7M02262 Теология в Қ.А.Ясауи атындағы Халықаралық қазақ-түрік университеті

Пәндер

• Құран семантикасы және герменевтикасы

  Пән тафсир саласындағы негізгі бағыттар мен олардың ерекшеліктерін, Құран аяттарын түсіндірудегі жаңа әдіс-тәсілдерді қарастырады. Пәнді оқу нәтижесінде магистрант Құран аяттарындағы сөздердің семантикалық ерешеліктерін, аяттар арасындағы мағыналық байланыстарды, аяттарға интерпретация жасауда уақыт пен шарттардың маңыздылығын меңгереді. Магистранттар Құранды түсіндіруде заманауи әдістерді қолдануды үйренеді және түрлі діни бағытта жазылған тафсирлердің ұстанымдарына теологиялық тұрғыдан сараптама жасай алатын болады.

  Оқу жылы - 1
  Семестр - 1
  Несиелер - 5
  

• Зерттеулердің қолданбалы әдістері

  Пән магистранттарға ғылыми зерттеудің әдістемелік негіздерін меңгертуді, эмпирикалық және қолданбалы зерттеу жүргізу дағдыларын қалыптастыруды көздейді. Курста зерттеу жоспарын әзірлеу, гипотеза құру, әдістерді негіздеу, деректерді талдау және интерпретациялау қарастырылады. Сонымен қатар, ғылыми ақпаратты өңдеу және талдау үдерісінде жасанды интеллект технологияларын қолдану жолдары меңгеріледі.

  Оқу жылы - 1
  Семестр - 1
  Несиелер - 5
  

• Қазақстандағы ислам: тарихы мен мектептері

  Пән Қазақстандағы исламның тарихи дамуы мен қазіргі жағдайы, дәстүр мен дін арақатынасы, дәстүрлі діни танымның қабаттары туралы зерттеуге бағытталған. Пәнді оқу нәтижесінде магистрант қазақ даласындағы діни таным, діни тәжірибе, діни сенім және діни сана сияқты негізгі феноменологиялық қабаттарға талдау жасап, қазақ тарихындағы ислам ойшылдарының діни мұрасын зерттейді. Қазақстандағы діни білім беру жүйесінің тарихы мен қазіргі жай-күйі туралы тұжырымдама жасайды.

  Оқу жылы - 1
  Семестр - 1
  Несиелер - 5
  

• Қазақ (түрік) дәстүрлі діни танымы: Ясауи философиясы

  Пән түркілердің дәстүрлі діни танымы мен діндарлығын үйлестіретін тарихи және әдіснамалық тәжірибесімен таныстыруға және сопылық ілімнің негізін салушы Қожа Ахмет Ясауидің діни-философиялық көзқарастарын зерттеуге бағытталған. Пәнді оқу нәтижесінде магистрант қазақ халқының дәстүрлі діни танымы мен исламдық өркениеттің негізін салушылардың ілімдері арасындағы сабақтастықты, Ясауи философиясының ерекшеліктері, Ахмет Ясауи көзқарастарының кейінгі ғалымдарға ықпалын меңгереді.

  Оқу жылы - 1
  Семестр - 1
  Несиелер - 5
  

• Әл-Фараби мұрасында дін және мемлекет қатынасы

  Пән әл-Фараби шығармаларындағы мемлекет туралы философиялық, моральдық және метафизикалық теориялардың діни құндылықтармен үндестігі туралы мәселелерді қамтиды. Пәнді оқу нәтижесінде магистрант әл-Фараби мұрасын зерттей отырып, мемлекет пен діни құрылым арасындағы адамның моральдық, философиялық және әлеуметтік орны мен ролін ашып көрсетеді. Адамның діни құқық пен азаматтық құқық арасын ажыратуындағы рационалды, логикалық және теориялық-практикалық ұстанымдарын көрсетеді.

  Оқу жылы - 1
  Семестр - 1
  Несиелер - 5
  

• Шет тілі (кәсіби)

  Пән магистранттың мәдениетаралық-коммуникативтік құзыреттілігін қалыптастыруға және ауызша және жазбаша шет тілін меңгеруін жетілдіруге бағытталған. Пәнді игеру барысында магистрант өз идеяларын, мақалаларды, есептерді, тағы басқа ғылыми еңбектерді рәсімдеу кезінде жазбаша, ғылыми қоғамдастыққа хабарлау кезінде ауызша түрде шет тілінде жеткізуге машықтанады. Шетелдік ғалымдардың ғылыми еңбектерін түпнұсқа дереккөздерден оқу және шетелдік тәжірибені меңгеру үшін ақпараттарды аудару дағдыларын жетілдіреді.

