6B01704 Қазақ тілі мен әдебиеті және түрік тілі в БҚИТУ

Пәндер

• Фольклорлық мұралар әдебиеті

  Мақсаты – білім алушыларды ауыз әдебиеті мұраларының жиналу, жариялану, зерттелу жай-күйін жан-жақты хабардар ету, оларға фольклорлық мұралардың генезисін, тарихилығын, жанрлық белгілерін ұғындыру. Курс фольклорды жинаудың маңызын, мақсаты мен шарттарын, ерекшеліктері мен тәсілдерін, фольклорды жариялаудың шарттары мен түрлерін, фольклорды зерттеудің түрлері мен мақсат-бағыттарын, оқу-ағарту мақсаттағы еңбектерді, ғылыми және ғылыми-көпшілік зерттеулерді қарастырады.

  Оқу жылы - 1
  Семестр - 1
  Несиелер - 4
  

• Экологиялық қауіпсіздік және тұрақты даму модулі (экология, өмір қауіпсіздігі және тұрақты даму негіздері)

  Модульдің мақсаты-білім алушыларда тұрақты даму, қоршаған ортаны қорғау және қызметтің түрлі салаларында тіршілік қауіпсіздігін қамтамасыз ету қағидаттарын түсіну үшін қажетті білім мен құзыреттерді қалыптастыру. Модуль қоғамның ұзақ мерзімді дамуына және қоршаған ортаны қорғауға бағытталған экологиялық мәдениетті, әлеуметтік жауапкершілікті және шешім қабылдау дағдыларын қалыптастыруға ықпал етеді.

  Оқу жылы - 1
  Семестр - 1
  Несиелер - 5
  

• Экономикалық-құқықтық білім модулі (экономика, қаржылық сауаттылық және кәсіпкерлік негіздері, құқық және сыбайлас жемқорлыққа қарсы мәдениет негіздері)

  Модульдің мақсаты - студенттердің экономика, қаржылық сауаттылық және құқық саласындағы теориялық білімдері мен практикалық дағдыларын қалыптастыру. Бұл модуль білім алушыларда экономика саласындағы базалық білім мен практикалық дағдыларды, қаржылық сауаттылықты және қазіргі қоғамда және кәсіби қызметте табысты бейімделу үшін қажетті құқықтық негіздерді қалыптастыруға бағытталған.

  Оқу жылы - 1
  Семестр - 1
  Несиелер - 5
  

• Балалардың жас және физиологиялық даму ерекшеліктері

  Мақсаты: оқушылардың жеке қажеттіліктерін ескере отырып, білім алушылардың дамуын бақылау, жасына сәйкес оқу процестерін жоспарлау және енгізу, жалпыға бірдей оқыту мен оқушылардың әл-ауқатын шығармашылық қолдау. Студенттер: * әр түрлі оқушылардың жеке бастапқы нүктелерін, олардың оқу әлеуетін және нақты қолдау қажеттіліктерін тану * оқушылардың нақты қолдау, басшылық, оқыту және бағалаудағы жеке қажеттіліктерін қарастыру

  Оқу жылы - 1
  Семестр - 2
  Несиелер - 3
  

• Орфография және пунктуация негіздері

  Мақсаты - қазақ орфографиясы мен пунктуациясы, оның қағидаттарын, жазу ережелерін таныту, қазақ ұлттық жазуының тарихы мен қазіргі жазу реформасы туралы қажетті ақпарат беру, жазу қағидаттарын ажырата білу, талдау, латын графикасы негізіндегі жаңа қазақ әліпбиі мен емлесін меңгерту арқылы білім алушылардың тілдік құзыреттерін дамыту, жаңа қазақ әліпбиі мен жаңа емле жобасы бойынша жазылым дағдыларын жетілдіру.

  Оқу жылы - 1
  Семестр - 2
  Несиелер - 4
  

• Тіл біліміне кіріспе

  Мақсаты - білім алушыларда лингвистикалық ойлау деңгейін қалыптастырып, тілдік бірліктерді қажетті тілдік жағдаяттарға сай түрлендіру, лингвистикалық талдау жасау дағдыларын қалыптастыру. Курста тіл білімінің нысаны жəне пəні, ғылымдар жүйесіндегі орны, тілдің жүйесі мен құрылымы, жазу теориясы мен тарихы, тіл білімінің фонетика, лексикология саласы, тілдің сөздік құрамы, фразеология, тілдің грамматика саласы, грамматикалық тəсілдер мен амалдар, категориялар, әлем тілдерінің топтастырылуы оқытылады.

  Оқу жылы - 1
  Семестр - 2
  Несиелер - 4
  

• Кәсіби орыс тілі

  Мақсаты - деңгейлік дайындыққа сәйкес сөйлеу әрекетінің түрлерін сәтті меңгеру. Пән әртүрлі тұрмыстық, әлеуметтік-мәдени жағдайларда тілді меңгеру дағдыларын қалыптастыруға және жетілдіруге, кәсіби коммуникативтік мақсатқа және қарым-қатынастың кәсіби саласына сәйкес ауызша және жазбаша сөйлеу дағдыларын қалыптастыруға, орыс тілінде өнімді тілдік іс-жүргізудің нысандарын дамытуға бағытталған.

