттеу құралдарын (тест тапсырмалары, сауалнамалар), үлгілеу және статистикалық талдау әдістерін, мәдени және тілдік бейімдеу үдерістерін игереді.

  Несиелер - 4
  

• Шетел тілі (кәсіби)

  Пән супер-базалық стандарт кемінде (В1) деңгейін меңгеруді қамтамасыз етуге, магистранттардың лингвистикалық емес оқыту бағыттары бойынша мәдениетаралық және коммуникативтік құзыреттілігін қалыптастыруға бағытталған. Пән магистранттардың кәсіби қызметі аясында тілдік дағдыларын кеңейтеді және жетілдіреді. Магистратураның пәндік саласына сәйкес нақты лексиканы, терминологияны және коммуникациялық стратегияларды зерттеуді қамтиды. Магистранттар болашақ мансабында туындауы мүмкін кәсіби мәтіндермен, құжаттамалармен және коммуникациялық жағдайлармен таныстырылады. Тыңдау, оқу, жазу және сөйлеу арқылы магистранттар кәсіби ортада шет тілінде тиімді қарым-қатынас жасау дағдыларын дамытады. Презентация, келіссөздер жүргізу және жазбаша хат алмасу дағдыларын дамытуға ерекше көңіл бөлінеді.

  Несиелер - 4
  

• Бағалау іс-шараларының нәтижелерін интерпретациялау әдістері

  Бұл пән бағалау іс-шараларының нәтижелерін тиімді интерпретациялау әдістері мен стратегияларын меңгертуге бағытталған. Пән аясында магистранттар бағалау нәтижелерін түсіну, оларды талдау, интерпретациялау және кәсіби шешімдер қабылдау дағдыларын қалыптастырады. Пәннің негізгі мақсаты – бағалау іс-шараларының нәтижелерін дұрыс интерпретациялау арқылы олардан алынған деректер негізінде тиімді басқару шешімдерін қабылдауды қамтамасыз ету. Сыртқы бағалау жүйесін енгізудің міндеттері: ұлттық бірыңғай тестілеу( ҰБТ), орта білім және ТжКБ білім алушылардың білім жетістіктерін мониторингілеу (МОДБ). Қазақ тілін меңгеру деңгейін бағалау жүйесі ҚАЗТЕСТ, педагогтердің ұлттық біліктілік тесті (ҰБТ) құрастыру ерекшеліктері қамтылған

  Несиелер - 5
  

• Білім беру жетістіктерін бағалау әдістері мен технологияларын дамытудың перспективалық бағыттары

  Бұл пән білім беру жетістіктерін бағалау әдістері мен технологияларын жетілдіру мен дамытудың заманауи және болашақтағы үрдістерін зерттеуге бағытталған. Магистранттар білім беру сапасын бағалаудың халықаралық стандарттарын, инновациялық бағалау әдістерін және цифрлық технологиялардың мүмкіндіктерін талдайды. Сонымен қатар, олар бағалау жүйесінің тиімділігін арттыру жолдарын, жасанды интеллект пен адаптивті бағалау құралдарының болашақтағы рөлін қарастырады.

  Несиелер - 5
  

• Білім беру жетістіктерін бағалау әдістері мен технологиялары

  Бұл пән білім алушылардың оқу жетістіктерін бағалаудың заманауи әдістері мен технологияларын меңгеруге бағытталған. Бағалау үдерісінің теориялық және практикалық аспектілерін зерттей отырып, магистранттар білім сапасын арттыру мақсатында бағалауды тиімді қолдану үшін қажетті кәсіби құзыреттіліктерді қалыптастырады. Пән мазмұнында қалыптастырушы және жиынтық бағалау, критериалды бағалау, өзін-өзі және өзара бағалау, электрондық бағалау, портфолио, рубрикалар мен дескрипторлар арқылы бағалау әдістері қарастырылады. Сонымен қатар цифрлық бағалау платформаларын (мысалы: Google Forms, Kahoot, Socrative, Moodle т.б.) қолдану жолдары меңгеріледі. Бағалау нәтижелеріне негізделген педагогикалық шешімдер қабылдау, білім беру үдерісін реттеу және оқыту сапасын арттыру – пәннің басты практикалық бағыты болып табылады.