  Оқу жылы - 1
  Семестр - 1
  Несиелер - 4
  

• Ислам теологиясының қазіргі мәселелері

  Пән ислам тарихындағы орын алған әртүрлі теологиялық мектептердің пайда болуы мен даму тарихын және қазіргі өкілдерінің ұстанымдары мен ерекшеліктерін қарастырады. Пәнді оқу нәтижесінде магистрант Алланың сипаттары, пайғамбарлық, ақырет, қабір әлемі, тағдыр сияқты қоғамда туындаған теологиялық сұрақтардың шығу себептері мен тарихын зерттей отырып, ханафилік және матуридилік сенімдік жүйесі және дәстүрлі діни таным негізінде мәселелерге талдау жасайды.

  Оқу жылы - 1
  Семестр - 1
  Несиелер - 5
  

• Ислам антропологиясының қазіргі мәселелері

  Пән ислам дініндегі адам туралы қалыптасқан көзқарастар мен мектептердің өкілдері және олардың шығармаларындағы антропологиялық мәселелерді зерделеуге бағытталған. Пәнді оқу нәтижесінде магистрант адамның жалпы ислам діні мен философиясындағы жаратылысы, психологиясы, моральдық, әлеуметтік функциясы мен мәніне назар аударады. Сондай-ақ ислам антропологиясы мен бүгінгі антропологиялық мектептердің ұстанымы мен идеясы арасында салыстырмалы талдау жасайды. Басқа діндердегі антропологиялық мәселелерге баға беру дағдыларын игереді.

  Оқу жылы - 1
  Семестр - 1
  Несиелер - 5
  

• Ислам құқығының қазіргі мәселелері

  Пән қазіргі ислам құқығы мен діни және зайырлы мемлекеттік құқық арақатынасы мәселелерді үйлестірудегі теориялар мен әдістерді қарастырады. Пәнді оқу нәтижесінде магистрант қазіргі таңдағы ислам құқығы саласына қатысты күрделі мәселелердің шығу себептерін, олардың шешім жолдарын меңгереді. Ислам құқығында уақыт пен шарттарға қарай нормалардың өзгеруін үйренеді, қоғамдағы медицина, сауда саттық және әлеуметтік салалардағы діни-құқықтық мәселелердің шешімін көрсетеді.

  Оқу жылы - 1
  Семестр - 1
  Несиелер - 5
  

• Салыстырмалы теология

  Пән теологиялық жүйелердің тұтас бейнесін және ішкі логикасын түсіндіруге, оның басқа діни өркениеттің ойлау жүйесіндегі ұқсастықтар мен айырмашылықтарды көрсетуге бағытталған. Пәнді оқу нәтижесінде магистрант ислам теологиясының негізгі ережелерін, ұғымдары мен мәселелерін меңгере отырып, исламнан тыс (христиандық және иудаизм) және исламның ішіндегі (сунниттік, шииттік) теологиялық мәселелерді салыстырмалы түрде талдау жасауды үйренеді. Конфессияаралық қатынастар саласында толеранттылық пен зайырлылық ұстанымдарын меңгереді.

  Оқу жылы - 1
  Семестр - 2
  Несиелер - 5
  

• Академиялық ғылыми жазба.

  Пән академиялық жазылым талаптарын меңгеру, ғылыми этика және академиялық адалдық қағидаттарын сақтау негізінде ғылыми мақалалар дайындау тәсілдерін игеруге бағытталады. Мәтін құрастыру әдістері, академиялық жазбалардың түрлері, халықаралық ғылыми дерекқорларды пайдалану жолдары және ғылыми журналдардың құрылымдық әрі мазмұндық талаптарына сай мақала рәсімдеу дағдылары қалыптастырылады. Мақаланы журналдардың онлайн жүйелері арқылы ұсыну тәртібі үйретіледі. Ғылыми деректерді талдау мен библиографиялық ақпаратты өңдеу үдерісінде жасанды интеллект технологиялары қолданылады.

  Оқу жылы - 1
  Семестр - 2
  Несиелер - 5
  

• Ғылым тарихы мен философиясы

  Пән ғылыми ойлаудың тарихы мен философиясы, ғылымның философиялық негіздері, эмпирикалық және ғылыми танымның генезисі, мәні, болашағы туралы білімді қалыптастырады, білімгерлердің ғылыми-зерттеу жұмыстарын жүргізуіне қажетті әдістемелік аппаратты дамытады. Проблемалық оқыту, тақырыптық талқылау, жоба әдісі сияқты оқытудың белсенді әдістері қазіргі заманғы ғылым жетістіктерін сыни тұрғыдан бағалау дағдыларын меңгеруге, өзіндік этикалық ұстанымын қалыптастыруға бағытталған.