  Оқу жылы - 2
  Семестр - 1
  Несиелер - 4
  

• Кәсіби бағытталған шетел тілі

  Пәннің мақсаты - білім алушылардың шетел тілінде мәдениетаралық - коммуникативтік құзыреттілігін жоғары және базалық жеткілікті деңгейде қалыптастыру. Пән шетел тілінің лексикасы мен тілдік ерекшеліктерін игеруге, коммуникативтік-функционалдық құзыреттілікті қалыптастыруға, жеке тұлғаның мәдениетаралық қарым-қатынас қабілеті ретінде мәдениетаралық құзыреттілікті қалыптастыруға бағытталған.

  Оқу жылы - 2
  Семестр - 1
  Несиелер - 4
  

• Педагогика

  Курстың мақсаты – студенттердің балаларды оқыту мен тәрбиелеу бойынша теориялық білімдері мен практикалық дағдыларын қалыптастыру. Пән педагогика ғылымының әдіснамалық негіздерін, тәрбие мен оқыту процесінің мақсаттары мен міндеттерін, оқыту әдістері мен формаларын, заманауи педагогикалық технологияларды меңгеруге бағытталған. Сондай-ақ педагогикалық процесті ұйымдастыру, дидактика ұғымы, диагностика жүргізу және тәрбиенің мазмұны мен жүйесін игеру қарастырылады.

  Оқу жылы - 2
  Семестр - 1
  Несиелер - 4
  

• Қазіргі қазақ тілінің фонетикасы

  Мақсаты - тіл табиғатын дәл танытатын сингармониялық теория арқылы қазақ тілінің фонетикалық құрылымын меңгерту, қазақ тілінің сегментті, просодикалық және суперсегментті бірліктері бойынша кешенді-сатылық фонетикалық талдау дағдыларын игерту. Курста сингармонизм құбылысы, фонологиялық функциясы, морфофоногиялық құбылыстар, оның фонетикалық құбылыстардан айырмашылығы, позициялық өзгерістер, орфография мен орфоэпияға қатысы, қазақ тілінің сингармо-орфоэпиялық нормасы, фонетикалық транскрипция қарастырылады.

  Оқу жылы - 2
  Семестр - 1
  Несиелер - 5
  

• Қазақ жазуының тарихы және латын графикасы

  Мақсаты - болашақ педагог-филолог мамандарға қазақ жазуы реформасының өзекті мәселелері бойынша теориялық және практикалық білімдерін қалыптастыру. Курста қазақ графикасы, көне түркі жазуы, араб жазуына негізделген қазақ жазуы, А.Байтұрсынұлының әліпбиі, латын графикасына негізделген қазақ жазуы, кириллицаға негізделген қазақ жазуы, ұлттық әліпби деңгейіне жету жолы, жаңа қазақ әліпбиі, жаңа емлелік заңдылықтар, жаңа жазудың ерекшеліктері оқытылады.

  Оқу жылы - 2
  Семестр - 1
  Несиелер - 5
  

• Инклюзивті білім беру ортасы

  Мақсаты: оқу/оқыту процесінде оқушылардың әртүрлілігін түсіну және ескеру, олардың өмірінің мәнмәтінін ескере отырып, әл-ауқатты психологиялық және этикалық тұрғыдан қолдау. Студенттер мүмкін: * әртүрлілікті қабылдау, қатысу мен оқуға кедергілерді анықтау * даму басымдықтарын анықтау, іс-шараларды жоспарлау білім беру бағдарламаларын бейімдеу, сараланған сабақтарды әзірлеу * инклюзивті құндылықтар негізін құру және оқушылардың қатысуы мен үлгерімін қолдау мақсатында мектеп қоғамдастығында ынтымақтастыққа жәрдемдесу

  Оқу жылы - 2
  Семестр - 1
  Несиелер - 4
  

• Тәрбие жұмысының теориясы мен әдістемесі

  Пәннің мақсаты – болашақ мұғалімдердің тәрбиелік іс-әрекетті ұйымдастыру мен жүзеге асыруға кәсіби-педагогикалық құзыреттілігін қалыптастыру. Курста тәрбие процесінің мазмұны, мектеп пен сыныптағы тәрбие жүйесі, ҚР-дағы тәрбие тұжырымдамасы, сынып жетекшісінің қызметі, қиын және дарынды балалармен жұмыс, ұжым қалыптастыру ерекшеліктері, сондай-ақ тәрбие жұмысын жоспарлау технологиясы мен әдістемесі қарастырылады.

  Оқу жылы - 2
  Семестр - 1
  Несиелер - 4
  

• Жасанды интеллект негіздері

  Курс білім алушыларды ЖИ негізгі тұжырымдамаларымен, әдістерімен және қосымшаларымен таныстыруға арналған. Курстың мақсаты – студенттерге қазіргі әлемде жасанды интеллектің мүмкіндіктері мен қолданылуы және олардың әртүрлі қызмет салалары үшін маңызы туралы негізгі білім беру.