  Несиелер - 5
  

• Педагогикалық зерттеулердегі математикалық әдістер

  Пән педагогика саласында математикалық әдістерді қолдану арқылы білім беру үрдісін зерттеу, талдау және болжам жасауға бағытталған пән болып табылады. Бұл пәннің мақсаты — педагогикалық деректерді жинау, өңдеу және талдау үшін математикалық тәсілдер мен модельдерді қолдануды үйрету. Математикалық әдістер педагогикалық зерттеулерде деректерді талдауға, олардың заңдылықтарын анықтауға, оқу нәтижелерін болжауға және білім беру жүйесін жетілдіруге ықпал етеді. Зерттеуді жоспарлаудың математикалық негіздерін меңгереді.

  Несиелер - 5
  

• Білім беру сапасын басқаруда бағалау нәтижелерін пайдалану

  Бұл пән білім беру сапасын басқаруда бағалау нәтижелерін тиімді пайдалану әдіс-тәсілдеріне бағытталған. Бағалау жүйелерінің мақсаты – білім беру сапасын көтеру және білім алушылардың нәтижелерін жақсарту үшін дәлелді және дәл интерпретацияланған деректерді пайдалану. Пәнді меңгеру барысында магистранттар бағалау нәтижелерін жинақтау, талдау, қолдану және стратегиялар құрастыру дағдыларын игереді. Сонымен қатар, бағалау нәтижелерінің білім беру сапасын арттыруға қалай ықпал ететінін, білім беру ұйымдарының қаржылық, ұйымдастырушылық және академиялық көрсеткіштерін жақсарту үшін қалай қолдануға болатынын үйренеді. Магистранттар осы пәнді меңгеру арқылы бағалау деректерін қолдану арқылы мектептер мен оқу орындарының оқу сапасын және басқару процестерін жетілдіруге мүмкіндік алады.

  Несиелер - 5
  

• Тест тапсырмаларының сапасын талдауға арналған қолданбалы бағдарламалар

  Пән педагогикалық тестілеу жүйесінде тест тапсырмаларының сапасын бағалау, өңдеу және талдау үшін арнайы бағдарламалық құралдарды қолдануды қарастырады. Бұл пән магистранттарға тест тапсырмаларының тиімділігін, сенімділігін және дәлдігін бағалау үшін қолданылатын бағдарламалық шешімдерді қолдану дағдыларын қалыптастырады. Сонымен қатар, бұл пән тест тапсырмаларын әзірлеу және оларды статистикалық тұрғыдан өңдеу үшін қажетті құралдарды пайдалану мүмкіндігін қамтиды.

  Несиелер - 4
  

Профессии

Оқыту нәтижелері

• Ғылым мен білім беру үдерісінің өзара байланысын, ғылым тарихы мен философиясының өзекті мәселелерін, сөйлеу коммуникациясының кәсіби негіздерін, білім беру трансформациясы жағдайында этикалық және құқықтық стандарттарды сақтай отырып, жасанды интеллектіні пайдалануда ғылыми нәтижелерді білім мазмұнына интеграциялайды.
• Педагогика және психология ғылымын дамытудың теориялық-әдіснамалық негіздерін, әр түрлі қабілеттері бар студенттерді ескере отырып, инклюзивті қағидаларға сәйкес оқыту әдістерін, басқару және меңгеру үрдістерін, психологиялық-педагогикалық зерттеулердің мәні мен мазмұнын кәсіби қызметінде пайдаланады
• Ғылыми-зерттеу жұмысының барлық кезеңінде этикалық нормаларды сақтай отырып: зерттеу құрылымын, әдіснамасын, деректерін және қорытындыларын академиялық стандарттарға сай ұсынады.
• Педагогикалық өлшеу теориясы мен практикасының қазіргі заманғы проблемаларын, білім беру сапасын сыртқы және ішкі бағалаудың қазіргі (қолданыстағы) құралдарының функционалдық ерекшеліктерін талдайды.
• Білім алушылардың білім жетістіктерін бағалау құралдарын жобалап, тапсырмалар әзірлейді.
• Жоғары оқу орындары мен мектептерде білім беру сапасын бағалаудың цифрлық технологияларын пайдаланады.
• Білім сапасын басқару үшін бағалаудың интерпретацияланған нәтижелерін пайдаланады.
• Бағалау іс-шараларын (емтихандар, мониторингтер, ағымдағы бағалау) ұйымдастырып өткізеді.
• Білім сапасын бағалауда халықаралық салыстырмалы зерттеулердің нәтижелерін пайдаланады
• Білім беру жетістіктерін бағалау әдістері мен технологияларын дамытудың перспективалық бағыттарын талдайды

Ұқсас БББ