  Оқу жылы - 1
  Семестр - 2
  Несиелер - 4
  

• Жоғары мектептің педагогикасы

  Пән жоғары мектептегі тұтас педагогикалық үдерістің әдіснамалық негіздері мен қазіргі білім беру парадигмалары туралы білімдерді зерттейді. Пәнді оқу барысында магистрант жоғары кәсіби білімнің ролі мен маңыздылығын және жоғары мектеп оқытушысына қойылатын негізгі талаптарды меңгере отырып, жоғары оқу орындарында ғылыми-зерттеу әдістерінің түрлерін пайдалануды, нақты ғылыми-педагогикалық зерттеуді ұйымдастыру мен жүргізудің әдістемесін қолдануды үйренеді.

  Оқу жылы - 1
  Семестр - 2
  Несиелер - 4
  

• Христиан теологиясының қазіргі мәселелері

  Пән христиан дініндегі католик, православие және протестанттық ағымдардағы құдай туралы қалыптасқан танымдар, Иса пайғамбар, үштік сенім, эсхаталогия сияқты теологиялық мәселелерді қарастырады. Пәнді меңгеру нәтижесінде магистрант христиандық дереккөздерді пайдалана отырып, христиан дініндегі әртүрлі ағымдардың сенімдерімен байланысты көзқарастарға талдау жасауды және христиандық конфессиялардың еңбектеріне сараптама жасауды үйренеді. Қазіргі қоғамдағы конфессияаралық қатынастар саласындағы мәселелердің шешімін қарастырады.

  Оқу жылы - 1
  Семестр - 2
  Несиелер - 5
  

• Басқару психологиясы

  Пән басқарушылық қызметтің психологиялық теорияларының іргелі түсініктерін, әлемдегі басқарудың тиімді стратегиялары мен теорияларын зерттейді. Пәнді меңгеру барысында магистрант ұйымдастырушылық мінез-құлықтың психологиялық теорияларын синтездей білу, командада тиімді өзара іс-қимыл жасай білу, команда құру және басқару психологиясының ережелерін ескере отырып, оның жұмысын ұйымдастыру дағдыларын игереді. Көшбасшылық қасиеттерді көрсете білуді және шиеленістік ситуацияларды басқарудың психологиялық әдістерін қолдануды үйренеді.

  Оқу жылы - 1
  Семестр - 2
  Несиелер - 4
  

• Қазақстандағы зайырлылық ұстаным проблемалары

  Пән мемлекеттегі құқықтық нормалардың қалыптасуы мен дамуындағы діннің рөлін және Қазақстанның қоғамдық-саяси өміріндегі дін мен мемлекет арақатынасындағы құқықтық үндестікті қарастырады. Пәнді оқу нәтижесінде магистрант қазіргі мемлекеттік-конфессиялық қатынастардағы әлемдік тәжірибе және зайырлылық ұстанымдарын салыстырады. Сондай-ақ, зайырлылық принципі аясында мемлекеттік-конфессиялық қатынастардың қазақстандық үлгісі құрылымының теориялық негіздерін зерттеу және қазіргі қоғамдағы теологиялық мәселелерге талдау жасау дағдыларын қалыптастырады.

  Оқу жылы - 2
  Семестр - 1
  Несиелер - 6
  

• Дін саласындағы халықаралық құқық

  Пән дін саласындағы халықаралық құқықтық нормаларға салыстырмалы түрде зерттеу жүргізу және зайырлы мен діни қоғамдағы әртүрлі діни-құқықтық аспектілер мен ерекшеліктерді қарастыруға бағытталған. Пәнді оқу нәтижесінде магистрант дін саласындағы халықаралық құқыққа қатысты негізгі ұғымдарды біледі, мазмұны мен әдіснамалық қағидаларын меңгереді және қоғамдық өмірдегі құқықтық реттеу саласындағы қолданылатын қазіргі заңнамалық актілерін қолдану қабілеттерін қалыптастырады.

  Оқу жылы - 2
  Семестр - 1
  Несиелер - 6
  

• Хадистерді сыни талдау әдістері

  Пән ислам ғалымдары мен шығыстанушылардың хадис мәтіндерін сынға алу әдістері мен тәсілдерін зерттеуге және талдауға бағытталған. Пәнді оқу нәтижесінде магистрант хадис тарихы мен әдістемесіне қатысты білімін қолдана отырып, хадистерді сыни тұрғыдан талдау тәсілдерін үйренеді, ислам тарихындағы әртүрлі факторлардың әсерінен кейіннен пайда болған хадистердің шынайылығын анықтау, салыстырмалы талдау жасау, кәсіби қызметінде хадистерді дұрыс қолдана білу дағдысын қалыптастырады.