  Оқу жылы - 2
  Семестр - 2
  Несиелер - 5
  

• Ерте ғасырлардағы қазақ әдебиеті

  Мақсаты - біздің заманымызға дейінгі жазу – сызулардан бастап, ХҮ ғасырға дейінгі әдебиет туралы біртұтас ұғым қалыптастыру, ежелгі әдебиетті көне тарихпен, көшпелілер мәдениетімен сабақтастыру, әр дәуір әдебиетінің өз ерекшеліктерін аңғарту. Пән көне түркі әдебиетін, көне түркі жазба ескерткіштерін, Күлтегін жырларын. Қорқыт ата кітабын. Оғыз-наме, Әбу-Насыр әл-Фараби, М.Қашғари, Ж. Баласағұн, А.Иүгінеки, А.Яссауи, Хорезми және т.б. шығармаларын оқытады.

  Оқу жылы - 2
  Семестр - 2
  Несиелер - 5
  

• Түрік тілі (А1, А2)

  Пәннің мақсаты - түрік тілінде сөйлесім әрекетінің оқылым, жазылым, айтылым, тыңдалым түрлерін меңгеруде көрінетін коммуникативтік дағдыларын қалыптастыру. Түрік тілінің фонетикалық, грамматикалық құрылымы, лексикалық құрамы оқытылады, оларды коммуникация процесінде әдеби тілге және айтылу сазына сәйкес дұрыс қолдана білуге үйретіледі. Түрлі мәтіндер мен коммуникативтік жағдайларда кездесетін негізгі әлеуметтік-мәдени және елтанымдық мәліметтер түсінігі қалыптасады.

  Оқу жылы - 2
  Семестр - 2
  Несиелер - 5
  

• Оқыту мен бағалаудың сараланған әдістемесі

  Пәннің мақсаты-оқушылардың мүмкіндіктерін, қабілеттері мен ерекшеліктерін ескере отырып, білім беру процесін тиімді жоспарлау және іске асыру үшін қажетті теориялық білім мен практикалық дағдыларды қалыптастыру, сондай-ақ олардың оқу нәтижелерінің жетістіктерін объективті бағалау. Пән болашақ педагогтар мен білім беру саласындағы мамандардың оқушылардың жеке ерекшеліктерін ескере отырып, тиімді оқу процесін ұйымдастыруға қажетті құзыреттіліктерін дамытуға бағытталған.

  Оқу жылы - 2
  Семестр - 2
  Несиелер - 4
  

• Әдебиеттану негіздері

  Мақсаты – әдебиет теориясы ауқымындағы поэтика, стиль, жанр тәрізді негізгі мәселелермен қатар әдебиет тарихын зерттеу аялары мен жолдары, историография, библиография пәндерінің мән-сыры, текстология мен әдебиет сынының теориялық, практикалық ерекшеліктері туралы білім алушылардың білімін қалыптастыру. Курста сөз өнерінің қалыптасу тарихы, әдеби ойдың даму тарихы, өлең туралы ғылыми пайымдаулар, өлең өлшемдері, әдеби процесс оқытылады.

  Оқу жылы - 2
  Семестр - 2
  Несиелер - 4
  

• Орта және ХV-ХVІІІ ғасырдағы қазақ әдебиеті

  Мақсаты - орта ғасырлық және хандық дәуірдегі әдебиетті, сол дәуірдегі жанр ерекшеліктерін меңгеру. Пән орта және ХV-ХVІІІ ғасырдағы қазақ әдебиетіне тән негізгі белгілер мен ерекшеліктерді, жыраулар кезеңін, Асан қайғы, Қазтуған, Доспамбет, Жиембет, Ақтамберді, Үмбетей, Бұқар жырау, Тәтіқара ақын, Шал ақын, Жанақ ақын шығармаларын, жыраулар шығармашылығының ақындық поэзиядан ерекшелігін оқытуға бағытталған.

  Оқу жылы - 2
  Семестр - 2
  Несиелер - 5
  

• Қазақ тілін оқыту әдістемесі

  Пәннің мақсаты болашақ мұғалімдерді қазақ тілін оқытудың теориялық негіздерімен және практикалық әдіс-тәсілдерімен таныстыру болып табылады. Пән қазақ тілін оқытудың заманауи технологияларын үйретуге, тілдік дағдыларын (тыңдалым, айтылым, жазылым) дамытуға, қазақ тілі сабағын жоспарлауды үйретуге және оқушылардың оқу жетістіктерін дамытуға, Action Research және Lesson Study әдістерін қолдану арқылы оқыту үдерісін жетілдіруге бағытталған.