  Оқу жылы - 2
  Семестр - 1
  Несиелер - 6
  

• Теологияның әдіснамалық проблемалары

  Пән ислам теологиясының қалыптасу кезеңдерін, әдіснамалық ерекшеліктерін, ислам сенім жүйесіндегі мектепаралық айырмашылықтарын ескере отырып, оның пайда болуынан қазіргі заманға дейінгі теологиялық ерекшеленуін және теологияның әдіснамалық проблемаларын қарастырады. Пәнді оқу нәтижесінде магистрант теологиялық мәселелерге заманауи әдістерді қолдануды, талдау жасауды игере отырып, конфессияаралық салаларда тиімді қызмет ету дағдыларын қалыптастырады және теологиялық дискурс үлгілерін ғылыми-аналитикалық тұрғыдан зерттеу әдіснамасын меңгереді.

  Оқу жылы - 2
  Семестр - 1
  Несиелер - 6
  

• Киелі мәтіндер интерпретациясы

  Пән Құран, Інжіл және Тәурат мәтіндерін заманауи әдістерді қолдана отырып, салыстырмалы түрде талдау жасауға бағытталған. Пәнді оқу нәтижесінде магистрант монотеистік діндердегі сенімге қатысты теологиялық мәтіндерді зерттей отырып, құдай болмысы, пайғамбар, періште, адам, әлем, тағдыр және ақырет сияқты мәселелерді герменевтикалық және семантикалық әдістерді қолданып талдау жасайды. Қасиетті кітаптардағы ортақ мәтіндердің мәні мен мағынасын түсінеді, конфессияаралық қатынастар саласында толеранттылық көзқарас қалыптасады.

  Оқу жылы - 2
  Семестр - 1
  Несиелер - 7
  

• Қолданбалы дін социологиясы

  Пән теология мен дінтану пәнаралық парадигмасын қарастыру арқылы діни тіршілік және тәжірибе құбылыстарын әлеуметтік құбылыстар негізінде зерттеуге бағытталған. Пәнді оқу нәтижесінде магистрант дін құбылысын қоғамдық процестердің ерекше түрі ретінде қарастырады және ғылыми-зерттеу жұмыстарының нәтижелері бойынша талдау жасайды. Қазіргі қоғамдағы діни ахуалды зерттеу, оған әсер ететін әлеуметтік, саяси және мәдени үдерістерді айқындау, олардың ерекшеліктері мен себептерін талдауды дағдылары қалыптасады.

  Оқу жылы - 2
  Семестр - 1
  Несиелер - 7
  

Профессии

Оқыту нәтижелері

• Дін, ғылым және философия салаларындағы білімін теологиялық мәселелерді шешуде пайдаланады
• Ағылшын тілінде ауызша және жазбаша қарым-қатынас орнату дағдыларын меңгеріп, теологиялық бағыттағы шетелдік дереккөздерді, материалдарды еркін талдайды
• Педагогикалық такт және этика ережелерін сақтап, кәсіби саладағы көшбасшылық және басшылық іс-әрекеттері мен дағдыларын көрсете отырып, ЖОО-да білім беру іс-әрекетін нәтижелі ұйымдастырады.
• Заманауи аналитикалық әдістер мен жасанды интеллект құралдарын қолдана отырып, ғылыми-зерттеу нәтижелерін кешенді түрде талдайды.
• Халықаралық ғылыми дерекқорлар өнімдерін және жасанды интеллект технологияларын қолдана отырып, ғылыми зерттеу нәтижелерін ғылыми этика талаптары мен академиялық адалдық қағидаттарына сай рәсімдеп, ғылыми еңбектерді әзірлейді
• Түркілік-мұсылмандық өркениеттің тарихын, әдіснамасы мен философиясын меңгеріп, кәсіби қызметінде ғылыми-зерттеу жұмыстарын дербес жүзеге асырады
• Теологиялық мәтіндер мен мәселелерге заманауи әдістерді қолдана отырып талдау жасайды.
• Мәдениетаралық, этносаралық, конфессияаралық қатынастардағы діни-құқықтық, толеранттылық шарттары мен зайырлылық ұстанымдарын сақтап, конструкциялық диалог ауқымындағы кәсіби іскерліктері мен дағдыларын дәлдікпен қолданады
• Теология саласындағы діни ілімдер және жаңадан пайда болған түрлі ағымдардың тәжірибелері мен ұстанымдарын зерттеп, қазіргі қоғамдағы теологиялық мәселелерге сараптама жасайды