  Оқу жылы - 3
  Семестр - 1
  Несиелер - 4
  

• Қазіргі қазақ тілінің семасиологиясы

  Мақсаты – білім алушыларға жалпы семантиканың қазақ семасиологиясымен және басқа да тілдердің семасиологияларымен арақатынасы сияқты мәселелердің теориялық-практикалық негізін ұғындыру. Білім алушылар семасиология ғылымын, зерттеу нысанын, семасиология және ономасиологияны, сөз, оның белгілерін, сөз және ұғымды, сөздің лексикалық мағынасын, сөздің грамматикалық мағынасын, денотаттық, сигнификаттық мағынаны, лексикалық мағынаның түрлерін, типтерін, лексикалық мағынаның микрокомпоненттерін, макрокомпоненттерін меңгереді.

  Оқу жылы - 3
  Семестр - 1
  Несиелер - 5
  

• Академиялық сауаттылық

  Мақсаты – білім алушылардың әртүрлі ақпаратпен жұмыс істеу, өзгелердің ойларын талдай білу, өзіндік идеяны ұсына отырып, оны негіздей білу дағдыларын қалыптастыру. Пән академиялық жазылымды, бағалау өлшемдерін (қазақстандық және батыс оқыту жүйесіндегі академизм талаптары, ғылыми мақала, тезис, аңдатпа, абстракт, ғылыми жоба жазу) оқытуға, академиялық этика және академиялық адалдық, кәсіби қызметтегі академиялық сауаттылық дағдыларын қалыптастыруға бағытталған.

  Оқу жылы - 3
  Семестр - 1
  Несиелер - 4
  

• ХІХ ғасырдағы қазақ әдебиеті

  Мақсаты – білім алушылардың ХІХ ғасырдағы ел әдебиетін саралап, қазақ әдебиетіне қосылған жаңа есімдерді, тың проблема көтерген шығармаларды, поэзия, проза, драматургия, сын сияқты белді жанрлардың даму ерекшеліктерін айқындап, ажырата білу дағыларын қалыптастыру. Пән ХІХғ. дәстүрлі айтыс өнерін, ХІХғ. сал-серілер өнерін, Махамбет шығармаларын, зар заман поэзиясын, Ш.Қанайұлы, Д.Бабатайұлы, М.Мөңкеұлы, Ш.Жарылғасұлы, А.Азаматқызы, Ә.Кердері, А.Мұхамедиярұлы, Ш.Уәлиханов, Ы.Алтынсарин, А.Құнанбайұлы. шығармаларын оқытады

  Оқу жылы - 3
  Семестр - 1
  Несиелер - 5
  

• Білім берудегі менеджмент

  Пәннің мақсаты – білім берудегі басқару үдерісін психологиялық тұрғыдан зерделеу. Басшы тұлғасы, ұжымдағы психологиялық климат, тиімді басқарудың психологиялық критерийлері, жарнама мен көшбасшылық психологиясы, басқарудың әлеуметтік және теориялық негіздері қарастырылады.

  Оқу жылы - 3
  Семестр - 1
  Несиелер - 5
  

• Қазақ әдебиетін оқыту әдістемесі

  Пәннің мақсаты - қазіргі мектептің жұмыс жағдайында практикалық қызмет үшін қажетті білім, кәсіби дағдылар жүйесін беру. Пәнді оқыту әдістемесінің негізгі талаптары мен мақсаттарын білуге; мектепте әдебиетті оқытудың әдістерін игеруге; пәннің ерекшелігі мен маңыздылығын анықтауға оқушылардың оқу жетістіктерін дамытуға, Action Research және Lesson Study әдістерін қолдану арқылы оқыту үдерісін жетілдіруге бағытталған.

  Оқу жылы - 3
  Семестр - 1
  Несиелер - 4
  

• Түрік тілі (В1, В2)

  Мақсаты - түрік тілінде әртүрлі диалог құру, алуан түрлі жанрдағы мәтіндермен жұмыс жасау, шығарма және мазмұндама жазу арқылы түрік тілінде ауызша және жазбаша сөйлеу әрекетін жетілдіру. Пәнді оқытуда түрік тілінің фонетикалық, грамматикалық құрылысын, лексикалық құрамын терең меңгеру, оларды әдеби тіл нормасына сай түрлі ситуациялар мен мәтіндерде дұрыс қолдана білу көзделеді.

  Оқу жылы - 3
  Семестр - 1
  Несиелер - 5
  

• Дидактикалық әдебиет

  Мақсаты - қазақ халқының тарихындағы құрметті тұлғалар туралы жазылған деректі және көркем әдебиеттерді саралау, ел әдебиетіндегі дәстүр сабақтастықтарын айқындап, қазақ әдебиетіндегі жанрлық ізденістерді ашып көрсету. Курс дидактикалық әдебиет жанрын, ғылыми, философиялық, моральдық, діни идеяларды, ғибрат ойларды білдіретін шығармаларды, дидактикалық көркем сөздегі мақал-мәтелдің, ақыл-нақылдардың, ертегі-эпостың әсерін, дидактикалық жанрда жазылған өлеңдерді, ағартушылық-ақылмандық дәстүрді оқытуға бағытталған.

  Оқу жылы - 3
  Семестр - 1
  Несиелер - 5
  

• Қазіргі қазақ тілінің лексикологиясы мен фразеологиясы

  Мақсаты - қазақ тіл білімінің лексикология мен фразеологиясы саласы бойынша білім алушыларға жүйелі ғылыми-теориялық білім беру, сөз мағыналарын терең тану, лексикологияның өзекті мәселелерін ашу дағдыларын қалыптастыру. Курста семасиология, сөз мағынасының түрлері, сөздің көп мағыналылығы, лексикалық омонимдер, антонимдер, синонимдер, табу және эвфемизмдер, қазақ тілінің сөздік құрамы, сөздік құрамның тарихи арналары, фразеология, лексикография, этимология оқытылады.

  Оқу жылы - 3
  Семестр - 1
  Несиелер - 5
  

• ХХ ғасыр басындағы қазақ әдебиеті

  Мақсаты - ХХ ғасыр бас кезіндегі қазақ әдеби бағыттары, қазақ әдебиетіндегі негізгі идеялары туралы терең білім қалыптастыру. Курста ХХ ғасыр басындағы қазақ әдебиетінің жанрлық және тақырыптық аясының кеңеюі (1905-1930), қазақ баспасөзінің дамуы, С.Торайғыровтың, Ш.Құдайбердіұлының, А.Байтұрсынұлының, М.Дулатұлының, Ж.Аймауытұлының, М.Жұмабаевтың, М.Сералиннің, С.Мұқановтың, Ғ.Мүсіреповтың және т.б. ақын-жазушылар мен драматургтардың шығармашылығы, қазіргі қазақ айтысы оқытылады.

  Оқу жылы - 3
  Семестр - 2
  Несиелер - 5
  

• Түрік тілінің ауызша және жазбаша сөйлеу практикасы

  Мақсаты – білім алушылардың түрік тілін меңгеруі аясында мүмкін болатын ауызша және жазбаша еркін сөйлеу, әрі аударма жасай алу құзіреттілігін қалыптастыру, аударма процесінің заңдылықтарын игеру. Пәнді оқытуда аударма процесінің негізі, тілдің грамматикалық құрылысы мен ережелері түсіндіріледі, білім алушыларды қазіргі аударма теориясының негіздерімен таныстыра отырып, олардың аудармашылық дағдылары мен қабілеттерін ұштау көзделеді.

  Оқу жылы - 3
  Семестр - 2
  Несиелер - 5
  

• Деректі әдебиет

  Мақсаты – қазақ әдебиетінде танылған көркем шығармалардың деректілігіне, заман, уақыт ұсынған әлеуметтік құбылыстар мен проблемаларды саралау. Сондай-ақ жаңа ғасырға аяқ басқан ел әдебиетін саралап, қазақ әдебиетіндегі тың проблемаларға назар аудару. Деректі шығармаларды, поэзия, проза, драматургия жанрлық жағынан ерекшелігін ажырату және олардың даму ерекшеліктерін айқындап, ажырату.

  Оқу жылы - 3
  Семестр - 2
  Несиелер - 5
  

• Қазіргі қазақ тілінің синтаксисі

  Мақсаты - қазіргі қазақ әдеби тілінің синтаксистік жүйесін ғылымда әбден зерттеліп тұрақталған көзқарас тұрғысынан танып білу, сипаттау, әдеби тіл нормаларын игеруіне көмектесу, болашақ мамандарға қажет тілдік әдістемелік білімді меңгерту. Курс синтаксис туралы түсінікті меңгерте отырып, сөз тіркесінің түрлерін, сөйлем түрлерін, сөйлем мүшелерін, сөйлемнің құрылымдық типтерін, бөгде сөз, оның түрлерін оқытады.

  Оқу жылы - 3
  Семестр - 2
  Несиелер - 5
  

• Синтаксистік синтагма

  Пәннің мақсаты синтагма туралы түсінікті қалыптастырып, синтагма түрлері мен синтагманың қызметін, сөйлемдегі синтагма түрлерін анықтау арқылы сөйлемдегі синтаксистік байланыс түрлерін ажырата білуге бағытталған. Курсты оқытуда синтагма туралы түсінік, түрлері мен қызметі, синтагмалық қатынас, синтагмалық процесс, сөйлемдегі синтагма түрлері: предикативтік, объективтік, сөйлемдегі синтаксистік байланыс түрлері қарастырылады.

  Оқу жылы - 3
  Семестр - 2
  Несиелер - 5
  

• Қазіргі қазақ тілінің морфонологиясы

  Мақсаты – білім алушылардың фонетика мен морфонологияның төл нысандарын ажырата білуге үйрету, тақырыптық негізгі белгілерге байланысты іскерлік пен дағды қалыптастыру. Курста морфонология, оның зерттеу нысаны, бірліктері, қазақ морфонологиясының зерттелуі, фонетика, морфология және морфонология айырмашылықтары, қазақ тіліндегі морфонологиялық құбылыстар, морфонологиялық дыбыс алмасулар, апакопа, гаплология құбылыстары, морфонема оқытылады.

  Оқу жылы - 3
  Семестр - 2
  Несиелер - 5
  

• Практикалық түрік тілі

  Пәннің мақсаты - түрік тіліндегі арнайы мамандық бойынша терминдерді меңгеру, кәсіби сипаттағы мәліметтерді түсіне білу, мақсатты түрде ақпарат алмаса білу, кәсіби қарым-қатынаста дайындықсыз сөйлесуге дағдылану. Білім алушылар түрік тілінің грамматикалық құрылысы мен ерекшелігін, негізгі заңдылықтарын игереді, ойлау, сөйлеу мәдениетін қалыптастырады, ақпаратты түсініп талдауға үйренеді, ауызша және жазбаша қарым-қатынас жасауға жаттығады.

  Оқу жылы - 3
  Семестр - 2
  Несиелер - 5
  

• Түрік тілі (С1, С2)

  Мақсаты - білім алушылардың түрік тілінің грамматикалық құрылысы туралы білімін шыңдау, яғни грамматикалық ережелерді меңгерту, жазбаша жұмыстарды орындау дағдыларын дамыту. Курсты оқытуда жиі және сирек қолданатын сөздік қорын молайту, түрік тіліндегі құрмалас сөйлем түрлерін меңгерту, түрлі тақырыптағы күрделі мәтіндерді талдау, грамматикалық ережелерді сөйлеу мен жазуға үйрету көзделеді.

  Оқу жылы - 3
  Семестр - 2
  Несиелер - 5
  

• Қазіргі қазақ тілінің морфологиясы

  Мақсаты - сөздердің тұлғалық өзгеруі, сөз және оның формаларын қарастырудың жолдары мен тәсілдері, сөздердің өзгеріске ұшыраған түрлері мен топтарға бөлінуі, сөздердің өзіне тән грамматикалық сыр-сипаты жөнінде білім алушыларға терең теориялық білім беру, тілдік тұлғаларға практикалық тұрғыда талдау жасауға үйрету. Курста морфологияның басты сұрақтары, яғни сөз топтастыру мәселесі, күрделі сөздер сипаты, сөз таптары қарастырылады.

  Оқу жылы - 3
  Семестр - 2
  Несиелер - 5
  

• Түрік тілінің ауызша аудармасының практикасы

  Пәннің мақсаты - түрік тілін меңгеру арқылы ауызша аударма түрлерін жүзеге асыруға мүмкіндік беретін аудармашылық құзіреттілікті қалыптастыру, аударма үрдісінің заңдылықтарын анықтап сипаттау. Білім алушыларды қазіргі аударма теориясының негізгі ережелерімен таныстыру және сонымен байланысты олардың аудармашылық дағдылары мен қабілеттерін қалыптастыруға ықпал ету.

  Оқу жылы - 4
  Семестр - 1
  Несиелер - 5
  

• Түркітану

  Пәннің мақсаты - түркі тілдерінің зерттелуі мен дамуы, қалыптасуы жайынан түсінік беру; түркологияның негізгі проблемалары және оның қазіргі міндеттерімен таныстыру. Курс білім алушыларға түркі тобына қандай халықтар мен тілдер жататыны, ондағы ірі тілдер мен тілдік топтардың өзіндік қалыптасуы, ерекшелігі туралы білім беруге бағытталған.

  Оқу жылы - 4
  Семестр - 1
  Несиелер - 5
  

• Аударма теориясы мен практикасы

  Аударма және оның негізгі түрлерін, аударма түрлеріне қойылатын тілдік және семантикалық талаптарды анықтау мақсаты қойылады. Сондай-ақ аударма процесіндегі тілдің қызмет ерекшелігін айқындап сипаттау, білім алушыларды қазіргі аударма теориясының негізгі тұжырымдарымен таныстыра отырып, аудармашылық дағдылары мен қабілеттерін жетілдіру арқылы аудармашылық құзіреттерін қалыптастыру көзделеді.

  Оқу жылы - 4
  Семестр - 1
  Несиелер - 5
  

• Түрік тілінің тарихы

  Пәннің мақсаты - түрік тілінің даму тарихы туралы білім беру. Пән қазіргі кездегі түрік тілінің жазба ескерткіштері мен олардың орналасқан жері, тарих пен географияда сақталу жәрежесі туралы мәлімет береді, түрік тілінің көне тарихы мен қалыптасу, даму ерекшелігін оқытуды көздейді.

  Оқу жылы - 4
  Семестр - 1
  Несиелер - 5
  

• Қазіргі кезеңдегі қазақ әдебиеті

  Мақсаты – білім алушыларға қазіргі кезеңдегі қазақ әдебиетінің даму кезеңдері мен әр кезең өкілдерінің шығармаларымен таныса отырып, әдеби шығармаларды талдау дағдыларын игерту. Курс қазіргі қазақ әдебиетінің даму кезеңдерін, қазіргі кезеңдегі драматургияны, қазақ әдеби сынының жайын, қазіргі қазақ сатирасын, қазіргі қазақ романдарын, повестерін, әңгімелерін, деректі прозасын, лирикасын, философиялық лирикасын, поэмаларын қарастырады.

  Оқу жылы - 4
  Семестр - 1
  Несиелер - 5
  

• 1940-1980 жылдардағы қазақ әдебиеті

  Мақсаты - ХХ ғасырдың соңындағы әдеби процесс пен әдебиет процесі мен тарихы туралы хронологиялық ұстанымды сақтай отырып, әдебиеттану ғылымының қол жеткізген бүгінгі табыстары негізінде білім алушыларға барынша толық нақты білім беру. Курс Қазақ әдебиеті тарихының ХХ ғасырға дейінгі кезеңдерін, қазақ әдеби сынының тарихы, әдебиет теориясы мәселелерін, ТМД халықтарының әдебиетін оқытуға бағытталған.

  Оқу жылы - 4
  Семестр - 1
  Несиелер - 5
  

• Түрік фольклоры

  Түрік фольклорының көп қырлы табиғаты мен қалыптасу, даму, таралу, сақталу ерекшелігі туралы білім беру мақсаты қойылады. Білім алушыларға түрік тіліндегі фольклорлық шығармалардың мазмұны мен жанрлық ерекшеліктері таныстырылады. Білім алушылар түрік фольклорының дамуы мен қалыптасу кезеңдері, түрлері жайында білім алады.

  Оқу жылы - 4
  Семестр - 1
  Несиелер - 5
  

• Іскери түрік тілі

  Пәннің мақсаты - мәдениет аралық қарым-қатынаста қажетті деңгейде арнайы құзіреттіліктерді қалыптастыру, дамыту. Сондай-ақ іскерлік кездесулер, келіссөздер жүргізу, халықаралық іскерлік ортада таныстырылымдар өткізу бағытында тілді кәсіби міндеттерді жүзеге асыру үшін қолдана білуге үйрету. Сөйтіп нақты қарым-қатынаста тілдің қатынас құралы қызметін жүзеге асыруға қол жеткізу.

  Оқу жылы - 4
  Семестр - 1
  Несиелер - 5
  

• Тәуелсіздік жылдарындағы қазақ әдебиеті

  Мақсаты - қазақ әдебиетінің тәуелсіздік жылдарындағы даму бағыттарын, тәуелсіздік жылдарындағы қазақ романының ерекшеліктерін оқыту. Курс тәуелсіздік жылдарындағы қазақ әдебиетін оқытудың ғылымилық, жүйелілік және жоспарлылық ұстанымдарын, тәуелсіздік жылдарындағы қазақ әдебиетін оқытудағы оқушылардың саналылығы мен белсенділігі ұстанымын, қазақ әдебиетін оқытудың қолжетімділік, пәнаралық байланыс, көрнекілілік, инновациялылық ұстанымдарын, қазақ әдебиетін оқытудың тәрбиелік мәнін қарастырады.

  Оқу жылы - 4
  Семестр - 1
  Несиелер - 5
  

• Кеңестік дәуірдегі қазақ әдебиеті

  Мақсаты - кеңес дәуіріндегі қазақ әдебиетінің даму кезеңдерін, көркем шығармашылықтың даму заңдылықтарын, әлеуметтік құбылыстар мен проблемаларды саралау. Пән кеңес дәуіріндегі проза жанрының тақырыптық тенденциялары, ақын-жазушылардың шығармашылығында Ұлы Отан соғысы тақырыбының қозғалуы, поэзияның жаңа көркемдік белестері, драматургияның дамуы, әдеби сын, әдебиеттану тарихы мәселелерін, І.Есенберлиннің, М.Мағауиннің, Ә.Кекілбаевтің тарихи шығармаларын, қазақ романдарын, қазақ повестері мен әңгімелерінің жанрлық дамуын қарастырады

  Оқу жылы - 4
  Семестр - 1
  Несиелер - 5
  

• Фольклорлық зерттеулер әдістемесі

  Пәннің мақсаты - білім алушылардың фольклористика ғылымының әдіснамасы туралы және түркі халықтары фольклорының жанрлық түрлері мен ерекшеліктері жайында түсінігін қалыптастыру. Пәнді оқыту барысында білім алушылар түрік әдебиеті мен фольклорының әр кезеңдегі көрнекті өкілдерінің шығармашылығы туралы да мәлімет алады. Сонымен қатар фольклорлық мұраларды зерттеу әдістерінің ерекшеліктерімен таныс болады.

  Оқу жылы - 4
  Семестр - 1
  Несиелер - 5
  

• Іскери қазақ тілі

  Бұл пән білім алушылардың тұрмыстық сөйлеу тілін кәсіби мамандық аясында өз қызметін мемлекеттік тілде іскери деңгейде жүргізе білуге үйрету мақсатын қояды. Пәннің негізінде білім алушылардың білім диапазонын кеңейту, оларды қызықты да қажетті мәліметтермен таныстыру көзделеді, ресми құжаттарда қолданылатын термин сөздер мен сөз тіркестерін жағдаяттық-коммуникативтік тапсырмалар арқылы меңгертуге назар аударылады.

  Оқу жылы - 4
  Семестр - 1
  Несиелер - 5
  

Профессии

Оқыту нәтижелері

• қоғамда болып жатқан әлеуметтік, экономикалық құбылыстар мен үдерістерді бағалау, Қазақстанның тарихи дамуының негізгі кезеңдерін, заңдылықтарын және өзіндік ерекшелігін терең түсіну, ғылымда бар концепция, теория мен бағыттарға сыни тұрғыдан талдау жасау;
• түрік тілінің тарихы, оның қалыптасуы мен даму ерекшеліктері туралы білімдерін көрсету; түрік тілінің фонетикалық, грамматикалық құрылысын, лексикалық құрамын оқып меңгеру арқылы түрік тілінде ауызша және жазбаша түрде еркін қарым-қатынас жасау;
• қазіргі қоғамдағы этикалық нормаларды меңгеру, экологиялық мәселелерді талдау, құқықтық сауаттылықтың маңызын түсіну, дене шынықтыру әдістері мен құралдары арқылы толыққанды әлеуметтік және кәсіби қызметті қамтамасыз ету үшін салауатты өмір салтын ұстану, шаруашылық қызметтің құқықтық, әлеуметтік, қаржылық, этикалық және мәдени аспектілері туралы білімдерін, қаржы нарығының түрлі құралдарына ақша активтерін инвестициялауды түсінуін, Денсаулық сақтау және тіршілік қауіпсіздігі мәселелерінде хабардарлығын, ғылыми зерттеулер мен академиялық жазу әдістерін көрсету және оларды зерттелетін салада қолдану; негізгі интеллектуалды бағдарламалық жүйелерді құру үшін ұсынылған ЖИ теорияларын, әдістері мен принциптерін қолдану;
• қазақ әдебиеттану ғылымының тарихы мен теориясын терең меңгеру, оның жанрын, жаңа бағыттарын, бұрынғы және қазіргі таңдағы өзекті проблемаларын тану, оларға ғылыми принцип негізінде талдау жасау;
• қазіргі түрік әдебиеті мен фольклорының қалыптасу және даму кезеңдері туралы білімін көрсету, қазіргі түрік әдебиетіне тән басым әдеби бағыттарды бағалау, әлемдік әдеби даму процесіндегі түрік әдебиетінің орнын анықтау;
• қазақ тілін, әдебиеті мен түрік тілін оқытудың инновациялық әдістерін меңгеру, кәсіби қызметінде ақпараттық-коммуникациялық технологиялардың әр алуан түрлерін қолдану;
• түрік тілінде түрлі тақырыпта диалог құрастыру, әр алуан жанрдағы күрделі мәтіндермен жұмыс жасайды және түрік тілінің грамматикалық ережелерін қолдана отырып, оларды қазақ тіліне еркін аудара алу;
• мемлекеттік, орыс және шет тілдерінде тұлғааралық әлеуметтік және кәсіби қарым-қатынас жасау қабілеттерін дамыту, ауызша және жазбаша түрде қарым-қатынас жасай білу, грамматикалық ережелерді сауатты қолдана алу;
• академиялық жазылым дағдыларын меңгере отырып зерттеу жұмыстарын жүргізу, ғылыми мәтін құрастыруды, дереккөздермен, ақпараттар легімен жұмыс жасауды, ақпаратты сыни тұрғыдан бағалауды, кәсіби мәтіндік құжаттар әзірлеуді, академиялық адалдық қағидаттарын сақтауды білу;
• тіл білімінің тарихи мен теориялық мәселелерін түсіну: фонетика, морфология, лексика, синтаксис, стилистика және қазіргі заманғы жаңа бағыттар бойынша білімдерді игеру, қазақ жазуының тарихын, орфографиясы мен пунктуациялық негіздерін білу.
• Білім алушылардың ерекшеліктері мен қажеттіліктерін ескере отырып, сабақ жоспарларын әзірлеу, оқытудың тиісті әдістемелері мен бағалау құралдарын айқындау, оқушылардың жас және тұлғалық даму заңдылықтарын білу, оқу-тәрбие жұмысын жоспарлау және жүргізу; оқыту мен тәрбиелеудің заманауи технологияларын қолдану; педагогикалық ұжымдағы қарым-қатынастарды ұйымдастыру мен басқаруда педагогикалық менеджмент дағдыларын білу, ұсынылған теорияларды, әдістерді қолдану қабілетін пайдалану және негізгі интеллектуалды бағдарламалық жүйелерді құруға арналған ЖИ қағидаларын білу.
• психологияның, педагогиканың негізгі категорияларын, теориялық мәселелерін зерттеу, олардың негізгі тұжырымдамаларын қоғамның жалпы проблемаларымен, өмірдегі жағдайлармен байланыстыру, оқу-тәрбие жұмысындағы инклюзивтік білім беру ерекшеліктерін білу; ерекше білім беру қажеттіліктері бар білім алушының жеке қажеттіліктерін ескеру; оқу-әдістемелік қызметті жүзеге асыру.

Ұқсас БББ